Fréttablaðið - 07.06.2014, Side 34

7. júní 2014 LAUGARDAGUR| HELGIN | 34
Temur náttúruöflin
Ragna Róbertsdóttir býr og starfar bæði í Reykjavík og Berlín. Verk hennar hafa
verið sýnd víða, meðal annars í Evrópu, Bandaríkjunum, Kína og Ástralíu.
Verk Rögnu eru gerð úr hrauni, glerbrotum, brotnum skeljum eða neon-lituðum plastflögum og fest beint á veggi sýningarsvæðis. Verkin eru jöfnum höndum vangaveltur um landslagið og túlkun hennar á því. Einfaldar innsetningar hennar verða að óhefðbundnum málverkum eða
skúlptúrum þar sem viðfangsefni og miðill verða að órjúfan-
legri heild.
Flest verka Rögnu eru unnin úr náttúrulegum efnum;
íslensku hrauni og vikri, nánar tiltekið leifum jarðhrær-
inga, ásamt leðju, steinum, sandi, gleri og að lokum
salti. Ragna dregst að því náttúrulega – sérstaklega eld-
fjöllum og þeirri orku og krafti sem fylgir þeim. Henni
tekst að temja náttúruöflin og koma þeim í viðráðan-
lega mynd og oftar en ekki tekur efnið á sig ferkantað
form sem er í anda bandarísks minimalisma. Í nánast
öllum hennar verkum tekur Ragna einingar frá nátt-
úrunni og færir yfir í borgarlandslagið, það má því segja
að hún ferji náttúruna yfir í menninguna.
Skapa sér nafn í nútímamyndlist
Æ fleiri íslenskum myndlistarmönnum hefur tekist að marka sér sérstöðu og skapa sér nafn í útlöndum og eins hér heima.
Það þarf ekki endilega að þýða heimsfrægð en margir hverjir hafa kynnst söfnurum og galleríum úti í heimi sem hafa
áhuga á að kaupa verkin þeirra og sýna þau. Myndlistin er gott dæmi um það hvernig svo lítið samfélag eins og Ísland
græðir á alþjóðlegum samskiptum, því það er ljóst að fjöldi íslenskra myndlistarmanna aflar sér tekna úti í heimi.
Fréttablaðið mun á næstu vikum fjalla um einhverja þessara listamanna, sem lítið er fjallað um á Íslandi, og starf þeirra.
Hvernig upplifum
við heiminn?
Egill hefur búið og starfað í Berlín síðastliðin fimmtán ár, síðan 1999.
Hann hefur unnið með marga miðla í gegnum tíðina, en síðustu fimm-tán ár þó aðallega með vídeóvarpanir á hluti og staði. Hann fær það sem hann varpar á til að lifna við og fær okkur til að spyrja ýmissa spurninga um samband okkar við umhverfið, sálar- og
tilfinningalíf, hugsanir og um það hvernig við upplifum
heiminn. Einnig hefur hann gefið út nokkrar hljómplöt-
ur, þar á meðal plötuna Tonk of the lawn sem ýmsum
er kunnug. Egill hefur haldið 57 einkasýningar frá
útskrift úr MHÍ árið 1997, tekið þátt í 127 hópsýning-
um, framið og haldið 126 gjörninga, viðburði og tón-
leika, gefið út sjö geisladiska með tónlist ásamt því
að efni eftir hann komi fram í ýmsum kvikmyndum
og sjónvarpsþáttum. Auk þessa hafa tvær bækur
komið út um list hans og pælingar. Nýverið vígði
hann tvö útilistaverk í Þýskalandi.
KASKADE 2014
Kaskade er hluti arkitektúrs Nútíma-
listasafnsins í Ahlen, Westfahlen.
Það er hluti af átaki Ruhr-héraðsins
sem nefnt er Lichtweg– Hellweg og
samanstendur af um 50 verkum sem
byggð hafa verið á síðustu árum.
Innsetningin er byggð á vídeóvörpun
ofan á þak safnsins. Vídeóvarpi
situr í loftslagsstilltum kassa sem
staðsettur er á 11 metra háu mastri
hinum megin við götuna. Eftir
sólsetur fer verkið af stað og þakið
breytist í eins konar rafrænan foss
með stöllum. Línur renna niður eftir
þakinu, stundum óreglulegar eins og
vatn. Til að brjóta upp minimalískt
form verksins birtist alltaf klukkan
9 á sunnudagskvöldi lítil stúlka sem virðist koma út um dyr á þakinu með stóran
gulan hjálm á höfðinu og hamar og labbar um þakið til að laga það. Þetta er hún
Susanne litla. Verkið er varanleg innsetning til næstu 15 ára að minnsta kosti.
THE BRICK IS THE KEY 2013
Verkið var pantað af dönsku arkitektúrmiðstöðinni í Kaupmannahöfn og The Streaming
Museum New York. Verkið er vídeóvörpun á framhlið miðstöðvarinnar á Strandgade sem er
einnig gamalt múrsteinshlaðið pakkhús. Eitt elsta og smæsta element byggingarlistarinnar, sem
einnig er eitt það mikilvægasta í Danmörku, er múrsteinninn. Með því að búa til þrívíddarmódel
af veggnum með nákvæmri staðsetningu hvers steins, gat teymið búið til forrit sem lætur sér-
hvern stein losa sig úr veggnum, fljúga um og jafnvel breyta um form.
Hugsunin var að staðsetja okkur á milli tveggja punkta: Annars vegar í fortíðinni þar sem engin
hús voru til og hins vegar í framtíðinni þar sem arkitektúr er ekki til, því tækni og aðstæður
munu skapa þeim veruleika sinn tilveruramma. Byggingarlistin er eins og vera sem hefur þróast
út úr náttúrunni í samvígi við manninn, einu sinni var hún ekki til, en í samblandi við mannlegt
afl tók hún að myndast. Eins og maðurinn hefur áhrif á byggingarnar, hefur náttúran með sínum
möguleikum og skorðum áhrif á möguleikana og byggingarnar hafa líka áhrif á manneskjur.
SVIPMYND
EGILL
SÆBJÖRNSSON
LAVA
LANDSCAPE 2014
Þessi mynd er af sýningu í Berlín
sem var opnuð 13. mars og verður
opin út júlí.
„LAVA LANDSCAPE“ 2014
S tóra verkið fremst á myndinni.
335 x 260 cm.
Unnið úr Hekluvikri beint á vegg.
„INNER LANDSCAPE“ 2014
Steinverkið.
50 x 50 x 50 cm.
Efnið er sagað hraungrýti.
Textaverkið á veggnum er eftir
Lawrence Weiner.
RED LAVA
LANDSCAPE 2010
Hér er mynd frá einkasýningu
Rögnu í Hamish Morrison Galerie
í Berlín 2010.
„RED LAVA LANDSCAPE“ 2010
S tóra glerverkið upp við vegginn.
2 metrar x 6 metrar.
Efnið er rauðamöl á milli glerja.
„MINDSCAPE“ 2010
Verkið á gólfinu.
Efnið er salt í glerskálum sem falla
hvor ofan á aðra.
SVIPMYND
RAGNA
RÓBERTSDÓTTIR
MYND/EINAR SNORRIMYND/JÓHANNA ÓLAFSDÓTTIR