Fréttablaðið - 12.04.2013, Blaðsíða 50

12. apríl 2013 FÖSTUDAGUR| SPORT | 34SPORT
FÓTBOLTI „Af hverju flaggaði ekki
þessi sprotadómari, hvað er hann
eiginlega að gera þarna,“ eru setn-
ingar sem heyrast iðulega um nýj-
ustu viðbótina í dómaraflóruna.
Það eru nýju aukadómararnir sem
standa við hlið markanna og halda
á sprota. Eru þeir því iðulega kall-
aðir sprotadómarar hér á landi.
Æði oft í vetur hafa komið upp
atvik í Evrópuleikjum þar sem
kvartað er undan almennu að-
gerðar leysi sprotadómarans.
Fréttablaðið spurði hinn reynda
Kristin Jakobsson út í hlutverk
dómaranna, en hann hefur dæmt
Evrópuleiki í vetur með sprota-
dómara sér við hlið.
„Þetta eru fyrst og fremst auka-
augu. Þeir eru dómarar en ekki
aðstoðardómarar. Þeir sem sinna
þessu hlutverki eru vanir að sinna
starfi aðaldómara. Þeirra hlutverk
er að vera í samskiptum við okkur
í gegnum samskiptakerfið sem við
erum með,“ sagði Kristinn en hvað
með sprotann sem þeir eru með og
flagga aldrei. Til hvers er hann?
„Ef samskiptabúnaðurinn bilar,
eins og getur komið fyrir og hefur
gerst, þá geta þeir ýtt á hnapp á
sprotanum til þess að ná athygli
aðaldómarans. Sprotinn er því
ekki til þess að sveifla honum eins
og einhverjir virðast halda. Þeir
mega ekki sýna neinar bendingar.
Það er ætlast til þess að öll þeirra
samskipti fari eingöngu í gegnum
kerfið.“
Dómari tekur lokaákvörðun
Blaðamaður hafði heyrt því fleygt
að ástæðan væri sú að ef þeir
tækju afdrifaríka ákvörðun væru
þeir í hættu með áhorfendur beint
fyrir aftan sig. Kristinn segir það
ekki vera rétt.
„Endanleg ákvörðunartaka
liggur alltaf hjá aðaldóm aranum,
sama hvort eitthvað kemur frá
aðstoðardómara eða sprota-
dómara. Þeir eru settir inn til þess
að aðstoða og koma í veg fyrir mis-
tök. Þarna fáum við fleiri augu og
það munar um þau. Leikmenn vita
líka af því. Þeir kannski láta sig
ekki falla eða annað ef þeir vita af
augum fyrir framan sig og aftan.
Allt slíkt hefur minnkað til muna
með komu sprotadómaranna og er
það vel,“ sagði Kristinn. En mega
þeir skipta sér af öllum ákvörð-
unum?
„Af öllu saman. Allt það sem
ég sé ekki og þeir sjá eiga þeir
að láta mig vita af. Það var frægt
atvik þegar John Terry var rekinn
af velli í Meistaradeildinni gegn
Barcelona í fyrra. Hann setti þá
hnéð í andstæðing. Aðaldómarinn
sá það ekki en sprotadómarinn sá
það. Terry var rekinn af velli eftir
ábendingu sprotadómarans.“
Kristinn bendir á að öll dóm-
arateymin þekkist vel. Aðaldóm-
arar þekki sprotadómarana vel og
treysti þeim.
„Þessir strákar segja aldrei víti
og rautt nema þeir séu algjörlega
vissir í sinni sök. Við verðum því
að treysta þeim þó svo að endan-
leg ákvörðun sé alltaf hjá aðal-
dómara. Þegar menn efast um að
þeir séu ekki að skipta sér af þá
er alveg 100 prósent að þeir hafa
sagt eitthvað. Stundum sjá þeir
ekki hlutina og þá láta þeir vita af
því ef svo ber undir. Þeir eru alls
ekki hræddir við að skipta sér af.“
Kristinn segir að almenn
ánægja sé með þessa viðbót hjá
dómurum í Evrópukeppnum.
„Ég var mjög skeptískur til
að byrja með. Ég vildi bara vera
íhaldssamur og gera þetta nánast
einn eins og í gamla daga. Svo
gaf ég þessu séns. Ég var valinn
í þetta verkefni strax frá upphafi
þegar var verið að prófa þetta.
Mér fannst þetta vera meiriháttar
strax frá fyrsta leik,“ sagði Krist-
inn kátur og bætti við.
„Þetta er fyrst og fremst fyrir-
byggjandi. Í hornum og föstum
leikatriðum eru menn að toga áður
en það er sparkað. Þá getur maður
sagt við leikmenn að ég sjái þetta
og sprotadómarinn geri það líka.
Þá haga menn sér betur og reyna
minna en ella,“ sagði Kristinn, en
hvað finnst honum um þá gagnrýni
að sprotadómarar séu ragir að láta
til sín taka?
„Ég skil þá gagnrýni því
menn átta sig ekki á því hvernig
ákvörðun er tekin. Það getur vel
verið að dómari sé að dæma eftir
ábendingu sprotadómara án þess
að áhorfendur fatti það.“
Hefur gefið góða raun
Kristinn hefur trú á því að þetta
kerfi sé komið til þess að vera.
Reynslan í vetur sé það góð.
„Þetta á eftir að hjálpa til
áfram. Það þarf samt tíma til þess
að þróa þetta. Það er auð vitað
ókostur að nota þetta aðeins í stóru
keppnunum,“ sagði Kristinn.
Annar sprotadómara hans,
Gunnar Jarl Jónsson, var í eld-
línunni fyrr í vetur er hann tók
ákvörðun um að reka mann af
velli í Evrópuleik Atletico Madrid
og Viktoria Plzen.
„Þá var leikmaður skallaður.
Ég sá það ekki en Gunnar sá það.
Hann sagði að þetta væri ekkert
annað en rautt spjald. Ég rak því
manninn af velli og myndbands-
upptökur sýndu síðan að það var
hárréttur dómur. Það sýnir að
þetta virkar.“ henry@frettabladid.is
Mér fi nnst meiriháttar að
hafa þessa sprotadómara
Sprotadómararnir í Evrópuboltanum eru alls ekki óumdeildir og hafa margir velt fyrir sér hlutverki þeirra.
Mörgum fi nnst þeir ekki taka neinar ákvarðanir og í raun ekki bæta neinu við leikinn. Fréttablaðið ræddi
málið við reyndasta dómara landsins, Kristin Jakobsson, en hann er mjög ánægður með nýju dómarana.
Hættir sumarið 2014
Kristinn hefur verið einn fremsti dómari landsins um árabil og var um
árabil í algjörum sérflokki íslenskra dómara.
Hann er þó að komast á þann aldur að mega ekki dæma í Evrópu-
keppnum lengur. Það mun gerast næsta vetur.
Kristinn ætlar því að dæma tvö sumur í viðbót og svo stefnir hann á að
leggja flautuna á hilluna eftir afar farsælan feril.
„Það styttist í þessum hjá mér. Ég tek svo
sumarið 2014 og þá leyfi ég öðrum að komast
að. Það kemur að þessum tímamótum hjá mér
eins og öðrum,“ sagði Kristinn en dómarar detta
út af dómaralista FIFA er þeir ná 45 ára aldri.
Það finnst mörgum of snemmt.
„Er ekki fínt að fá unga og ferska
menn inn hið fyrsta? Menn verða
að vera í toppformi allan tímann
en auðvitað er reynslan mikilvæg.
Ég styð það að hleypa ungum og
gröðum strákum að,“ sagði Kristinn
en verður hann búinn að fá nóg er
hann hættir?
„Á maður þá ekki að vera búinn
að gera nánast allt? Heilt yfir er ég
mjög ánægður með minn feril og
mun ganga sáttur frá borði.“
REYNDUR Kristinn hefur dæmt fjölmarga Evrópuleiki og landsleiki. Hann er hér að
dæma hjá enska landsliðinu. Emile Heskey krýpur á vellinum. NORDICPHOTOS/GETTY
ÚRSLIT
DOMINOS-DEILD KARLA
UNDANÚRSLIT, 4. LEIKUR
KR - GRINDAVÍK 88-92 (39-47)
KR: Brandon Richardson 21/5 stoðsendingar,
Brynjar Þór Björnsson 19, Helgi Már Magnússon
16/8 fráköst, Kristófer Acox 10/12 fráköst,
Martin Hermannsson 10, Darshawn McClellan 6/5
fráköst, Finnur Atli Magnusson 6.
Grindavík: Aaron Broussard 32/7 fráköst, Samuel
Zeglinski 23/5 fráköst/5 stoðsendingar, Þorleifur
Ólafsson 11/7 fráköst, Jóhann Árni Ólafsson
11/5 fráköst, Sigurður Gunnar Þorsteinsson 9/4
fráköst/3 varin skot, Ryan Pettinella 4/5 fráköst,
Davíð Ingi Bustion 2.
Grindavík vann einvígið, 3-1.
N1-DEILD KARLA, UMSPIL
UNDANÚRSLIT, 2. LEIKUR
VÍKINGUR - STJARNAN 25-27
Staðan í einvíginu er jöfn, 1-1.
GRÓTTA - VALUR 22-34
Valur vann einvígið, 2-0.
EVRÓPUDEILD UEFA
RUBIN KAZAN - CHELSEA 3-2
0-1 Fe rnando Torres (4.), 1-1 Ivan Marcano (51.),
1-2 Victor Moses (55.), 2-2 Gökdeniz Karadeniz
(62.), 3-2 Bebars Natcho, víti (75.).
Chelsea komst áfram, 5-4 samanlagt.
BASEL - TOTTENHAM 2-2
0-1 Clint Dempsey (23.), 1-1 Mohamed Salah (27.),
2-1 Aleksandar Dragovic (49.), 2-2 Dempsey (82.).
xxx komst áfram eftir vítaspyrnukeppni eftir
framlengdan leik.
NEWCASTLE - BENFICA 1-1
1-0 Papiss Cisse (71.), 1-1 Eduardo Salvio (92.).
Benfica komst áfram, 4-2 samanlagt.
LAZIO - FENERBAHCE 1-1
Fenerbahce komst áfram, 3-1 samanlagt.
SÆNSKA ÚRVALSDEILDIN
UNDANÚRSLIT, 4. LEIKUR
NORRKÖPING - SUNDSVALL 72-102
Jakob Örn Sigurðarson skoraði nítján stig fyrir
Sundsvall, gaf sex stoðsendingar og tók fjögur
fráköst. Hlynur Bæringsson var með ellefu stig,
níu stoðsendingar og átta fráköst en báðir leika
með Sundsvall. Pavel Ermolinskij skoraði tvö stig
og tók fjögur fráköst fyrir Norrköping. Sundsvall
er komið áfram í lokaúrslitin eftir 3-1 sigur.
Það getur vel verið
að dómari sé að dæma
eftir ábendingu sprota-
dómara án þess að
áhorfendur fatti það.
Kristinn Jakobsson alþjóðadómari
SUND Íslandsmeistaramótið í sundi
í 50 metra laug hófst í Laugar-
dalslauginni í gær en eitt met féll
á fyrsta keppnisdeginum. Anton
Sveinn McKee bætti metið í 400 m
skriðsundi karla en hann deildi því
áður með Erni Arnarsyni.
Anton Sveinn synti á 3:56,65
mínútum og bætti gamla metið
um 26 hundraðshluta úr sekúndu.
Þá var Eygló Ósk Gústafs-
dóttir nálægt því að bæta metið
sitt í 200 m fjórsundi. Hún synti
á 2:14,93 mínútum og var aðeins
0,06 sekúndum frá Íslandsmeti
sínu. Önnur í greininni varð
Hrafnhildur Lúthersdóttir en
báðar kepptu þær á Ólympíu-
leikunum í sumar. - esá
Anton bætti
Íslandsmet
NÝTT MET Anton Sveinn McKee setti
met á fyrsta keppnisdegi Íslands-
meistara mótsins í gær. FRÉTTABLAÐIÐ/ANTON
HANDBOLTI Svartfellingurinn
Nemanja Malovic skrifaði í gær undir
tveggja ára samning við svissneska
liðið Amicitia Zürich. Hann lék síðast
með ÍBV hér á landi og því ljóst að
hann mun ekki leika með liðinu í N1-
deild karla á næstu leiktíð.
Þetta var staðfest á heimasíðu sviss-
neska liðsins í gær. Á heimasíðu ÍBV
segir að það hafi verið mikill vilji til
að fá Malovic aftur en ekki hafi verið
hægt að keppa við þau laun sem hafi
verið í boði í Sviss.
Malovic var markahæsti leikmaður
1. deildar karla á nýliðinni leiktíð en
var sendur úr landi í síðasta mánuði
þar sem hann var ekki með atvinnu-
og dvalarleyfi. Hans síðasta verk var
að hjálpa ÍBV að tryggja sér sæti í N1-
deild karla með sigri á Stjörnunni en
morguninn eftir fór hann úr landi.
Svissneska félagið var fljótt að
bregðast við og hefur nú samið við
Malovic. Hann er í U-21 liði Svartfjalla-
lands og ekki langt frá því að vinna sér
sæti í A-landsliðinu. Malovic kom fyrst
hingað til lands árið 2011 til að spila
með Haukum.
ÍBV baðst á sínum tíma afsökunar
á því hafa ekki útvegað Malovic þau
leyfi sem hann þurfti til að búa og
starfa hér á landi. - esá
Malovic samdi við Amicitia Zürich
KEMUR EKKI AFTUR Nemanja Malovic
er farinn til Sviss. FRÉTTABLAÐIÐ/STEFÁN
FÓTBOLTI Tottenham féll í gær úr leik í Evrópudeild
UEFA eftir að hafa tapað fyrir svissneska liðinu Basel
í vítaspyrnukeppni. Gylfi Þór Sigurðsson lék allar 120
mínúturnar í leiknum sem var sá síðari í fjórðungsúr-
slitrimmu liðanna.
Staðan að loknum venjulegum leiktíma var 2-2 og
þurfti því að framlengja leikinn. Tottenham lék manni
færri alla framlenginguna eftir að Jan Vertonghen fékk
rautt í lok venjulegs leiktíma en hélt út án þess að fá á
sig mark.
Basel vann svo vítaspyrnukeppnina örugglega, 4-1, en
Gylfi Þór var sá eini sem nýtti sína spyrnu hjá Totten-
ham. Tom Huddlestone lét verja frá sér en Emmanuel
Adebayor skaut yfir.
Auk Basel komust Chelsea, Fenerbahce og Benfica
áfram í undanúrslitin en dregið verður í dag. - esá
Gylfi sá eini sem nýtti sína spyrnu