Fréttablaðið - 12.12.2013, Blaðsíða 100

12. desember 2013 FIMMTUDAGUR| SPORT | 84
FÓTBOLTI Chelsea, Schalke, Arsenal,
Dortmund og AC Milan tryggðu sér
síðustu farseðlana í 16 liða úrslit
Meistaradeildar Evrópu á lokakvöldi
riðlakeppninnar í gær.
Í F-riðli enduðu Arsenal, Dortmund
og Napólí öll með tólf stig. Árangur
í innbyrðisviðureignum liðanna
þýða að Dortmund vann riðilinn en
Napólí hafnaði í þriðja sæti og fer í
Evrópudeildina. Arsenal tapaði 2-0
gegn Napólí á Ítalíu þar sem eitt
mark ítalska liðsins til viðbótar
hefði þýtt að lærisveinar Arsene
Wenger hefðu farið í Evrópudeild-
ina. Dortmund vann nauman 2-1
sigur á Marseille og tryggði sér topp-
sæti riðilsins.
Kolbeinn Sigþórsson kom inn á
sem varamaður hjá Ajax sem spilaði
manni fleiri stóran hluta leiksins
gegn AC Milan á Ítalíu í H-riðli.
Gestunum tókst þó ekki að skora
markið sem hefði komið liðinu áfram
á kostnað AC Milan.
Chelsea lagði Steaua Búkarest
1-0 og hafnaði í toppsæti E-riðils.
Schalke lagði Basel 2-0 í hreinum úr-
slitaleik um annað sætið í riðlinum.
Galatasaray tryggði sér sæti í 16
liða úrslitunum fyrr í gær með sigri á
Juventus. Dregið verður á morgun. -ktd
Dramatík á lokakvöldi riðlanna
MESSI HVAÐ? Neymar skoraði þrennu
fyrir Barcelona í 6-1 sigri á Celtic. Börs-
ungar náðu efsta sæti H-riðils.
NORDICPHOTOS/GETTY
SPORT
FÓTBOLTI Lokaumferð riðlakeppni Evrópudeildar UEFA
fer fram í kvöld og verða þrjú Íslendingalið í eldlín-
unni. Tvö þeirra, Tottenham og AZ Alkmaar, eru þegar
örugg áfram í 32-liða úrslit keppninnar og þá er Zulte
Waregem, lið Ólafs Inga Skúlasonar, í ágætri stöðu í D-
riðli. Liðið þarf jafntefli gegn Rubin Kazan á útivelli til
að gulltryggja sér sæti í næstu umferð en Rússarnir
eru þegar öruggir með sigur í riðlinum.
Gylfi Þór Sigurðsson og félagar í Tottenham hafa
þegar klófest efsta sæti K-riðils en AZ, með Jóhann
Berg Guðmundsson og Aron Jóhannsson innan-
borðs, eiga fyrir höndum hreinan úrslitaleik gegn
gríska liðinu PAOK á útivelli um sigur í L-riðli. Bæði lið
fara þó áfram í 32-liða úrsiltin.
Allir leikir Íslendingaliðanna verða sýndir á Stöð 2
Sport og hliðarrásum í kvöld. - esá
Toppsætið í húfi hjá Jóhanni og Aroni
FÓTBOLTI Íslensku leikmennirnir í ensku
úrvalsdeildinni hafa ekki fengið mörg tæki-
færi með liðum sínum eftir að þeir sneru heim
frá Króatíu þar sem íslenska landsliðið var 90
mínútum frá því að komast á HM í Brasilíu.
Tapið á móti Króatíu var gríðarleg vonbrigði
fyrir Gylfa og Aron Einar en það hefur ekki
heldur verið yfir miklu að gleðjast hjá þeim
félögum í vinnunni síðan þá. Knattspyrnu-
stjórar Tottenham og Cardiff hafa nefnilega
veðjað á aðra leikmenn í undanförnum fjór-
um leikjum.
Gylfi hefur ekki byrjað
Aron Einar hefur verið í byrjunarliðinu í
einum leik ólíkt Gylfa Þór sem hefur ekki
byrjað neinn þessara leikja. Leikurinn er líka
sá eini sem Aron Einar hefur fengið að spila
frá því í förinni til Zagreb.
Gylfi hefur verið inn og út úr liði Tottenham
í vetur og þó svo hann spili mun minna núna
en fyrr á tímabilinu þá er breytingin enn meiri
fyrir Aron Einar. Hann hefur sjálfur talað um
að hafa verið andlega og líkamlega laskaður
eftir umspilsleikina en það er mikill munur að
spila í 90 mínútur í nær öllum leikjum og að
koma ekki við sögu í þremur af síðustu fjór-
um leikjum.
Gylfi Þór nær ekki að fylla einn hálfleik í
síðustu fjórum leikjum Tottenham í deild-
inni. Hann er í tíunda sæti yfir spilaðar mín-
útur miðjumanna Tottenham í undanförnum
fjórum leikjum. Þar hafa menn eins og Nacer
Chadli, Lewis Holtby og Érik Lamela fengið
stór tækifæri.
Aron Einar spilaði 710 mínútur af 720 mögu-
legum í fyrstu átta deildarleikjum tímabils-
ins en var inn og út úr liðinu í síðustu leikjum
fyrir umspilið þar sem hann meiddist meðal
annars á öxl í einum þeirra. Jordon Mutch
hefur spilað meira upp á síðkastið og Don
Cowie er annar leikmaður sem hefur fengið
meiri spilatíma eftir að Aron Einar datt út.
Betri með þá inni á vellinum
Ef knattspyrnustjórarnir hafa augun á gengi
liðsins með íslensku strákana inni á vellinum
þá ættu þeir nú að spila meira. Ekki fer á milli
mála að Tottenham og Cardiff gengur betur
með Gylfa og Aron inn á grasinu. Fimm mörk-
um munar á báðum stöðum.
Tottenham hefur unnið þær 615 mínútur
sem Gylfi hefur spilað 5-3 (Gylfi með þrjú
markanna) en markatala liðsins þær 735 mín-
útur sem hann hefur verið á bekknum er aftur
á móti 10-13.
Aron Einar er búinn að spila 946 mínútur
og markatalan á þeim er 9-12 fyrir mótherja
Cardiff. Það er ekki gott en miklu betra en
markatalan þær 404 mínútur sem Cardiff
hefur verið án Arons. Þá er markatala liðsins
skelfileg eða 2-10.
Tottenham hefur unnið tvo síðustu deild-
arleiki sína og því ekki miklar líkur á því að
André Villas-Boas geri breytingar á liðinu
fyrir leikinn á móti Liverpool um helgina.
Gylfi ætti hins vegar að fá tækifæri á móti
Anzhi í Evrópudeildinni í kvöld og hver veit
nema góð frammistaða þar setji pressu á
Villas-Boas að gefa honum alvöruhlutverk á
móti fyrrverandi knattspyrnustjóra Gylfa,
Brendan Rodgers.
Aron og félagar mæta West Bromwich
Albion í mikilvægum leik á heimavelli. Tap
á móti Crystal Palace og Arsenal í síðustu
leikjum án Arons Einars ættu að opna dyrn-
ar fyrir landsliðsfyrirliðann í byrjunarliðið
en það er þó ómögulegt að spá fyrir um hvað
knattspyrnustjórinn Malky Mackay gerir á
laugardaginn.
Mikið leikjaálag í jólatörninni ætti að auka
líkurnar á því að Gylfi og Aron fái að spila og
þá er það bara fyrir okkar menn að nýta tæki-
færið þegar það gefst. ooj@frettabladid.is
Úti í kuldanum eft ir umspilið
Landsliðsmennirnir Aron Einar Gunnarsson og Gylfi Þór Sigurðsson hafa aðeins spilað samanlagt átján prósent mínútna sem í boði hafa
verið hjá liðum þeirra, Cardiff og Tottenham, í ensku úrvalsdeildinni í fótbolta eft ir þeir komu til baka eft ir umspilsleikina við Króata.
Gylfi Þór Sigurðsson– Tottenham
Gengi Tottenham í ensku úrvalsdeildinni þegar Gylfi
er inni á vellinum
Markatala: 5-3 Mínútur: 615
Gengi Tottenham í ensku úrvalsdeildinni
þegar Gylfi er á bekknum
Markatala: 10-13 Mínútur: 735
Aron Einar Gunnarsson– Cardiff City
Gengi Cardiff í ensku úrvalsdeildinni þegar Aron
er inni á vellinum
Markatala: 9-12 Mínútur: 946
Gengi Cardiff í ensku úrvalsdeildinni
þegar Aron er á bekknum
Markatala: 2-10 Mínútur: 404
MÍNÚTUR MIÐJUMANNA
TOTTENHAM FRÁ UMSPILI
- 4 leikir, 360 mínútur í boði
1. Aaron Lennon 334 mínútur
2. Paulinho 330
3. Sandro 266
4. Moussa Dembélé 192
5. Nacer Chadli 189
6. Lewis Holtby 168
7. Érik Lamela 167
8. Etienne Capoue 135
9. Andros Townsend 51
10. Gylfi Þór Sigurðsson 43
MÍNÚTUR MIÐJUMANNA
CARDIFF CITY FRÁ UMSPILI
- 4 leikir, 360 mínútur í boði
1. Peter Whittingham 360 mínútur
1. Gary Medel 360
3. Jordon Mutch 346
4. Don Cowie 315
5. Bo-Kyung Kim 147
6. Aron Einar Gunnarsson 90
7. Craig Noone 87
GYLFI ÞÓR OG SÍÐUSTU 4 LEIKIR
0-6 TAP FYRIR MANCHESTER CITY
Varamaður - spilaði í 30 mínútur
2-2 JAFNTEFLI VIÐ MAN.UNITED
Varamaður - spilaði í 6 mínútur
2-1 SIGUR Á FULHAM
Á bekknum allan tímann
2-1 SIGUR Á SUNDERLAND
Varamaður - spilaði í 7 mínútur
ARON OG SÍÐUSTU 4 LEIKIR
2-2 JAFNTEFLI VIÐ MAN. UNITED
Á bekknum allan tímann
0-3 TAP FYRIR ARSENAL
Á bekknum allan tímann
0-0 JAFNTEFLI VIÐ STOKE
Byrjaði - spilaði í 90 mínútur
0-2 TAP FYRIR CRYSTAL PALACE
Á bekknum allan tímann
-3 +2
-8 -3