Fréttablaðið - 07.06.2014, Page 84

7. júní 2014 LAUGARDAGUR| MENNING | 48
Þetta er í níunda sinn sem við höld-
um þessa hátíð. Við höfum í gegnum
tíðina yfirleitt verið með tvenna tón-
leika og að minnsta kosti einn fyrir-
lestur, en styrkir hafa minnkað og
allt dregist saman þannig að í ár
verða bara þessir einu tónleikar,“
segir Kristjana Helgadóttir, flautu-
leikari kammerhópsins Adapter,
sem stendur fyrir Frum-hátíðinni
á Kjarvalsstöðum í kvöld. „Það er
á mörkunum að við getum kallað
þetta hátíð, en við erum að gera það
besta úr stöðunni,“ bætir hún við.
Á tónleikunum í kvöld verða
dregin fram í dagsljósið sjaldheyrð
eða töpuð verk eldri kynslóðar nor-
rænna tónskálda og með þeim flutt
ný norræn verk frá deginum í dag.
Tónverkin sem flutt verða eru eftir
tónskáldin Jouni Hirvelä frá Finn-
landi, Bjørn Fongaard frá Noregi,
Siegfried Naumann frá Svíþjóð,
Íslendinginn Þráin Hjálmarsson
og Danina Gunnar Berg og Simon
Loeffler. „Þrjú verkanna eru frá
sjötta og sjöunda áratugnum og
voru framúrstefnuverk síns tíma,“
segir Kristjana. „Hin þrjú verkin
voru samin fyrir okkur núna. Það
eru verk Þráins, Loefflers og Hirv-
elä, ungu tónskáldanna okkar.“
Auk Kristjönu er kammerhópur-
inn Adapter skipaður þeim Ingólfi
Vilhjálmssyni klarinettuleikara,
Gunnhildi Einarsdóttur hörpuleik-
ara og Matthiasi Engler sem leikur
á slagverk. Hópurinn verður tíu ára
í desember og hefur einskorðað sig
við flutning samtímatónlistar. Tæki-
færin til að spila slíka tónlist eru
ekki mörg á Íslandi, að sögn Krist-
jönu, og því eru allir meðlimir hóps-
ins fluttir til Berlínar. „Það er stað-
urinn þar sem hægt er að lifa af því
að spila samtímatónlist,“ segir hún.
„Ekki það að við séum alltaf að spila
í Berlín, við höfum verið með nám-
skeið í Kaliforníu, spilað í Japan,
Ísrael og Rússlandi, svo eitthvað sé
nefnt, Berlín er bara basinn okkar.“
Tónleikarnir í kvöld eru því sjald-
gæft tækifæri til að njóta tónlistar
Adapter, næst koma þau hugsanlega
til Íslands á næsta ári. Þeir hefjast
klukkan 20 og er aðgangur ókeypis
fyrir yngri en 16 ára. Upplýsingar
um tónskáldin og efnisskrána má
nálgast á heimasíðunni frum-festi-
val.com. fridrikab@frettabladid.is
Tefl a saman eldri
og yngri tónskáldum
Frum-hátíð kammerhópsins Adapter verður haldin á Kjarvalsstöðum í kvöld. Þar
verða fl utt sjaldheyrð norræn verk eft ir eldri höfunda og glæný verk yngri tónskálda.
Sýningunni Hnall-
þóra í sólinni,
úrvali prent- og
bókverka eftir
Dieter Roth, lýkur
í Hafnarborg á
annan í hvíta-
sunnu. Á sýn-
ingunni er lögð
áhersla á framlag
Dieters Roth til
prentmiðilsins sem
hann hafði mikinn
metnað fyrir. Sýnd
eru grafík- og bók-
verk frá árunum
1957 til 1993, en
sýningunni er skipt upp í ellefu mismunandi tímabil
sem veita greinargóða innsýn í listsköpun og ævistarf
Dieters Roth.
Sýningin var upphaflega sett upp í Skaftfelli á Seyðis-
firði og eru verkin fengin að láni frá Nýlistasafninu og
fjölskyldu Dieters Roth. Sýningarstjóri er Björn Roth.
Sýningin er opin alla daga fram að sýningarlokum
frá klukkan 12 til 17. - fsb
Hnallþóran á þrotum
Sýningarlok í Hafnarborg.
TÓNLIST ★★★★ ★
Höfuðsynd
Atónal blús
ÚTGEFANDI GLAMUR
Ný plata, Höfuðsynd með hljóm-
sveitinni Atónal blús, kemur á óvart.
Fyrsta lagið, sem líka heitir Atónal
blús og er eingöngu instrúmentalt,
er skemmtilega viðburðaríkt. Þó
að nokkrir hljóðfæraleikarar komi
við sögu, er yfirbragðið rafrænt.
Sumir sem fást við að semja slíka
tónlist eiga það til að detta í endur-
tekningarnar, en ekki hér. Hljómur-
inn er framandi á einhvern hátt sem
erfitt er að skilgreina með orðum,
fólk verður einfaldlega að hlusta.
Atburðarrásin er hröð, það er alltaf
eitthvað að gerast í tónlistinni. Þetta
er magnað lag.
Svipaða sögu er að segja um
þegar söngurinn dettur inn í næsta
lagi. Lög og textar eru eftir Gest
Guðnason og það er hann sem
syngur líka. Hann hefur þægilega,
afslappaða rödd sem fellur ágætlega
að stemningu hvers lags.
Hljóðfæraleikurinn var í höndun-
um á Þorvaldi Kára Ingveldarsyni,
Garðari Þór Eiðssyni, Páli Ivani
Pálssyni, Guðjóni Steinari Þorláks-
syni, Jesper Pedersen, Þorleifi Gauk
Davíðssyni og fyrrnefndum Gesti
Guðnasyni. Hann er allur til fyrir-
myndar, nákvæmur og samtaka.
Loks ber að nefna að platan er
mixuð af mikilli fagmennsku, hún
er tær og söngurinn er ekki of
hávær á kostnað hljóðfæraleiksins.
Það gerist stundum og er ákaflega
hvimleitt. Hér er söngurinn fyrst og
fremst eitt af hljóðfærunum.
Hljóðfærin eru býsna fjölbreytt,
spilað er á munnhörpu, þeremín,
darabúka, djembe auk hefðbundn-
ari hljóðfæra. Þetta gerir hljóðheim-
inn notalega litríkan og aðlaðandi.
Vissulega er tónlistin „experi-
mental“ – en þetta er tilraun sem
svo sannarlega virkar. Jónas Sen
NIÐURSTAÐA: Skemmtilega litrík og
innblásin plata.
Tilraun sem svo sannarlega virkar
KAMMERHÓPURINN ADAPTER Þau Kristjana Helgadóttir, Ingólfur Vilhjálmsson,
Gunnhildur Einarsdóttir og Matthias Engler búa öll og starfa í Berlín.
Ekki það að við
séum alltaf að spila í
Berlín, við höfum verið
með námskeið í
Kaliforníu, spilað í Japan,
Ísrael og Rússlandi, svo
eitthvað sé nefnt, Berlín
er bara basinn okkar.
Kristjana Helgadóttir
VERK FRÁ
1971 Sýningin
dregur nafn
sitt, Hnallþóra
í sólinni, af
þessu verki
Dieter Roth.
AÐGANGUR ÓKEYPIS
STJÖRNUBLIK Á NÆTURHIMNI
GOUNOD - THOMAS
SAINT-SAËNS - VERDI
HÁDEGISTÓNLEIKAR
Í NORÐURLJÓSUM, HÖRPU
ÞRIÐJUDAGINN
10. JÚNÍ KL.12:15
HÖRN HRAFNSDÓTTIR
MEZZÓSÓPRAN
ANTONÍA HEVESI
PÍANÓ
Styrkir vegna útgáfu myndríkra
bóka um sögu Reykjavíkur
Útgefendur myndríkra bóka sem tengjast sögu og menningu
Reykjavíkurborgar geta nú sótt um styrk til að niðurgreiða
kostnað vegna kaupa á ljósmyndum til birtingar frá Ljósmynda-
safni Reykjavíkur. Styrkirnir eru veittir vegna útgáfu nýrra bóka
sem áætlað er að komi út á árinu 2014 eða í ársbyrjun 2015 og
eru liður í nýsamþykktri menningarstefnu Reykjavíkurborgar
sem m.a. miðar að því að hlúa að varðveislu menningar-
arfleifðar og hvetja til miðlunar hennar.
Þriggja manna dómnefnd skipuð tveimur starfsmönnum
Borgarsögusafns Reykjavíkur og skrifstofustjóra menningar-
mála Reykjavíkur metur umsóknirnar. Frestur til að skila
umsóknum er 23. júní 2014.
Í umsókn skulu koma fram nauðsynlegar upplýsingar um
umsækjanda, góð lýsing á fyrirhugaðri útgáfu og áætlaður
kostnaður vegna afgreiðslu og myndbirtinga á ljósmyndum frá
Ljósmyndasafni Reykjavíkur.
Utanáskrift umsóknar: ,,Myndrík bók um sögu Reykjavíkur”
b.t. Signýjar Pálsdóttur, skrifstofustjóra menningarmála,
Menningar- og ferðamálasviði Reykjavíkurborgar,
Vesturgötu 1, 3. hæð, 101 Reykjavík.
Framkvæmda- og eignasvið
Ábendingahnappinn má
finna á www.barnaheill.is
MENNING