Fréttablaðið - 27.08.2014, Page 46

27. ágúst 2014 MIÐVIKUDAGUR| LÍFIÐ | 30
„Mér finnst náttúrulega bjór
mjög bragðgóður, eins og mörg-
um,“ segir Bergur Gunnars-
son sem innan tíðar getur titlað
sig bruggmeistara en hann er að
ljúka meistaranámi í bruggun-
ar- og eimunarvísindum frá Her-
iot Watt-háskólanum í Edinborg.
Bergur er menntaður efnafræð-
ingur og var að leita sér að námi
eftir útskrift. Þegar hann fann
þetta tiltekna nám í Edinborg
á netinu var hann ekki lengi að
hugsa sig um. „Þetta er í raun
þriggja anna meistaranám og
mun fræðilegra en ég bjóst við.
Enda eru mikil vísindi í kringum
þetta allt saman,“ segir Bergur en
námið miðast við áfengisgerð með
sérstaka áherslu á bjór.
Bergur er þessa dagana að
vinna í meistaraverkefni sínu en
þar gerir hann viðskiptaáætlun
fyrir opnun brugghúss á Íslandi.
„Það yrði ákveðinn draumur að
geta opnað sitt eigið brugghús hér
á landi. Það er hins vegar dýrt
enda skattarnir á áfengi háir og
maður þarf að flytja humlana og
byggið til ölgerðar sérstaklega
inn. En það er langtímamarkmið
hjá mér.“ Aðspurður hvort þessi
tilvonandi bruggmeistari sé ekki
með sérþarfir á barnum svarar
hann hlæjandi: „Nei, ég reyni að
vera ekki með stæla á barnum.“
- áp
➜ Uppáhaldsbjór Bergs er
India Pale Ale, beiskur, sterkur
og ríkari af humlum en hinn
venjulegi lagerbjór.
Reynir að vera ekki með stæla á barnum
Bergur Gunnarsson er að útskrifast sem bruggmeistari en draumurinn væri að opna íslenskt brugghús.
MEISTARINN Bergur Gunnarsson getur
bráðum titlað sig bruggmeistara.
FRÉTTABLAÐIÐ/ANDRI MARINÓ
„Uppáhaldsdýrin mín eru Sebright-
hænur og -hanar. Þau eru með
svarta útlínu á hvítu fjöðrunum
sínum þannig að þessi dýr líta út
fyrir að vera teikningar. Ég verð að
eignast svona einn daginn.“
Frosti Gnarr listamaður
UPPÁHALDSDÝRIÐ
■ Stjórn RIFF, sem þau Baltasar Kormákur, Elísabet Ronaldsdóttir,
Hrönn Marinósdóttir, Max Dager og Skúli Valberg skipa, sendi frá
sér grein sem birtist í Fréttablaðinu þann 13. janúar á þessu ári þar
sem þau hörmuðu þá ákvörðun menningar-og ferðamálaráðs að
hætta styrkveitingu til Alþjóðlegu kvikmyndahátíðarinnar í Reykja-
vík– RIFF– eftir 10 ára samstarf. í greininni sagði meðal annars að
þeim þætti miklu uppbyggingarstarfi, þekkingu og verðmætum
vera kastað á glæ með ákvörðun menningar- og ferðamálaráðs
Reykjavíkurborgar. Þau sögðu jafnframt engin haldbær rök fyrir því
að Reykjavíkurborg hefji frá grunni uppbyggingu á nýrri alþjóðlegri
kvikmyndahátíð, en styrkveiting frá Reykjavíkurborg upp á níu
milljónir var sett í nýja kvikmyndahátíð á vegum Bíós Paradísar,
Kvikmyndahátíð í Reykjavík.
■ Bíó Paradís sagði ákvörðunina um að stofna aðra hátíð til höfuðs
RIFF hafa verið tekna þegar ljóst varð að RIFF myndi ekki vera
með sína starfsemi í Bíói Paradís „vegna viðskiptalegra forsendna
eiganda RIFF“.
■ Einar Örn Benediktsson, sem var formaður menningar- og ferða-
málaráðs á þessum tíma, sagði faglegt álit fulltrúa BÍL hafa ráðið
för þegar ákvörðun var tekin um hvora hátíðina skyldi styrkja og
sagði í samtali við Vísi.is þann 14. janúar síðastliðinn: „Hiklaust
hefur verið farið eftir tillögum frá faghópi Bandalags íslenskra
listamanna. Með því erum við að fjarlægjast það að einhverjar
geðþóttaákvarðanir ráði; listamenn meta hvar féð er best komið.“
Rifist um RIFF
„Við erum afar þakklát og hlökkum til
samstarfsins,“ segir Hrönn Marinósdótt-
ir, stjórnandi Alþjóðlegu kvikmyndahátíð-
arinnar í Reykjavík, eða RIFF, en hátíðin
er styrkt myndarlega af Kópavogsbæ í ár
en ekki Reykjavíkurborg eins og síðast-
liðin tíu ár.
Menningar- og ferðamálaráð Reykja-
víkurborgar ákvað á síðasta ári að styrkja
ekki RIFF og olli það nokkrum pólitískum
óróa. Meðal annars lagði fulltrúi Sjálf-
stæðisflokksins fram tillögu um að
ákvörðunin yrði endurskoðuð en tillagan
var felld af meirihluta ráðsins. Ný hátíð á
vegum Bíós Paradísar, Kvikmyndahátíð í
Reykjavík, var styrkt af ráðinu í staðinn.
Stjórnendur RIFF brugðu því á það ráð að
leita til annarra sveitarfélaga og úr varð
samstarf Kópavogsbæjar og RIFF.
„RIFF heldur sínu striki og verður
haldin með glæsibrag í haust. Við höfum
haft sömu bakhjarlana í mörg ár og engin
breyting er á því. RIFF fær auk þess mjög
veglegan stuðning frá menntamálaráðu-
neytinu sem styrkt hefur hátíðina frá
upphafi sem og iðnaðarráðuneytinu og
MEDIA, menningaráætlun ESB. Meðal
annars stendur til að halda kvikmynda-
tónleika með Sólstöfum í Salnum í Kópa-
vogi og stuttmyndasmiðjur fyrir börn í
samstarfi við grunnskólana í Kópavogi,“
útskýrir Hrönn. „Mun fleiri uppákomur
verða svo í bænum þegar hátíðin hefst
þann 25. september næstkomandi og
verða þær kynntar þegar nær dregur.“
Spurð hvort hátíðin ætti þá ekki með
réttu að heita Alþjóðlega kvikmyndahá-
tíðin í Kópavogi, eða KIFF, hlær Hrönn
og útskýrir að hátíðin sé orðin ellefu ára
gömul og sé þekkt vörumerki hér á landi
sem og erlendis. „Það tekur mörg ár að
byggja upp slíkt vörumerki og því skiln-
ingur á því að breyta ekki nafninu. Hátíð-
in verður að öðru leyti með sama sniði,
við munum sýna kvikmyndir í Reykjavík
svo sem í Háskólabíói, Bíói Paradís, Nor-
ræna húsinu, Tjarnarbíói, Stúdentakjall-
aranum og á Lofti Hosteli.“
Von er á fjölmörgum erlendum gestum.
Meðal annars hefur verið tilkynnt að hinn
áhrifamikli rannsóknarblaðamaður John
Pilger mun sækja hátíðina. Eins er von á
heimsfrægu kvikmyndagerðarfólki.
„Það mun koma í ljós bráðlega hverjir
það verða,“ svarar Hrönn þegar hún er
spurð við hverjum megi búast.
olof@frettabladid.is
RIFF verður ekki KIFF
Alþjóðlega kvikmyndahátíðin í Reykjavík hlaut ekki styrk frá borginni, en frá Kópa-
vogsbæ. Hrönn Marinósdóttir, stjórnandi RIFF, segir nafninu ekki verða breytt.
ÞEKKT VÖRUMERKI Hrönn Marinósdóttir, stjórnandi hátíðarinnar, segir
það taka mörg ár að byggja upp vörumerki á borð við RIFF. FRÉTTABLAÐIÐ/GVA
SVONA FÆRÐU
AFSLÁTT ÁN ÞESS
AÐ BIÐJA UM HANN!
Allir áskrifendur sjónvarps eða fjarskipta-
þjónustu 365 fá nú sjálfvirkan afslátt hjá fjölda
fyrirtækja og verslana án þess að þurfa að biðja
um hann. Það eina sem þarf að gera er að skrá
greiðslukort fjölskyldunnar í VILD á 365.is.
skráðu þig á
Afslátturinn
kemur sjálfkrafa
á kortaviðskiptin
Um 24 fyrirtæki og verslanir
eru í Vild og fer fjölgandi
Í Vild færðu
afsláttinn án þess
að biðja um hann
Fríðindakerfi fyrir áskrifendur 365
„Gaukar fjallar um tvo menn sem
hafa mælt sér mót á hótelherbergi.
Annar þeirra er að koma utan af
landi og hinn úr höfuðborginni og
þeir hafa mælt sér mót á miðri leið
til að klára páfagaukaviðskipti,“
segir Huldar Breiðfjörð rithöfund-
ur um nýjasta verk sitt, Gaukar, sem
frumsýnt verður í Borgarleikhúsinu
í haust. „Annar þeirra hefur auglýst
gefins fugl. Sá er eldri maður utan
að landi og er leikinn af Jóhanni Sig-
urðssyni. Sá sem hefur áhuga á að
taka að sér fuglinn er talsvert yngri
og úr bænum, sá er leikinn af Hilm-
ari Guðjónssyni. Þeir hittast þarna
á hótelherberginu með fuglinn til
að ganga frá viðskiptunum. Þá fer
eldri maðurinn að heyra ofan í þeim
yngri, hvernig hann er og hvaðan
hann kemur og þá fara að renna á
hann tvær grímur,“ útskýrir hann.
Að sögn Huldars er páfagaukur-
inn sem um ræðir af tegundinni
African Grey. „Þetta er stór páfa-
gaukur sem verður mjög gamall og
er eitt greindasta dýr jarðar og því
er þeim eldri ekki sama hver fær
fuglinn. Þessi fyrirhugaði stutti
fundur á herberginu verður að
heilli nótt,“ bætir hann við. „Þetta
verk hefur verið hjá mér í smá
tíma. Ég skrifaði verkið fyrir ein-
hverju síðan, lagði það svo frá mér
í um það bil ár og tók það svo upp
að nýju þegar Borgarleikhúsið lýsti
yfir áhuga á verki eftir mig.“
- ósk
Eyða saman nótt með páfagauki
Huldar Breiðfj örð er höfundur Gauka sem frumsýnt verður í september.
HÖFUNDURINN Huldar Breiðfjörð er
höfundur verksins en með aðalhlutverk
fara Jóhann Sigurðsson og Hilmar
Guðjónsson. FRÉTTABLAÐIÐ/GVA