Fréttablaðið - 04.09.2014, Blaðsíða 8

4. september 2014 FIMMTUDAGUR| FRÉTTIR | 8
ÚKRAÍNA Uppreisnarmenn í
Úkraínu taka dræmt í vopnahlés-
hugmyndir Pútíns Rússlandsfor-
seta, og þótt Úkraínustjórn hafi
fallist á „vopnahlésferli“ þá seg-
ist Porosjenkó Úkraínuforseti ekki
treysta neinum áformum Pútíns.
Pútín kynnti vopnahléshugmynd-
ir sínar í Mongólíu í gær, þar sem
hann var í opinberri heimsókn.
Hann lagði áherslu á að Úkraínu-
her og þær sjálfboðaliðahersveitir
sem barist hafa með honum hætti
þegar í stað öllum hernaðaraðgerð-
um í austanverðri Úkraínu.
Hann hafði áður rætt þær við
Porosjenkó á fundi þeirra í Hvíta-
Rússlandi fyrr í vikunni. Skilyrði
Pútíns eru í meginatriðum þau
sömu og hann hefur áður kynnt
og í fullu samræmi við þá afstöðu
hans, að hernaðaraðgerðir Úkra-
ínustjórnar gegn uppreisnarmönn-
um séu óréttmætar.
Obama Bandaríkjaforseti virð-
ist ekki hafa mikla trú á þessum
vopnahlésáformum, en gerir kröf-
ur til Rússa um beinar aðgerðir:
„Við höfum ekki séð mikið koma út
úr þessum svokölluðu vopnahléum
sem tilkynnt hefur verið um,“
sagði hann í Eistlandi í gær. „Að
því sögðu, þá er það svo að ef Rúss-
ar verða í raun tilbúnir til þess að
hætta að fjármagna, vopna, þjálfa
og í mörgum tilvikum að senda
rússneska hermenn til aðgerða í
Úkraínu og taka alvarlega hug-
myndir um pólitíska lausn, þá er
það nokkuð sem við öllum von-
umst til.“
Obama sagði þetta í Eistlandi
í gær þar sem hann reyndi að
stappa stálinu í Eystrasaltsþjóð-
irnar. Meðal íbúa Eystrasaltsríkj-
anna hefur óróleiki gert vart við
sig vegna yfirgangs Rússa í aust-
anverðri Úkraínu.
„Þið hafið misst sjálfstæðið áður,
en með NATO munið þið aldrei
glata því aftur,“ sagði Obama, en
hann heldur til Wales í dag þar
sem hann situr tveggja daga leið-
togafund Atlantshafsbandalagsins.
Hann hótar því að NATO muni
fara í hart gegn Rússum: „Við
munum aldrei fallast á hernám
Rússa og innlimun Krímskaga eða
annarra hluta Úkraínu.“
Eitt helsta umræðuefni NATO-
fundarins verða átökin í Úkraínu.
Meðal annars verða þar rædd
áform um að NATO sendi herlið
til nágrannaríkja Rússlands sem
geti brugðist við með litlum fyrir-
vara.
Þá hafa nokkur NATO-ríki
kynnt áform um heræfingar í
vestanverðri Úkraínu, en Pútín
segir þær heræfingar vera beina
ögrun.
Meðal fulltrúa á fundinum í
Wales verða Sigmundur Davíð
Gunnlaugsson forsætisráðherra
og Gunnar Bragi Sveinsson utan-
ríkisráðherra. gudsteinn@frettabladid.is
Obama vill stöðva Rússa
Átökin í Úkraínu verða eitt helsta umræðuefnið á leiðtogafundi NATO sem hefst í dag. Pútín segir fyrirhug-
aðar heræfingar NATO-ríkja í Úkraínu vera beina ögrun en Obama hótar að fara í hart gegn Rússum.
Við
munum
aldrei fallast
á hernám
Rússa og
innlimun
Krímskaga
eða annarra hluta
Úkraínu.
Barack Obama
Bandaríkjaforseti

N
O
RD
ICPH
O
TO
S/AFP
FRANSKIR SJÁLFBOÐALIÐAR Í ÚKRAÍNU
Sjálfboðaliðar frá Evrópulöndum hafa
streymt til Úkraínu til að berjast ýmist með
stjórnarliðinu eða uppreisnarmönnum.
Þessir Frakkar eru mættir til Donetsk að
hjálpa uppreisnarmönnum.
UMHVERFISMÁL Ástand yfirborðs-
vatns í Hafnarfirði og Kópavogi
er að mati heilbrigðisnefndar
svæðisins enn víða óviðunandi.
„Umhverfi lækja og vatna
hefur útivistargildi og því mikil-
vægt að grípa til aðgerða ef nátt-
úrulegt ástand er að breytast til
verri vegar,“ segir heilbrigðis-
nefndin, sem segir að halda þurfi
áfram reglubundinni vöktun og
leita að og lagfæra rangar teng-
ingar.
Þá segir nefndin að vegna
aukinnar iðnaðaruppbyggingar
í Hafnarfirði þurfi að fjölga þar
mælingum í umhverfinu.
- gar
Stöðumat heilbrigðiseftirlits:
Yfirborðsvatn
er óviðunandi
CHICAGO, AP Að láta fjarlægja
bæði brjóst sem meðferðarúrræði
við krabbameini í öðru brjóst-
inu eykur í flestum tilfellum ekki
líkurnar á því að konur haldi lífi,
borið saman við það ef aðeins
æxlið er fjarlægt.
Þetta kemur fram í niðurstöðum
nýrrar rannsóknar á yfir 200 þús-
und konum frá Kaliforníu í Banda-
ríkjunum.
Niðurstöðurnar vekja spurning-
ar um áhættumeiri og hugsanlega
óþarfar aðgerðir sem sífellt fleiri
konur gangast undir. „Það er engin
trygging fyrir því að batinn verði
meiri ef hitt brjóstið er fjarlægt
líka,“ sagði læknirinn Len Licht-
enfeld. - fb
Þúsundir kvenna kannaðar:
Óvissa um tvö-
falt brjóstnám