Fréttablaðið - 12.04.2013, Blaðsíða 8

12. apríl 2013 FÖSTUDAGUR| FRÉTTIR | 8
DÓMSMÁL Pétur Guðgeirsson, dóms-
formaður í Al Thani-máli sérstaks
saksóknara, frestaði málinu um ótil-
tekinn tíma í Héraðsdómi Reykja-
víkur í gær. Gestur Jónsson og
Ragnar Hall, verjendur Sigurðar
Einars sonar og Ólafs Ólafssonar,
mættu ekki í fyrirhugaða aðalmeð-
ferð málsins í gær og því þurfti að
skipa nýja verjendur og gefa þeim
tíma til að setja sig inn í málið.
Salur 101, sá stærsti í dómshúsinu,
var troðfullur af fólki þegar klukkan
9.15 í gærmorgun. Á staðnum var
urmull fjölmiðlamanna, laganema,
starfsmanna sérstaks saksóknara og
annarra sem áhuga höfðu á málinu og
þurftu margir að gera sér að góðu að
standa á meðan þinghaldið stóð yfir.
Þeir urðu þó ekki þreyttir, því að það
varði aðeins í um fimmtán mínútur.
Dómsformaðurinn sagðist ekki eiga
neinn annan kost en að skipa Ólafi og
Sigurði nýja verjendur og fresta mál-
inu. Ákveðið var að málsaðilar mundu
funda með dómnum 22. apríl næst-
komandi og ákveða þá næstu skref.
Gestur og Ragnar sögðu sig frá
málinu vegna þess að þeir töldu sér
ófært, sannfæringar sinnar vegna, að
sinna verjendastörfum í máli þar sem
jafngróflega væri brotið á réttindum
sakborninga og þeir telja að gert hafi
verið í þessu máli. stigur@frettabladid.is
Al Thani-máli frestað
um óákveðinn tíma
Ekkert varð af því að aðalmeðferðin í Al Thani-málinu hæfist í gær í troðfullum
sal í Héraðsdómi Reykjavíkur. Þinghaldið tók korter, dómari skipaði Ólafi Ólafssyni
og Sigurði Einarssyni nýja verjendur og frestaði svo málinu um óákveðinn tíma.
SÓLGLERAUGU NÆST? „Maður þarf bara að vera með sólgleraugu,“ sagði Sigurður Einarsson þegar flöss ljósmyndaranna
ætluðu að blinda hann. Hreiðar Már Sigurðsson og Ólafur Ólafsson voru líka mættir í dóminn, en ekkert bólaði hins vegar á
fjórða sakborningnum, Magnúsi Guðmundssyni, þótt dómari hafi mótmælalaust bókað að hann væri mættur. Lengst til hægri á
myndinni sitja þeir hlið við hlið nýju verjendurnir tveir, Þórólfur Jónsson og Ólafur Eiríksson. FRÉTTABLAÐIÐ/GVA
„Ég er bara hneykslaður,“ segir Björn Þorvaldsson, saksóknari í málinu,
um framferði Gests Jónssonar og Ragnars Hall. „Dómarinn kemst að
þeirri niðurstöðu að þeir eigi að mæta og flestir virða nú niðurstöðu
dómara. Þeir kusu að gera það ekki.“
Björn lét bóka fyrir dómi að hann teldi augljóst að ákvörðun þeirra
um að hætta málsvörninni væri einungis til þess ætluð að fresta máls-
meðferðinni. „Ef maður lítur bara á ferilinn, hvernig þeir byggja þetta
smátt og smátt upp og enda svo á þessu, þá er þetta hreinlega borð-
leggjandi,“ segir Björn við Fréttablaðið.
Hann fór jafnframt fram á það við dómara að hann legði réttarfars-
sekt á lögmennina tvo. Hvort svo fer kemur ekki í ljós fyrr en dómur
gengur í málinu.
Björn segir það munu koma í ljós 22. apríl hversu lengi málið frestast.
„Maður vonar að þetta klárist sem fyrst en það er stutt í sumarið.“
Hneykslaður á Gesti og Ragnari
ÓSÁTTUR Björn Þorvaldsson, lengst til hægri, ásamt saksóknarteymi sínu.
Hann óttast að málið kunni að dragast fram á haust.
YFIR 40 GERÐIR GASGRILLA
OG 20 GERÐIR KOLAGRILLA
E
N
N
E
M
M
/
S
ÍA
/
N
M
5
7
4
3
4