Fréttablaðið - 12.04.2013, Blaðsíða 24

FRÉTTABLAÐIÐ Fólk og annað frábært. Heimili, hönnun og hugmyndir. Melkorka Árný Kvaran. Heilsa, matur og hamingja. Spjörunum úr og helgarmaturinn.
2 • LÍFIÐ 12. APRÍL 2013
HVERJIR
HVAR?
Umsjón blaðsins
Kolbrún Pálína Helgadóttir
kolbrunp@365.is
Umsjón Lífsins á Vísir.is
Ellý Ármanns
elly@365.is
Útgáfufélag
365 miðlar ehf.
Forsíðumynd
Valgarður Gíslason
Auglýsingar
Atli Bergmann
atlib@365.is
Hönnun
Silja Ástþórsdóttir
siljaa@frettabladid.is
Lífið
Skaftahlíð 24,
105 Reykjavík,
sími 512 5000
www.visir.is/lifid
Lífi ð
Hamingja, fólk og
annað frábært
Menntaskólavinkonurnar Sigríður Ragna Jóns-
dóttir og Guðrún Scheving Thorsteinsson fengu
þá hugmynd í vetur að leita leiða til að opna
uppáhaldsverslunina sína, Indiska, hér á landi.
Indiska er verslunarkeðja með föt, fylgihluti
og húsbúnað ýmiss konar sem á rætur sínar
að rekja til Svíþjóðar en Íslendingar gætu líka
þekkt frá hinum Norðurlöndunum.
„Guðrún hefur búið í Svíþjóð og þekkti Ind-
iska mjög vel þaðan. Ég hef búið í Indlandi og
þekkti vel handbragðið þaðan. Við fengum þá
flugu í höfuðið að spreyta okkur á verslunar-
rekstri og flytja þessa flottu keðju hingað til
Íslands,“ segir Sigríður. „Kraftar okkar voru
svo leiddir til þeirra Sigrúnar Andersen og Dag-
bjartar Guðmundsdóttur sem höfðu fengið sömu
hugmynd og þá vorum við orðnar fjórar sem var
enn betra.“
Sigríður segir Indiska í uppáhaldi hjá þeim
stöllum fyrir margvíslegar sakir. „Vörurnar
frá þeim eru svo litríkar og lifandi, flottar en
ekki dýrar. Svo er auðvitað afar mikilvægt að
fyrirtækið er leiðandi í samfélagslegri ábyrgð
fyrirtækja og umhverfisvernd. Skuldbinding
þess til að láta gott af sér leiða á rætur sínar
að rekja aftur til 7. áratugarins. Okkur fannst
vanta þessa verslun hér á landi,“ segir Sigríður.
Þess má geta að Indiska er með sitt eigið
hönnunarteymi en vinnur reglulega með öðrum
sænskum og alþjóðlegum hönnuðum. Meðal
hönnuða sem verslunin hefur unnið með má
nefna Jade Jagger sem hannaði fyrir fyrir-
tækið árin 2010 og 2011. Meðal hönnuða húsbún-
aðar Indiska má nefna íslenska hönnuðinn Siggu
Heimis. Undanfarin ár hefur Indiska framleitt
föt undir vörumerkinu „Bohemian modern“ þar
sem ástríðan fyrir litadýrð, mynstrum og vönd-
uðum efnum fær að njóta sín.
Sigríður, Guðrún og Sigrún munu allar koma
að rekstri Indiska en Dagbjört verður í fullu
starfi við verslunarreksturinn. „Við hinar
vinnum einnig annars staðar og sinnum Indiska
meðfram því,“ segir hún að lokum.
Verslunin opnar í Kringlunni í maí.
HÖNNUN VINKONUR Í REKSTRI
Vinkonurnar Sigríður Ragna Jónsdóttir og Guðrún Scheving Thorsteinsson hafa báðar haldið upp á Indiska-verslanirnar
sem margir þekkja frá Norðurlöndum. Þær ákváðu að ráðast í það að opna búðina hér á landi.
Indiska hefur lengi verið í uppáhaldi hjá vinkonunum.
Hvað gerir þú til að tæma hugann eftir erf-
iða vinnuviku? Ég er í erilsömu starfi og þarf að
gæta þess vel að láta starfið ekki gleypa mig og ég
þarf að vera ákveðin í minni tímastjórnun. Ég vinn
til dæmis aldrei eftir klukkan fimm á föstu dögum
og helst ekki um helgar. Það er því orðinn vani að
vinda ofan af sér eftir vinnuvikuna með því að baka
pitsu með börnunum á föstudögum og horfa svo
saman á fjölskyldumynd. Mjög mikilvægt atriði er
að þetta fari fram á náttfötunum.
Hvernig hleður þú batteríin? Ég hleð batteríin
með því að hitta skemmtilegt fólk. Ég á marga
góða vini og skipulegg ýmislegt skemmtilegt með
þeim, þar af leiðandi er alltaf eitthvað að hlakka
til. Einnig finnst mér gott að fara út að hreyfa mig,
ganga, hjóla eða fara í sund. Og svo verðlauna
ég mig reglulega með því að fara í spa. Mér finnst
dásamlegt að eiga stund í pottum og gufum þar sem
síminn nær ekki til mín.
Hugleiðir þú eða notar þú aðrar aðferðir
til að rækta hugann? Ég hugleiði ekki markvisst
en leiði hugann að því á hverjum degi hvernig ég
vil haga mínu lífi og mínum tilfinningum.
Viltu deila með okkur uppáhaldshamingju-
molanum þínum/tilvitnun? Ég á ýmsa uppá-
haldshamingjumola en ég tel að „komdu fram
við aðra eins og þú vilt láta koma fram við þig“
myndi breyta heiminum ef fleiri færu eftir því. Það
yrði sannkölluð hamingjusprengja og öll dýrin í
skóginum yrðu vinir.
VERÐLAUNAR SIG MEÐ
ÞVÍ AÐ FARA Í SPA
Borgin iðar af mannlífi þessa dagana enda
vor í lofti og stutt í kosningar. Sáust hjónin
glæsilegu Guðmundur Steingrímsson og
Alexía Björg Jóhannesdóttir á leiksýning-
unni Blam á dögunum en þar sást einnig
leikaraparið Álfrún Örnólfsdóttir og Friðrik
Friðriksson.
Söngkonan Björk Guðmundsdóttir er stödd hér á
landi en til hennar sást meðal annars á Mokka-
kaffi og á veitingastaðnum Snaps. Með henni
þar var eiginkona Jóns Gnarr, Jóka. Að lokum
kíkti fjölmiðlakonan Kolbrún Björnsdóttir á sér-
staka forsýningu kvikmyndarinnar Oblivion í
Laugarásbíó.
HAMINGJUHORNIÐ
Ásdís Rósa Ásgeirsdóttir lögfræðingur
á Fasteignasölunni Húsaskjól reynir
að eiga frí um helgar til að hlaða batteríin.