Fréttablaðið - 17.12.2013, Síða 6

17. desember 2013 ÞRIÐJUDAGUR| FRÉTTIR | 6
VEISTU SVARIÐ?
sem mýkist
Laugavegi 176 & Glerártorgi Akureyri www.lindesign.is
Gjöfin
ár eftir ár
1. Hvaða íslenska fyrirtæki sinnir nú
verkefnum á suðurskautinu?
2. Hvaða leikmaður Liverpool hefur
skorað átta mörk í síðustu þremur
leikjum?
3. Hvaða erlendi leikari bauð upp
sveitta skyrtu sem hann hafði leikið í?
SVÖR:
1. Arctic Trucks 2. Luis Suarez 3. Orlando
Bloom
SUÐUR-AFRÍKA, AP Táknmálstúlkurinn Thamsanqa
Jantjie, sem vakti heimsathygli á minningarat-
höfn um Nelson Mandela í síðustu viku, tók árið
2003 þátt í að myrða tvo menn.
Mennirnir tveir höfðu stolið sjónvarpstæki
þegar hópur manna réðst á þá og myrti þá með
því að kveikja í dekkjum, sem sett höfðu verið um
háls þeirra.
Jantjiie var sá eini í hópnum sem aldrei kom
fyrir rétt, en það var vegna þess að hann taldist
ósakhæfur vegna andlegrar vanheilsu.
Þess í stað var hann settur á stofnun, en var
síðar látinn laus og sneri þá aftur í fátækrahverf-
ið sitt í útjarði Jóhannesarborgar.
Enn síðar fékk hann svo starf við táknmálstúlk-
un fyrir Afríska þjóðarráðið, valdamesta stjórn-
málaflokk Suður-Afríku.
Hann vakti heimsathygli þegar hann stóð við
hlið Baracks Obama Bandaríkjaforseta á minn-
ingarathöfninni og virtist vera að túlka ræðu hans
yfir á táknmál, en sú túlkun var tóm þvæla. Hann
sagðist hafa séð sýnir á meðan og óttaðist um geð-
heilsu sína. - gb
Táknmálstúlkurinn tók þátt í að myrða tvo menn árið 2003:
Taldist ekki vera sakhæfur
OBAMA OG TÚLKURINN Aðeins tæpur metri var á milli
þeirra. FRÉTTABLAÐIÐ/AP
Öldrunarlækningar 36,8%
Skurðlækningar 12,5%
Lyfl ækningar 26%
Geðlækningar 10,1%
Líknandi meðferð 1%
Fæðingar- og kvensjúksómalækningar 4,8%
Endurhæfi ngarlækningar 5%
Barnalækningar 3,9%
Bráða- og slysalækningar 0,1%
HEILBRIGÐISMÁL Komið hefur verið
á rafrænum sendingum upplýsinga
í rauntíma um starfsemi sjúkrahús-
anna. Þær gera Landlæknisembætt-
inu kleift að vinna með og birta upp-
lýsingar um starfsemi legudeilda
frá degi til dags og samfellt aftur
til ársins 1999.
Nú er því hægt að sjá hve margir
liggja á sjúkrahúsum, hversu marg-
ir leggjast inn og hversu margir
útskrifast dag hvern. Enn fremur
á hvaða deildum inniliggjandi sjúk-
lingar sækja sér þjónustu á deildum.
Að sögn Landlæknisembættis-
ins er þetta bylting í heilbrigðistöl-
fræði á Íslandi og mun gerbreyta
möguleikum á eftirliti með starf-
semi, gæðum og árangri þjónust-
unnar. Fram til þessa hafa gögn til
vinnslu verið alla jafna tveggja ára
gömul.
Gögn frá sjúkrahúsum berast
með dulkóðuðum og rafrænum
hætti til embættis landlæknis og töl-
fræðiskýrslur um starfsemi sjúkra-
húsa koma nú út á vef embættisins.
-ebg
Landlæknir fær upplýsingar frá spítölunum strax í stað þess að bíða í tvö ár eftir þeim:
Betra eftirlit með gæðum og árangri
➜ Skipting sjúklinga á deildir 10. desember 2013
BÍLAR Íslenska fyrirtækið Arctic
Trucks hefur getið sér gott orð
víða um heim fyrir sérútbúnu
jeppana sína og hefur meðal ann-
ars verið í fréttum nýlega vegna
ferðar þar sem Harry Breta-
prins var meðal þeirra sem fóru
á suðurpólinn á bílum frá fyrir-
tækinu. Jeppar frá Arctic Trucks
hafa einnig einnig farið á norð-
urpólinn. Eitt nýjasta verkefnið
er í Noregi þar sem fyrirtæk-
ið afhenti nýlega lögreglu ellefu
brynvarða Toyota Land Cruiser
jeppa.
Herjólfur
Guðbjartsson,
framkvæmda-
s t j ó r i v i ð -
skipta- og þró-
unarsviðs hjá
Arctic Trucks,
segir í samtali
við Fréttablað-
ið að þarna sé
lögreglan að mæta ákveðinni þörf
með því að koma inn í ramma-
samning milli norska hersins og
Arctic Trucks.
„Lögreglan hefur verið að
nútímavæða bílaflotann hjá sér
síðustu ár eftir að hafa verið á
frekar gömlum bílum. Hún leig-
ir þarna bíla af hernum og fær
sömu tegund af bílum, sem við
tökum svo og lögum eftir sérstök-
um þörfum lögreglunnar, setjum
meðal annars á þá blá blikkljós.“
Herjólfur segist, vegna trúnað-
ar, ekki geta farið náið út í tækni-
lega lýsingu á búnaðinum sem
settur er upp í bílunum, en játar
aðspurður að þeir séu gerðir til að
þola byssuskot og sprengingar.
„Þessir bílar verða svo notaðir
af sérsveit lögreglunnar í öllum
umdæmum,“ segir Herjólfur og
bætir við að herinn hafi notað
bílana bæði í verkefnum innan-
lands og utan.
Síðustu tvö ár hefur Arctic
Trucks útbúið tæplega 100 bíla
fyrir herinn og lögregluna sam-
kvæmt rammasamningnum.
Sá hljómar upp á 230 milljónir
norskra króna, hátt í fimm millj-
arða íslenskra króna, og er til tíu
ára. Segir Herjólfur að gert sé
ráð fyrir að breyta 200-300 bílum
á næstu tveimur til þremur árum.
Arctic Trucks var stofnað sem
aukahlutaþjónusta innan Toyota
á Íslandi árið 1990 en hefur
stækkað mikið að umfangi síð-
ustu árin. Árið 2005 var fyrir-
tækið selt út úr Toyota, rekur nú
dótturfyrirtæki í Noregi og Sam-
einuðu arabísku furstadæmunum
og er með starfsemi enn víðar
um heiminn og virðist ekkert lát
vera á. „Við vorum að gera sam-
starfssamning við Toyota í Pól-
landi um að breyta bílum fyrir
þá og það er mjög spennandi
að koma íslensku hugviti inn í
bílageirann,“ segir Herjólfur.
thorgils@frettabladid.is
Útbúa jeppa fyrir
norsku sérsveitina
Íslenska fyrirtækið Arctic Trucks hefur afhent norsku lögreglunni ellefu bryn-
varða jeppa sérútbúna fyrir sérsveit lögreglu. Bílarnir eru hluti af rammasamningi
við norska herinn sem hljómar upp á hátt í fimm milljarða íslenskra króna.
HERJÓLFUR
GUÐBJARTSSON
SÉRÚTBÚNIR Norska lögreglan nútímavæðir nú bílaflota sinn. Meðal annars hefur
hún fengið afhenta ellefu jeppa, sérútbúna af íslenska fyrirtækinu Arctic Trucks.
MYND/NORSKA LÖGREGLAN
200-300
Gangi eft ir áætlanir verða
tvö til þrjú hundruð sérút-
búnir jeppar afh entir
norska hernum næstu tvö
til þrjú árin.