Fréttablaðið - 13.12.2013, Blaðsíða 86

13. desember 2013 FÖSTUDAGUR| MENNING | 62
Vínylplötutöffari
„Það er nú bara konan mín sem er svona sniðug,“ segir
Vignir Svavarsson, landsliðsmaður í handbolta, en hann
fékk í ár jóladagatal sem hver vínylplötunördi yrði ánægð-
ur með. „Ég kýs nú frekar ‚vínylplötutöffari‘,“ segir Vignir.
Á heimili Vignis í Þýskalandi er ný plata opnuð á hverj-
um degi og gætir þar ýmissa grasa. Meðal þeirra gersema
sem Vignir hefur fengið undanfarna daga má nefna plötur
með Bob Dylan, Rolling Stones og safnplötuna Black Gold,
sem geymir smelli úr heimi sálartónlistar. Að sögn Vignis
er þetta ekki í fyrsta sinn sem konan hans gleður hann
svona á aðventunni.
„Í fyrra fékk ég svona bjórdagatal og árið þar á undan
gerði hún handa mér skafmiða með vinningum,“ segir
Vignir. Meðal þess sem Vignir segist hafa grætt á skaf-
miðunum voru húsgögn eftir uppskáldaða húsgagnahönn-
uðinn Karl Farbman úr sjónvarpsþáttunum Seinfeld. „Ég
var nýbúinn að kvarta undan því hvað húsgögnin mín
væru ó-Karl Farbmansleg,“ segir hann. „Það var bætt úr
því.“
Samverustund á hverjum degi
„Þetta er nú ekki svo óvenjulegt, þetta snýst bara um að
hafa smá samverustund á hverjum degi,“ segir Eva Einars-
dóttir, borgarfulltrúi fyrir Besta flokkinn í Reykjavík.
Eva heldur utan um jóladagatal fyrir börnin sín sem felst
í því að bak við hvern glugga leynist hugmynd um eitthvað
skemmtilegt sem fjölskyldan getur gert saman. Það getur
verið allt frá því að baka laufabrauð yfir í að gera saman
góðverk.
„Í gær var til dæmis jólaföndur og þá bölvaði ég nú svo-
lítið sjálfri mér,“ segir Eva. „En í dag er ferð á bókasafnið.“
Að þessu sinni keypti Eva sjálft jóladagatalið í IKEA, en
segir að það verði heimagert á komandi ári. „Svo er það
líka innihaldið sjálft sem skiptir máli,“ segir hún.
Með þessari hugmynd sinni vill Eva reyna að kenna
börnunum sínum að það sé samveran sem skiptir mestu
máli um jólin.
„Svo er ég ekki mikið jólabarn sjálf, þannig að þetta er
svolítið eigingjarnt af mér,“ bætir hún við. „Með þessu er ég
líka að reyna að gera sjálfa mig að aðeins meira jólabarni.“
Bock-bjórinn kom á óvart
„Þetta er allt rosa vandað,“ segir Ásgeir Kolbeinsson, fjöl-
miðlamaður, um jólabjórsdagatalið sem hann fékk að gjöf
frá kærustu sinni á dögunum. „Hún lét gera svona kassa
með hólfum sem eru pökkuð inn í jólapappír. Það eru mis-
munandi bjórtegundir í hverju hólfi. Þetta segir sig rosa
mikið sjálft, svo opnar maður bara hólfin og allir glaðir.“
Ásgeir segir dagatalið geyma bjór sem hann hefði ef til
vill ekki smakkað annars. „Bock-bjórinn kom vel á óvart,“
segir Ásgeir, sem segir að þessi jólahefð sé komin til að
vera.
„Það er ekkert hægt að bakka út úr þessu,“ segir hann.
„Maður getur ekki bara einu sinni sett í þvottavélina og svo
hætt.“ bjarkia@frettabladid.is
Svo opnar maður bara hólfin og
allir glaðir.
Ásgeir Kolbeinsson, fjölmiðlamaður
Bjór, samverustundir og vinýlplötur
Jóladagatöl eru ómissandi hluti aðventunnar að margra mati. Þau geta verið jafn mismunandi og þau eru mörg, en í ár njóta „öðruvísi“ dagatöl
mikilla vinsælda. Fréttablaðið heyrði í þremur ólíkum einstaklingum sem prófuðu í ár að breyta út af hefðinni.
EVA EINARSDÓTTIR FRÉTTABLAÐIÐ/VILHELM VIGNIR SVAVARSSON ÁSGEIR KOLBEINSSON
„Ég ætla að hanga á manntal.is um
helgina, og á vef Ljósmyndasafns
Reykjavíkur.“
Kristín Svava Tómasdóttir, ljóðskáld og sagn-
fræðinemi.
HELGIN
Sky Blu, annar helmingur banda-
ríska rafdansdúettsins LMFAO,
mun halda tónleika í Laugardals-
höll laugardaginn 4. janúar. Hann
er mikill partípinni og samkvæmt
heimildum Fréttablaðsins vill hann
fá þrjú hundruð kampavínsflöskur
til þess að búa til alvöru kampa-
vínssturtu fyrir áheyrendur. Þá er
hann sagður vilja halda stórt einka-
partí í Bláa lóninu.
Hann verður ekki einn á sviðinu
því með honum verður hljómsveit
og dansarar en alls koma hingað
til lands sextán manns. Sérstak-
ir VIP-miðar eru fáanlegir á tón-
leikana en handhöfum þeirra gefst
kostur á að stíga dansspor með
stjörnunum.
Kröfulistinn er þó hófsamleg-
ur en spaugilegur í senn, en sam-
kvæmt heimildum Fréttablaðsins
mega vatnsmelónur alls ekki vera
nærri Sky Blu.
LMFAO hefur sent frá sér tvær
plötur, Party Rock og Sorry for
Party Rocking. Tvíeykið er líklega
þekktast fyrir lögin Party Rock
Anthem, Champagne Showers og
Sexy and I Know It.
Á síðasta ári tók LMFAO sér frí
svo frændurnir gætu einbeitt sér að
sólóferli sínum.
SkyBlue ætlar að gefa Íslending-
um nýjustu plötuna sína á bigbad.
com. - glp
Vilja fá 300 kampavínsfl öskur
og halda partí í Bláa lóninu
Sky Blu úr LMFAO kemur fram á Íslandi í janúar og ætlar að djamma hressilega.
PARTÍ Á ÍSLANDI Sky Blu úr raftón-
listarsveitinni LMFAO kemur fram hér
á landi, ásamt fríðu föruneyti í janúar.
NORDICPHOTOS/GETTY
Borgar Apótek | Borgartúni 28, 105 Reykjavík | sími 553-8331
747 kr.
... opnar í Borgartúni
og býður lausasölulyf
á góðum kjörum!