Fréttablaðið - 18.04.2013, Qupperneq 62

18. apríl 2013 FIMMTUDAGUR| MENNING | 34MENNING
Hátíðin List án landamæra var
fyrst haldin á Evrópuári fatl-
aðra árið 2003 og hefur þróast
og stækkað yfir
í að vera hátíð
með yfir sjötíu
viðburðum um
allt land og um
átta hundruð
þátttakendum,“
segir Margrét
M. Norðdahl,
framkvæmda-
stýra Listar án
landamæra.
Hátíðin verður sett í ráðhúsi
Reykjavíkur klukkan 17.30 og
síðan rekur hver viðburðurinn
annan víðs vegar um landið.
Eru einhver skilyrði fyrir að
fá að taka þátt í hátíðinni? „Nei,
við reynum að finna öllu stað á
hátíðinni. Þátttakendur eru bæði
fatlaðir og ófatlaðir og það er alls
konar fólk sem tekur þátt,“ segir
Margrét.
Dagskrá verður í Reykja-
vík, Mosfellsbæ, Hafnarfirði,
Reykjanesbæ, Fellsenda í Dölum,
Akranesi, Borgarnesi, Selfossi,
Húsavík, Akureyri, Ísafirði,
Neskaupsstað, Fáskrúðsfirði,
Seyðisfirði og á Egilsstöðum.
Sýningarstaðir eru nánast eins
fjölbreyttir og þeir eru margir.
Fyrrverandi sláturhús, strætó-
skýli og torg í borg, sem og hefð-
bundnir sýningarstaðir og salir.
Á döfinni eru leikrit, listsýning-
ar, handverkssýningar og mark-
aðir, geðveik kaffihús, ljóða-
lestur, gjörningar, tónleikar,
söngkeppnir, kvikmyndasýn-
ingar, karókí, skapandi þrauta-
brautir og óvæntir pop-up-við-
burðir sem eru nýjung.
„Hátíðin virkar í allar áttir,“
útskýrir Margrét. „Og hún er
opin öllum. Núna erum við til
dæmis í fyrsta sinn með pop-
up-vettvang og þar kemur inn
alls konar fólk sem treður upp
hér og þar og við auglýsum bara
samdægurs ef svo vill verk-
ast. Ég veit til dæmis að einn
söng hópur ætlar að troða upp í
strætó, annar sönghópur ætlar
að koma fram á elliheimilum og
svo framvegis. Við hvetjum sem
flesta til að vera með uppákom-
ur og það þarf ekkert endilega að
láta okkur vita af því fyrir fram.
Við viljum að grasrótin sé virk
án þess að viðburðir séu með
miklum formerkjum.“
Heildardagskrá og bækling
hátíðarinnar er hægt að nálgast
inni á heimasíðu verkefnisins
listin.is. fridrikab@frettabladid.is
Virkar í allar áttir
og er öllum opin
Listahátíðin List án landamæra er haldin í tíunda sinn í ár og hefst með
opnunar hátíð í Ráðhúsi Reykjavíkur í dag. Viðburðir verða um land allt og af
öllum toga, auk þess sem fólk er hvatt til að efna til eigin viðburða.
LÍF OG FJÖR Það var góð stemning í smiðju sænsku samtakanna Share Music í gær og afraksturinn er meðal þess sem gefur að
líta á opnunarhátíðinni í Ráðhúsinu í dag. FRÉTTABLAÐIÐ/GVA
MARGRÉT M.
NORÐDAHL
Listamaður hátíðar-
innar 2013 er Atli
Viðar Engilbertsson.
Atli Viðar er sjálf-
menntaður fjöl-
listamaður. Hann
hefur skrifað ljóð,
leikrit og smásögur
og samið tónlist, auk
þess að sinna mynd-
list. Atli sýnir ásamt
listakonunni Sigrúnu
Huld Hrafnsdóttur í
sal Myndlistafélagsins
á Akureyri, auk þess
sem verk eftir hann
prýða allt kynningar-
efni hátíðarinnar.
Atli Viðar Engilbertsson er listamaður hátíðarinnar
BÆKUR ★★★★ ★
Svifflug
Anne-Gine Goemans
Þýðing: Ragna Sigurðardóttir
JPV-útgáfa
Gieles er ósköp venjulegur fjór-
tán ára strákur sem býr í
Hollandi. Það óvenjulega er
að hann býr rétt við flugvöll
sem er útgangspunktur lífs
hans, á fjórar gæsir, sem
hann er að þjálfa til óvenju-
legs og dálítið eigingjarns
verkefnis, og að nánast
allir í kringum hann eiga
hörmungarsögur, minni
eða stærri, sem tengjast
flugi eða flugslysum. Og
að hann dreymir um að
bjarga öllu þessu fólki á einn eða
annan máta í anda Sullenbergs flug-
stjóra, sem er hans stóra hetja og
fyrirmynd.
Svifflug er óvenjuleg og skemmti-
leg saga, allt í senn þroskasaga,
samfélagsgagnrýni, fróðleikur
um flug og flugslys, sagnfræðileg
skáldsaga, ástarsaga og harmsaga.
Persónugalleríið er með eindæm-
um fjölbreytt og vel upp dregið og
þótt sögurnar séu sumar á mörkum
hins fáránlega er í þeim öllum djúp-
ur mannlegur tónn sem lesandinn
tengir við og fer að þykja vænt um
persónurnar. Inn í söguna er síðan
fléttað sögu frá fyrri öldum af ungu
fólki sem flúði til Hollands frá Dan-
mörku til að fá að njótast og lenti
í alls kyns hrakningum og hörm-
ungum.
Gieles er í fyrstu ekkert sér-
staklega sympatísk persóna, fýldur
unglingur, uppfullur af mótþróa og
hormónum, en vex í gegnum sög-
una og þá einkum samskipti sín við
hið geysifjölbreytta persónugallerí
sem spannar allt frá hinum ofur-
feita Waling til goth-stelpunnar
Meike með nánast öllum hugsanleg-
um manngerðum þar á milli. Sagan
flýtur vel áfram og þrátt
fyrir persónufjöldann og
útúrdúra í ýmsar áttir
tekst höfundinum að
halda dampi og lesandinn
missir ekki áhugann eitt
augnablik. Ekki einu sinni
upprifjanir á fjölmörgum
flugslysum og björgunar-
aðgerðum draga úr tær-
leika frásagnarinnar. Þetta
fellur allt saman í einn far-
veg sem ber lesandann með
sér, vaggar honum, skekur hann
og sýnir honum hlutina frá nýjum
sjónarhornum. Það er erfitt að festa
hendur á því nákvæmlega í hverju
töfrar sögunnar eru fólgnir en þar
fer allt saman sem gerir góða sögu:
áhugaverð framvinda, vel skapaðar
persónur, drama, húmor og söguleg
yfirsýn. Það verður enginn svikinn
af því að fá sér flugferð með Gieles
og samferðafólki hans.
Ragna Sigurðardóttir hefur unnið
þrekvirki með þýðingunni. Vandað
og eðlilegt málfar, góður stíll og
seiðandi hrynjandi sem sjaldgæft er
að sjá í frumskrifuðum texta, hvað
þá þýddum. Virkilega vel að verki
staðið. Friðrika Benónýsdóttir
NIÐURSTAÐA: Óvenjuleg og
skemmti leg saga sem leiðir
lesandann eftir ýmsum krákustígum
um líf fjórtán ára unglings.
Fuglinn flaug fjaðralaus
20% AFSLÁTTUR
Við bjóðum viðskiptavinum okkar
20% afslátt af miðaverði á Engla
alheimsins.
Verkið er sýnt í Þjóðleikhúsinu og
er miðasala þar eða í síma 551
1200. Greiða þarf fyrir miðana
með korti frá Arion banka.
Góða skemmtun.