Fréttablaðið - 04.06.2014, Blaðsíða 26

FÓLK|FERÐIR
Það leið ekki nema mínúta frá því ég sá Runólf fyrst þar til að ég hafði fest kaup
á honum; þetta var ást við fyrstu
sýn,“ segir Guðbjörg Gissurar-
dóttir, fagurkeri, náttúruunnandi
og ritstjóri tímaritsins Í boði nátt-
úrunnar.
Guðbjörg er að tala um Run-
ólf; rauðbirkinn, 37 ára gamlan
Frakka af tegundinni Renault
Estafette, árgerð 1977. Ástmöginn
ætlar hún að lána tveimur heppn-
um ferðalöngum í fyrstu Hand-
Picked-ferðina um Ísland.
„HandPicked Iceland varð til
þegar ég lenti í því æ ofan í æ að
finna ekki annað en hamborgara-
og pitsustaði á ferðalagi mínu
um landið. Þá áttaði ég mig á að
ferðamenn bráðvantaði leiðar-
vísi um úrvalið af því besta sem
Ísland geymir og gaf út fyrsta
HandPicked-bæklinginn sem enn
er sá eini sinnar tegundar um
leyndar gersemar Íslands.“
Fyrsti HandPicked-bæklingur
Guðbjargar hét Eat, síðan kom
Sleep, næst Shop & Play og nú
Kids & Culture fyrir krakka og
menningu. Sjálf fer Guðbjörg um
land allt til að sannreyna Hand-
Picked-staðina og tryggja að allt
sé í lagi.
„Þetta er afar persónulegt verk-
efni og ég handtíni staði sem ég
mundi sérvelja handa mínum
bestu vinum til að upplifa og
njóta. HandPicked Iceland er
gæðastimpill og með HandPicked-
kort við höndina er eins og að
ferðast um sveitir lands með góð-
um vini sem gjörþekkir landsins
yndislegustu ævintýri sem maður
annars færi sennilega á mis við.“
Í ÓVISSUFERÐ MEÐ RUNÓLFI
Dagana 1. til 8. júlí verður farið í
fyrstu HandPicked-óvissuferðina.
Umsóknir eru öllum opnar og
umsóknarfrestur til laugardagsins
7. júní.
„Við leitum að pari, vinum,
elskendum eða hverjum þeim
sem langar að upplifa „slow
travel“-ferðamennsku og njóta
ósvikinna ævintýra með Runólfi.
Runólfur er í Fornbílaklúbbnum
og fer ekki hraðar en 70 kílómetra
á klukkustund. Því fer maður
hægt um íslenskt landslag og
nýtur útsýnis á hæfilegum hraða.“
Þeir sem verða fyrir val-
inu leggja af stað frá Reykjavík
þriðjudaginn 1. júlí með átta um-
slög í farteskinu og halda þaðan
út í buskann.
„Í farangrinum verður eitt
umslag fyrir hvern dag með fyrir-
mælum um hvar á að stoppa,
borða, versla, gista, njóta og
upplifa ótal áhugaverða og
skemmtilega hluti á HandPicked-
kortinu. Innifalið er bensín á
bílinn, sjö nátta gisting í Run-
ólfi og á hótelum, tvær til þrjár
máltíðir á dag hjá sérvöldum
Hand Picked-vinum, fjölbreyttar
ferðaupplifanir og óvæntar upp-
ákomur sem ekki má segja frá.
Í staðinn þurfa ferðalangarnir
að taka með sér góða skapið og
deila upplifun sinni með texta og
myndum í gegnum bloggið okkar
og samfélagsmiðlana.“
Ævintýraþyrstir geta sent
stutt bréf á ensku um sjálfa sig
og ferðafélagann á netfangið gg@
ibn.is ásamt myndum af báðum.
Tilkynnt verður um þá heppnu
á Facebook. Sjá handpickedicel-
and.is.
■ thordis@365.is
RÓMANS Í RUNÓLFI
FERÐALAG Ertu ævintýragjarn og hefur gaman af óvæntum uppákomum? Þá
gefst tækifæri til að ferðast í 37 ára gömlum húsbíl um sérvalda staði Íslands.
ÁSTARSAMBAND Guðbjörg Gissurardóttir segir Runólf ótrúlega rómantískan og sætan ferðafélaga. Bíllinn var fluttur til landsins af
arkitekt og skipasmið sem sérhannaði í hann haganlegar innréttingar. MYND/GVA
Á ferð um íslenskar sveitir jafnast
ekkert á við heimagert nesti sem
snætt er undir berum himni í ís-
lenskri náttúru. Víða er hægt að
finna nestisborð í heillandi um-
hverfi í námunda við þjóðveginn
eða rómantískar lautir til að æja í
og fá sér nesti.
Girnilegt nesti samanstendur af
gómsætum samlokum sem bera
hugmyndaflugi sælkerans fag-
urt vitni, huggulegu sætabrauði,
súkkulaði, ávöxtum og heitum eða
köldum drykkjum við hæfi.
Sjálf samlokugerðin býður upp
á óendanlega möguleika í samsetn-
ingu áleggs og indælt er að bera
óvæntar en gómsætar útfærslur á
borð samferðafólksins.
Mikilvægt er að búa vel um nest-
ið, bera það fram í fallegri körfu, á
sumarlegum bakka eða tréskurðar-
bretti og í gamaldags blikkstömp-
um ofan á dúk eða hlýlegt teppi.
Lostætar samlokur sem gleðja
bæði munn og maga eru til dæmis
gróft pítubrauð með salami, kletta-
salati, camembert-osti og mangó-
mauki, ciabatta með pestói, túnfisk-
salati og sólþurrkuðum tómötum,
baguette með hráskinku, gráðaosti,
vínberjum og salatblaði, vefjur með
beikoni, kjúklingi, guacamole og
parmesan-osti eða langlokur með
barbeque-nautakjöti, gljáðum rauð-
lauk og súrum gúrkum.
MAULAÐ Í MJÚKUM MÓ
Nestisstund í fallegri náttúru í alfaraleið býr til ljúfar minningar og setur
ævintýraljóma á ferðalagið.
LOSTÆTI Það jafnast ekkert á við heima-
gert nesti.
Bæjarlind 6 • S. 554 7030
www.rita.is
Flottar buxur
Kr. 4.990.-
Str. S-XXL
Tveir litir
Við erum á Facebook
ÉG MÓTA
BODY
FIRMING
Ég viðheld teygjanleika húðarinnar. Byrjaðu
bara á að bera mig reglulega á líkamann og þú
helst flott og fitt. Frábært krem með góðum
innihaldsefnum eins og Elastín, Kollagen og
Pomegranate.
Made in Italy
www.master-line.eu
Fæst í apótekum og Hagkaup
Ábendingahnappinn má finna á
www.barnaheill.is