Fréttablaðið - 28.11.2013, Blaðsíða 60

28. nóvember 2013 FIMMTUDAGUR| MENNING | 48
„Ef svo ólíklega vill til að þessi
mistök verða ekki leiðrétt í ann-
arri umræðu um fjárlögin nú í
byrjun desember, sé ég ekki að
við höfum margt í stöðunni annað
en að fara að ráði frænda okkar í
Noregi. Þeir mótmæltu harðlega
fyrir utan þinghúsið í Ósló í síð-
ustu viku vegna niðurskurðar á
þeim bænum. Ég geri ráð fyrir að
listamenn landsins eigi enn nóg af
pottum og pönnum, sjálf á ég eina
undna pönnu sem yrði fín,“ segir
Hrafnhildur Sigurðardóttir, for-
maður Sambands íslenskra mynd-
listarmanna.
Hrafnhildur bendir á að mál-
flutningur forsætisráðherra um
síðustu helgi sé ótrúlegur. Hann
segi að það sé raunar ekki hægt að
tala um að það sé verið að skera
niður á sviðum þar sem stjórnvöld
eru gagnrýnd fyrir að skera niður
að undanförnu. Og hann nefnir
sem dæmi rannsóknir, kvikmynda-
gerð og skapandi greinar. „Hvern-
ig hann fær það út er bara lygileg
sögufölsun þar sem hann eignar
sér hækkanir til skapandi greina
frá síðustu stjórn,“ segir Hrafn-
hildur.
Mennta- og menningarráðuneyti
hóf gerð myndlistarlaga árið 2007
og áttu þau að líta dagsins ljós árið
2008. Þá héldu sömu stjórnmála-
flokkar um stjórnartaumana og nú.
Stjórn SÍM hafði sem hagsmuna-
aðili sent inn athugasemdir við
lögin það ár, en vinna við lagasmíð-
ina var sett á ís við fjármálahrunið
það haust, enda óljóst hvort hægt
væri að fjármagna myndlistarráð
og sjóð því tengdan. Grundvöllur-
inn var því brostinn fyrir starfsem-
inni, að sögn Hrafnhildar. Þetta
ferli hafi síðan verið tekið upp
að nýju í ársbyrjun 2012 og lögin
staðfest á Alþingi um sumarið.
„Það eru því vond skilaboð til
myndlistarmanna í landinu, sem
hafa beðið hvað lengst allra list-
greina eftir slíkum sjóði, að þetta
hafi eiginlega bara verið allt í
plati.“
Alger niðurskurður á þess-
um sjóði sem nú blasir við, úr 45
milljónum króna í núll, er reið-
arslag, segir Hrafnhildur, enda
voru væntingar myndlistarmanna
miklar með tilkomu nýju laganna.
Hér var loks kominn sjóður sem
gæti aukið líkur listamanna á að
fá styrki frá útlöndum, styrki sem
krefjast mótframlags, bætir hún
við.
Stjórn SÍM hefur í samvinnu
við Listfræðafélag Íslands og sem
aðildarfélag Bandalags íslenskra
listamanna sent bæði fjárlaga-
nefnd Alþingis og mennta- og
menningarráðherra bréf þar sem
sjónarmið þeirra eru skýrð og
bent á þessi mistök sem orðið hafa
við fjárlagagerðina. Óskað hefur
verið eftir fundi til að fylgja þess-
um erindum eftir. olof@frettabladid.is
Listamenn eiga nóg
af pottum og pönnum
Hrafnhildur Sigurðardóttir, formaður Sambands íslenskra myndlistarmanna,
bendir á að málfl utningur forsætisráðherra síðustu helgi, um að ekki sé hægt
að tala um niðurskurð til skapandi greina, sé hreinlega lygileg sögufölsun.
REIÐARSLAG Hrafnhildur segir algeran niðurskurð á myndlistarsjóði, úr 45 millj-
ónum í núll, reiðarslag. FRÉTTABLAÐIÐ/DANÍEL
Hvernig hann fær
það út er bara lygileg
sögufölsun þar sem hann
eignar sér hækkanir til
skapandi greina frá
síðustu stjórn.
Hrafnhildur Sigurðardóttir
Skraflþyrstir Íslendingar geta nú
svalað þorsta sínum á netinu, en
Skraflfélag Íslands hefur opnað
vefsvæði þar sem hægt er að
spila leikinn vinsæla á íslensku.
Sigrún Helga Lund, einn af með-
limum Skraflfélagsins, segir
aðdraganda útgáfu netleiksins
stuttan.
„Norska skraflkempan Taral
Seierstad kom hingað til lands
í tengslum við Íslandsmótið í
skrafli fyrr í mánuðinum. Við
komumst að því að hann hafði
forritað netútgáfu skrafls á
norsku. Við fengum hann til þess
að nota norska gagnagrunninn og
setja inn íslenskuna í staðinn,“
segir Sigrún. Oft er talað um að
íslenskan sé flókið mál og fjöldi
orða og orðmynda í skraflinu
rennir stoðum undir þær tilgátur.
„Taral hélt að við hefðum gert
einhver mistök, því hann fékk
2,2 milljónir orða og orðmynda.
Til samanburðar eru þær þrjú
hundruð þúsund í ensku og fjög-
ur hundruð þúsund í norsku,“
útskýrir Sigrún. Skraflfélagið
fékk að notast við gagnagrunn
Stofnunar Árna Magnússonar.
„Kristín Bjarnadóttir ritstjóri
Beygingarlýsingar íslensks
nútímamáls, var okkur innan
handar. Þaðan fengum við stór-
an hluta orða og orðmynda sem
við þurftum í netleikinn, en við
þurfum að bæta við óbeygjanleg-
um orðum,“ segir Sigrún.
Skraflfélag Íslands er vax-
andi samtök og hittast meðlimir
reglulega. „Við hittumst fyrsta
miðvikudag hvers mánaðar á
Café Haítí klukkan 20. Næsti
hittingur er einmitt næsta mið-
vikudag og eru allir velkomnir,“
segir Sigrún. Hægt er að spila
netútgáfu skraflsins á slóðinni
ordaleikur.appspot.com. - kak
Skrafl þyrstir Íslendingar fagna
Íslensk útgáfa af skrafl i er nú aðgengileg á netinu. Notaður er gagnagrunnur frá
norskri skrafl kempu. Orð og orðmyndir eru sjö sinnum fl eiri en í ensku.
ÁNÆGÐ MEÐ SKRAFLIÐ Sigrún
Helga Lund er ánægð með netútgáfu
Skraflsins. FRÉTTABLAÐIÐ/VILHELM
„Það skemmtilegasta við að gefa
út spilið eru viðbrögðin sem við
höfum fengið við því og að vita til
þess að vinahópar og fjölskyldur
séu að skemmta sér konunglega í
Fíaskó,“ segir Sigurjón Jónsson,
einn útgefenda orðskýringa- og lát-
bragðsspilsins Fíaskó. Spilið kom
fyrst út árið 2011 og seldist upp.
„Við ákváðum að gefa spilið
út aftur vegna vinsælda fyrra
spilsins. Spilið hefur verið upp-
fært, nú er það fjórar umferðir í
stað þriggja. Búið er að bæta við
flokkum og spurningum og ýmsu
fleira,“ útskýrir Sigurjón.
Þrír æskuvinir standa að útgáf-
unni. „Við erum bara með þetta
í bílskúrnum heima hjá okkur.
Við lukum allir námi í viðskipta-
fræði árið 2008 og fengum þessa
hugmynd, að gefa út borðspil. Við
létum verða af því árið 2011 og
lentum heldur betur í samkeppni.
Mörg góð spil komu út það ár, en
okkar seldist upp og gekk gríðar-
lega vel,“ segir Sigurjón. Spilið er
komið í verslanir og hefur fengið
góðar viðtökur, til dæmis hæstu
einkunn frá vefsíðunni Nörd Norð-
ursins.
- kak
Fíaskó í bílskúrnum
Ný útgáfa borðspilsins Fíaskó er komin í verslanir.
Fyrri seldist upp árið 2011. Þrír vinir gefa spilið út.
BÍLSKÚRSFJÖR Haraldur Guðmundsson og Sigurjón gefa borðspilið út ásamt Ágústi
Þór Ágústssyni sem vantar á myndina.
„Þetta diskasafn er mitt innlegg
í umræðuna um ólöglegt niður-
hal,“ segir tónlistarmaðurinn
Páll Óskar Hjálmtýsson en hann
hefur nú gefið út sex diska safn.
Þetta eru allt diskar sem hann
hefur gefið út sjálfur hjá fyrir-
tæki sínu, POP, sem hann stofn-
aði árið 1995.
„Ég hef heyrt ágæta lausn við
niðurhalinu. Gerið gott efni, gerið
efnið aðgengilegt á internetinu, á
öllum litakerfum og formum, sam-
dægurs út um allan heim. Síðast
er, bjóðið upp á efnið á sanngjörnu
verði,“ útskýrir Páll Óskar.
„Ég býð þrjá diska á verði eins
og sex diska á verði tveggja, mér
finnst það vera sanngjarnt. Fólk
gefur heldur ekki niðurhlaðna
tónlist í jólagjöf, geisladiskar og
vínyl plötur eru hins vegar virki-
lega falleg í jólapakkann.“
Páll Óskar segist ekki hafa horft
á sjónvarp í tólf ár en ef út komi
sjónvarpssería sem hann heillast
af, kaupi hann hana á DVD og
horfi á hana alla í einu. „Ég hala
ekki niður þætti ólöglega á netinu
og svo hef ég ekki þolinmæði til
að bíða eftir næsta þætti í viku.
Það þýðir líka ekkert að svæðis-
skipta t.d. Bluray- eða DVD-disk-
um, þar sem internetið og heimur-
inn allur er í raun nú þegar orðinn
eitt stórt svæði. Eina vesenið við
þessa draumsýn eru höfundarrétt-
urinn.“
Páll Óskar stefnir á að gefa út
nýtt efni á næsta ári og gerir ráð
fyrir að fyrsta lagið fari í spilun í
janúar. - glp
Palli svarar ólöglegu umræðunni
Páll Óskar gefur út diskasafn sem er innlegg hans í umræðuna um ólöglegt niðurhal.
TEKUR
TIL MÁLS
Páll Óskar
Hjálmtýs-
son segir
diskasafn sitt
vera innlegg
í umræðuna
um ólöglegt
niðurhal.
MYND/EINKASAFN
„Það leggst gríðarlega vel í mig.
Ég flutti fjölskylduna fyrir ári,
er búinn að vera þriðjung af tíma
mínum í Stokkhólmi og nú stíg ég
skrefið til fulls,“ segir Kjartan Þór
Þórðarson, nýr framkvæmdastjóri
framleiðslufyrirtækisins Sagafilm
í Svíþjóð. Sagafilm ætlar að opna
skrifstofu í Stokkhólmi í Svíþjóð á
næsta ári og mun Kjartan form-
lega hefja störf 1. janúar.
„Ég hefst strax handa við að
styðja við þau verkefni sem eru í
gangi erlendis. Við erum að þróa
þrjú verkefni fyrir sænska mark-
aðinn, tvö í Finnlandi, eitt í Nor-
egi og eitt í Danmörku,“ segir
Kjartan. Hann segir þetta skref
vera afrakstur tveggja ára vinnu.
„Þetta er í raun eina leiðin til þess
að halda úti kvikmyndaiðnaði: Að
leita út. Sextíu prósent af tekjum
Sagafilm eru fengin erlendis, iðn-
aðurinn stendur ekki undir sér
öðru vísi en að við leitum eftir
erlendri fjárfestingu. Við höfum
unnið að þessu í tvö ár, eða allt frá
því að ákveðið var að skilgreina
Sagafilm sem framleiðslufyrir-
tæki á Evrópumarkaði.“
Ragnar Agnarsson tekur við
starfi Kjartans en hann hefur
starfað sem stjórnarformaður
Sagafilm undanfarin sjö ár. Guðný
Guðjónsdóttir tekur við starfi
Ragnars en hún hefur verið fjár-
málastjóri.
- kak
Sagafi lm til Svíþjóðar
Sagafi lm herjar á Evrópumarkað og er með mörg
járn í eldinum. Kjartan Þórðarson stýrir útrásinni.
Á LEIÐ TIL SVÍÞJÓÐAR Kjartan Þór
Þórðarson er spenntur fyrir Svíþjóðarför.