Fréttablaðið - 23.10.2014, Síða 22

23. október 2014 FIMMTUDAGURSKOÐUN
HALLDÓR
FRÉTTABLAÐIÐ Skaftahlíð 24, 105 Reykjavík Sími: 512 5000, ritstjorn@frettabladid.is AÐSTOÐARFRÉTTASTJÓRI: Andri Ólafsson andri@frettabladid.is VIÐSKIPTI: Fanney Birna Jónsdóttir fanney@frettabladid.is HELGARBLAÐ: Erla Björg Gunnarsdóttir erla@frettabladid.is
MENNING: Friðrika Benónýsdóttir fridrikab@frettabladid.is VÍSIR: Kolbeinn Tumi Daðason, kolbeinntumi@365.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is ÚTLITSHÖNNUN: Silja Ástþórsdóttir siljaa@frettabladid.is
FRÁ DEGI
TIL DAGS
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI: Sævar Freyr
Þráinsson ÚTGEFANDI OG AÐALRITSTJÓRI: Kristín Þorsteinsdóttir kristin@frettabladid.is FRÉTTASTJÓRI:
Sigurjón M. Egilsson sme@frettabladid.is. Fréttablaðið kemur út í 90.000 eintökum og er dreift ókeypis á heimili á
höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið
áskilur sér rétt til að birta allt efni blaðsins í stafrænu formi og í gagnabönkum án endurgjalds. ISSN 1670-3871
Reynir aftur
Þingmenn Samfylkingarinnar og
Bjartrar framtíðar, með Helga
Hjörvar í broddi fylkingar, hafa
lagt fram frumvarp um að undan-
þágur frá samkeppnislögum er varða
samráð, samruna og verðtilfærslu
í mjólkuriðnaði verði felldar úr
búvörulögum. Helgi Hjörvar lagði
sambærilega tillögu fram árið
2011 en hún var þá felld. Það
verður fróðlegt að heyra þá
sem hyggjast fella tillöguna
núna, verði hún yfirleitt
tekin á dagskrá þingsins, út-
skýra afstöðu sína til frjálsrar
samkeppni almennt. Og þá
líka hvers vegna sala á
mjólkurvörum á að
vera undanskilin
henni.
Kraftmikill varaþingmaður
Menn eru misjafnlega duglegir
loksins þegar þeir komast í þau störf
sem þeir þrá að sinna. Einn þeirra
sem hafa reynt að láta hendur standa
fram úr ermum er Björn Valur Gísla-
son, varaþingmaður VG, sem tók sæti
á þingi á dögunum eftir nokkurt hlé.
Á einungis örfáum dögum lagði hann
fram 28 fyrirspurnir til ráðherra,
en hann spyr meðal annars um
þróun fjölda opinberra starfs-
manna. En svo má á móti
spyrja hvort þingmenn vinni
alla jafna gagn með störfum
sínum og hvort það
sé yfirleitt
æskilegt að
þeir séu
iðnir við
störf sín.
Fáum við gamlar þotur?
Hún vakti heldur betur athygli fréttin
um að lögreglan hefði eignast mikinn
fjölda af svokölluðum MP5-byssum.
Sú skýring hefur verið gefin að
Norðmenn hafi verið að endurnýja
vopnasafn sitt og norski herinn því
ákveðið að gefa Íslendingum eldri
byssur. Þá hefur verið bent á
að samkvæmt upplýsingum
á alfræðivefnum Wikipedia
muni norski flugherinn
endurnýja herþotur sínar
árið 2016. Þeir munu þá
þurfa að losa sig við eitt-
hvað af F-16-þotum. Gaman-
samir menn vilja bíða og sjá
hvort þoturnar verði þá líka
sendar hingað.
jonhakon@frettabladid.is
Á stuttu tímabili hefur álag á mörg úti-
vistarsvæði margfaldast. Kemur þar til
aukinn áhugi okkar á útivist og umferð
margra meðal næstum einnar milljónar
ferðamanna. Afleiðingar of mikils álags
blasa því miður víða við.
Reykjadalur inn af Hveragerði er á
náttúruminjaskrá. Þar er snoturt fjall-
lendi, gróður vöxtulegur og áhugavert
hverasvæði, náttúruleg baðlaug, hesta-
stígur og þaulsetin gönguleið inn á eld-
virkt svæði. Dalurinn og nágrenni er gott
dæmi um land sem fer illa vegna álags
og minnir á að nú er víða hafið kapphlaup
við eyðileggingu sem er til komin af of
seinni uppbyggingu stíga og annarrar
aðstöðu ferðafólks; í snarhasti virðist lagt
í framkvæmdir sem hefði átt að hefja
mun fyrr.
Samkvæmt lauslegri úttekt Andrésar
Arnalds hjá Landgræðslunni eftir skoð-
unarferð um dalinn (12. okt. sl.) og langri
myndasyrpu sem hann hefur léð mér er
ástand þessa ferðasvæðis vont. Gróður-
skemmdir, torfærur, ónýtar gönguslóðir
og margt fleira blasir þar við. Við þessu
hefur verið brugðist, m.a. með því að
hefja gerð mjög breiðs stígs (vegar?) upp
dalinn og einnig ofan frá niður í hann.
Slóðinn er sýnilega unninn án nægr-
ar fyrirhyggju og líklega hefur fag-
leg ráðgjöf verið takmörkuð. Vissulega
er jákvætt að þarna er hafist handa en
margt má af framkvæmdinni læra.
Ég hef ekki í hyggju að gagnrýna vinn-
una frekar eða fjalla sérstaklega um það
sem þarna má ekki gera eða ætti að gera.
Vil frekar benda á að víða um land eru að
hefjast svipuð verkferli, annaðhvort und-
irbúningsvinna eða framkvæmdir, sem
kalla á aukið fjármagn, vandaðan undir-
búning, trausta fagþekkingu, nærgætni
við umhverfið og fleira sem blasir við í
jafn fjölbreyttu landslagi og hér er. Nú
þegar verður að bregðast við og tryggja
með fjáröflun og -veitingum, samráði og
breyttum verkefnum stofnana og sam-
taka, einnig samvinnu þeirra, þannig að
skipulag og mannvirkjagerð á göngu- og
útivistarsvæðum utan þéttbýlis geti talist
ásættanleg. Ef t.d. stígagerð í Þórsmörk
er í góðu lagi, hvernig má búa um hnúta
svo það sama megi segja um Reykja-
dal, Laugaveg göngufólks eða Leirhnjúk
sem er í einkaeigu? Flýtir í þessum til-
vikum er ekki í boði. Í dag standa Land-
græðslan, Umhverfisstofnun og Ferða-
málastofa að ráðstefnu í Gunnarsholti um
umhverfis áhrif vaxandi ferðamennsku.
Hún er tímabær.
Stígum varlega til jarðar
NÁTTÚRU-
VERND
Ari Trausti
Guðmundsson
áhugamaður um
útivist og fj alla-
mennsku
H
ún er harkaleg deilan milli núverandi útvarpsstjóra
Ríkisútvarpsins og stjórnarformannsins annars vegar
og fyrrverandi fjármálastjóra hins vegar. Deilt er um
hver eða hverjir beri mesta ábyrgð á endurteknum
vandræðum stofnunarinnar. Vígvöllur þeirra er á
síðum beggja dagblaða landsins. Fjármálastjórinn lék síðast leik
í orrustunni í gær og benti þar á að stjórnartíð útvarpsstjórans
hófst ekki þegar hann tók til starfa sem útvarpsstjóri, heldur
fyrir nærri fjórum árum, það er
á þeim degi sem hann tók sæti í
stjórn Ríkisútvarpsins.
Fjárhagsvandi Ríkisútvarps-
ins er mikill og hvert mannsbarn
veit að meiri peningum er varið
til rekstrar og afborgana en
stofnunin aflar sér og fær með
útvarpsgjaldinu. Í raun er það
hreint galið að á hverju ári upphefjist sama orðræðan aftur og
aftur. Nú bregður reyndar svo við að fyrrverandi fjármálastjóri
og núverandi útvarpsstjóri og stjórnarformaður deila opinberlega.
„Þá hefur verið umtalsverður taprekstur hjá félaginu síðan því
var komið á fót 2007 og hefur sá taprekstur að verulegu leyti verið
fjármagnaður með nýjum lánum,“ skrifaði stjórnarformaður-
inn í grein sem birtist í Fréttablaðinu nýverið. Þessu mótmælir
fjármálastjórinn fyrrverandi og segir í grein sinni: „Þetta eru
órökstuddar og rangar fullyrðingar. Eins og ég skýrði í grein í
Morgunblaðinu 14. október sl. var ekkert uppsafnað rekstrartap
til 31. ágúst 2013 þegar síðasta rekstrarári Páls Magnússonar lauk
og þar af leiðandi engin lán tekin vegna tapreksturs á vakt Páls. Á
nýliðnu rekstrarári, 1. september 2013 til 31. ágúst 2014, má hins
vegar ætla að tap fyrir skatta hafi numið um 350 m.kr. og í lok
febrúar 2014 hafi í fyrsta skipti verið tekið lán vegna tapreksturs.
Allt á vakt Ingva Hrafns og Magnúsar Geirs,“ segir svo fjár-
málastjórinn fyrrverandi í grein í Morgunblaðinu í gær. Vandinn
leysist ekki í deilum um hverjum hefur tekist verst upp á liðnum
árum.
Meðan deilt er um hver eða hverjir bera ábyrgðina siglir
Ríkisútvarpið áfram í óvissu. Og ekki bara Ríkisútvarpið. Auð-
vitað gildir það líka um önnur fjölmiðlafyrirtæki. Vegna stærðar
sinna og forréttinda, það er með beingreiðslum úr ríkissjóði, eða
kannski á að segja frá almenningi, er staða Ríkisútvarpsins svo
sterk á markaði að hún hefur eðlilega áhrif á önnur fyrirtæki
sem starfa við hlið stofnunarinnar. Dregur úr mætti þeirra og
takmarkar möguleika þeirra. Það er rammpólitískt mál.
Nú er unnið að því að loka fjárlagafrumvarpi næsta árs. Þar
liggur helsta von Ríkisútvarpsins, allavega til skammtímaredd-
ingar. Vigdís Hauksdóttir, formaður fjárlaganefndar, hefur örugg-
lega ekki aukið bjartsýni þeirra sem bera áhyggjurnar. Hún hefur
talað það ákveðið, ef rétt er munað hefur hún aftekið með öllu,
eða flestu, að meiri peningar renni til Ríkisútvarpsins og sagt að
stofnunin verði að sníða sér stakk eftir vexti.
Vissulega má nefna útvarpsgjaldið ýmsum nöfnum. Hvað sem
það er kallað er það innheimt gegnum ríkið og meginhluta þess er
skilað til Ríkisútvarpsins. Hvað á það vera hátt, á það allt að renna
til stofnunarinnar og fleira þess háttar er stjórnmálamanna að
svara. Og það sem fyrst.
Enn og aftur vantar Ríkisútvarpið peninga:
Beingreiðslur til
Ríkisútvarpsins
Sigurjón Magnús
Egilsson
sme@frettabladid.is
www.heilsuborg.is
Heilsulausnir
27. október

þrisvar í viku