Fréttablaðið - 28.11.2013, Page 10

28. nóvember 2013 FIMMTUDAGUR | FRÉTTIR |
SAMKVÆMT BÓKSÖLU Í PENNANUM EYMUNDSSON UM LAND ALLT
METSÖLULISTI EYMUNDSSON

VIKAN 20.11.13 - 27.11.13
1 2Skuggasund Arnaldur Indriðason Lygi Yrsa Sigurðardóttir
5 Rangstæður í ReykjavíkGunnar Helgason 6
7 TímakistanAndri Snær Magnason 8 Látið síga piltar Óskar Magnússon
10 Árleysi aldaBjarki Karlsson9 Iceland Small World Sigurgeir Sigurjónsson
4
Vísindabók Villa
Vilhelm Anton Jónsson
3 Húmör í HafnarfirðiIngvar ViktorssonÓlæsinginn sem kunni að reiknaJonas Jonasson
KJARAMÁL Að meðaltali hafa karl-
ar 120 þúsund krónum hærri laun
en konur í verkalýðsfélögunum
þremur sem tilheyra Flóabanda-
laginu. Heildarlaun karla eru að
meðaltali 414 þúsund krónur á
mánuði en konur bera að meðaltali
294 þúsund krónur úr býtum. Þetta
er meðal þess sem kemur fram í
könnun sem Capacent Gallup gerði
fyrir bandalagið.
Félögin þrjú sem eru innan
vébanda Flóabandalagsins eru
Verkalýðs- og sjómannafélag
Keflavíkur, Hlíf í Hafnarfirði og
Efling í Reykjavík.
Hæstu heildarlaunin eru í álver-
um, að meðaltali hafa þeir sem
starfa þar 468 þúsund í mánaðar-
laun, næsthæstu launin hafa þeir
sem starfa við flutninga og sam-
göngur, 452 þúsund, og litlu lægri
laun hafa byggingarstarfsmenn,
eða 448 þúsund á mánuði.
Þetta eru mun hærri laun en
þeir fá sem sinna umönnunar-
störfum eða starfa sem leiðbein-
endur á leikskólum. Þeir sem
vinna við umönnun fá að meðal-
tali 298 þúsund krónur á mánuði,
leiðbeinendur á leikskólum eru að
meðaltali með 252 þúsund.
Samkvæmt könnuninni sem
gerð var fyrir Flóabandalagið
eru konur mun ósáttari við laun
sín en karlar, 64 prósent kvenna
eru ósátt en innan við helming-
ur karla. Ósáttastir eru þeir sem
vinna sem leiðbeinendur á leik-
skólum og við umönnun. Um
það bil átta af hverjum tíu sem
eru í þessum starfsstéttum eru
óánægð.
Þá kemur fram í könnuninni
að heildarvinnutími karla í fullu
starfi er 48,6 tímar á viku og
kvenna 41,3.
Annað sem vekur athygli er að
hópurinn sem segist hafa áhyggj-
ur af fjárhag sínum fer stækk-
Mánaðarlaun karla
120 þúsundum hærri
Leiðbeinendur á leikskólum fá 252 þúsund á mánuði. Fólki sem hefur miklar fjár-
hagsáhyggjur fjölgar innan vébanda Flóabandalagsins. Mestar fjárhagsáhyggjur
hafa þeir sem eru í atvinnuleit eða standa höllum fæti á vinnumarkaði.
MIKLU MUNAR Samkvæmt könnun sem Flóabandalagið lét gera munar miklu á
launum fólks eftir því hvaða starfsstétt það tilheyrir. FRÉTTABLAÐIÐ /GVA
HEILDARLAUN EFTIR KYNI Í FLÓABANDALAGINU
Flóabandalagið samanstendur af Hlíf í Hafnarfirði, Verkalýðs- og
sjómannafélagi Keflavíkur og Eflingu í Reykjavík.
Meðallaun kvenna
294 þús.414 þús.
Meðallaun karla
Starfsmaður í álveri 468 þúsund á mánuði
Byggingarverkamaður 452 þúsund á mánuði
Flutningaverkamaður 448 þúsund á mánuði
Starfsmaður við umönnun 298 þúsund á mánuði
Leiðbeinandi á leikskóla 252 þúsund á mánuði
Meðalheildarlaun einstakra stétta
ÞÝSKALAND Leiðtogar kristilegra
demókrata og sósíaldemókrata, þau
Angela Merkel og Sigmar Gabriel,
náðu samkomulagi í fyrrinótt um að
mynda svonefnda stóra samsteypu-
stjórn, en þetta verður í annað sinn
í sögunni sem slík stjórnarmyndun
er reynd í Þýskalandi.
Stjórnarmyndunarviðræður
flokkanna tveggja hafa staðið yfir
í nokkrar vikur, en kosningar voru
haldnar 22. september. Merkel byrj-
aði á að ræða við Græningja um
hugsanlegt stjórnarsamstarf áður
en viðræður við sósíaldemókrata
hófust fyrir alvöru.
Töluverðrar tortryggni gætir
reyndar gagnvart Merkel og hægri
flokka hennar meðal flokksmanna
í Sósíaldemókrataflokknum, en nú
verða þeir spurðir álits og er búist
við niðurstöðu úr atkvæðagreiðslu
meðal þeirra um miðjan desember.
„Andi þessa samkomulags er sá
að við myndum stóra samsteypu-
stjórn til að takast á við stór verk-
efni fyrir Þýskaland,“ sagði Merkel
við blaðamenn í gær. - gb
Stór samsteypustjórn hægrimanna og sósíaldemókrata reynd á ný:
Merkel og Gabriel náðu saman
SÁTTMÁLINN UNDIRRITAÐUR Sigmar
Gabriel og Angela Merkel ásamt Horst
Seehofer, leiðtoga systurflokks kristi-
legra demókrata í Bæjaralandi.
FRÉTTABLAÐIÐ/EPA
SKIPULAGSMÁL Bæjarstjórn Kópavogs samþykkti einróma á þriðju-
dagskvöld nýtt aðalskipulag fram til ársins 2024.
Í aðalskipulaginu er áhersla á þéttingu byggðar. „Áætlað er að
íbúafjöldi bæjarins verði kominn yfir 40 þúsund árið 2024. Miðað er
við að fullgerðar verði um 300 íbúðir á ári þangað til,“ segir í frétt
frá Kópavogsbæ. Tæplega 32 þúsund manns búa í Kópavogi í dag.
Segir í frétt bæjarins að leitað hafi verið víðtæks samráðs við
íbúa bæjarins við endurskoðun aðalskipulagsins. Fundir hafi verið
í öllum hverfum og að leitast hafi verið við að virkja íbúana með
því að opna vefgátt. „Alls 31 athugasemd barst við sjálfa tillöguna á
kynningartíma nú á haustdögum og var á lokametrunum unnið úr
þeim,“ segir í fréttinni.
Í nýja skipulaginu eru skilgreind nokkur þróunarsvæði í Smár-
anum, að meðtöldum Glaðheimum, Auðbrekku og á Kársnesi. Þessi
svæði á að skoða nánar síðar. Einnig er gert ráð fyrir nýrri byggð í
Vatnsendahlíð.
Þá á að vinna nánar að skipulagi í fimm hverfum bæjarins; Kárs-
nesi, Digranesi, Smáranum, Fífuhvammi og á Vatnsenda. - gar
Þétting byggðar í nýju aðalskipulagi sem bæjarstjórn samþykkti einróma:
Fjörutíu þúsund í Kópavogi 2024
KÓPAVOGUR Meðal annars verður litið til
Kársness við þéttingu byggðar í Kópavogi.
FRÉTTABLAÐIÐ/VILHELM
andi en 56 prósent félagsmanna
segja að þeir hafi miklar fjárhags-
áhyggjur samanborið við 48 pró-
sent árið 2012. Þeir sem eru án
vinnu og þeir sem hafa veika stöðu
á vinnumarkaði skera sig úr en 73
prósent þeirra sögðust hafa miklar
áhyggjur af fjármálum.
Könnunin var gerð í gegnum
síma í september. Úrtakið var
2.781 og var svarhlutfall 39 pró-
sent. johanna@frettabladid.is
10