Akureyri - 10.04.2014, Síða 16
16 14. tölublað 4. árgangur 10. apríl 2014
Að nýta tímann
Tíminn er merkilegt fyrirbrigði.
Uppskrift að góðu lífi gæti falist í
að njóta sem best líðandi stundar,
gera sem mest úr henni, dvelja í
augnablikinu, nota það til að skapa.
Sýta ekki liðinn tíma. Óttast ekki
ókominn tíma. Nota ekki tímann til
að bíða. Um allt þetta fjallar Tumi
tímalausi sem þessa dagana er á fjöl-
um Hofs á Akureyri.
Tumi Tímalausi í álfheimum er
nýr söngleikur eftir þau Pétur Guð-
jónsson og Jóhönnu Birnudóttur
(Jokku), sem unnu söguþráðinn út
frá lögum af vísnaplötum Gunnars
Þórðarsonar; Út um græna grundu
og Einu sinni var. Söngleikurinn
fjallar um Tuma, íslenskan sveitapilt
sem býr ásamt móður sinni og búálf-
inum Bokka á bænum Hlíðarenda-
koti. Hann fær ósk sína uppfyllta
af vondri álfaseiðkonu einn daginn
þegar hann er að smala inni í Fagra-
dal og festist í álfheimum. Þá eru góð
ráð dýr við að komast aftur heim til
mömmu og hittir hann á leið sinni
ýmsar kynjaverur sem eru mis hjálp-
legar. Þetta er þriðja leikverkið sem
Grímurnar setja upp, en áður hefur
leikhópurinn sett upp söngleikinn
Berness? Já, takk og franskar á milli
og farsann Gúgglaðu það bara, sem
bæði voru sett upp í Sjallanum.
Dans-og leikstjóri verksins er Ívar
Helgason. Hann hannar einnig útlit
sýningarinnar; búninga, leikmynd
og smink. Friðrik Ómar er tónlist-
arstjóri, Heimir Ingimars söngstjóri
og Margrét Árnadóttir er kórstjóri.
Mikill metnaður felst í að bjóða
upp á sýningu sem 60 manns koma
að. Fjöldi barna leikur, dansar og
syngur í Tuma tímalausa. Í hópnum
eru nokkur „karismatröll“. Hér verða
sérstaklega nefndir leikararnir sem
túlkuðu karakter Tuma á seinni sýn-
ingunni sl. sunnudag og Bokka búálf.
Eflaust eru önnur eins sjarmatröll
líka í barnahóp þeirrar sýningar sem
undirritaður sá ekki en til að dreifa
álagi á börnin er farin sú leið að hafa
tvískipta áhöfn.
Með mér voru í för tvö börn,
þriggja ára og sex ára. Þeim fannst
báðum gaman. Hrollur læddist um
hryggsúlur þeirra þegar karakterinn
Hrollur með engar hendur og rauð
eldaugu birtist á sviðinu. Um hann
var rætt mörgum klukkustundum
síðar rétt fyrir háttatímann. Að öðru
leyti var gleðin við völd í sýningunni
en ávallt stutt í ógnina og heimspeki-
legar mannbætandi pælingar.
Það er nokkur galdur að segja
sögu sem kallar á svo margar svið-
setningar og örar klippingar. Lausnir
eru oft góðar, myndmál í baksviði
kemur ágætlega út en lýsing er ekki
notuð eins og hefði verið hægt í upp-
færslu atvinnuleikhúss. Börnin sem
sátu við hlið mér nutu sýningarinnar
ágætlega og það var troðfullt hús.
Alveg má kalla svona uppfærslu
þrekvirki. Aðstandedur fá ekki síst
fjöður í hattinn fyrir að gefa heilu
samfélagi þann mikla tíma sem farið
hefur í æfingar. Þeim tíma er vel var-
ið. Gott er að vita til þess að bærinn
okkar er uppfullur af skapandi fólki
sem hugsar um tíma sinn, hugsar
hvernig beri að nýta hann best í því
skyni að gera fjölbreytt samfélag enn
fjölbreyttara.
Takk fyrir mig, Tumi tímalausi!
- BÞ
AÐSEND GREIN INGIBJÖRG ISAKSEN
Treystum innviðina
Nú þegar tæpir tveir mánuðir eru til
sveitarstjórnarkosninga eru fram-
bjóðendur að gera sig klára og móta
stefnu sinna framboða. Í undirbún-
ingsvinnu okkar Framsóknarfólks
hefur okkur orðið tíðrætt um mik-
ilvægi fræðslu- og félagsmála og
teljum afar mikilvægt að áherslur
verðandi bæjarstjórnar liggi þar.
Mikil uppbygging hefur átt sér stað
hér á síðasta áratug og brýnt er að
komandi áratugur verði nýttur til að
treysta innviði samfélagsins.
Fræðslumál í forgrunni
Yfir 50% af útgjöldum Akureyrar-
bæjar fara til fræðslumála og sá
niðurskurður sem orðið hefur í kjöl-
far efnahagshrunsins hefur að sjálf-
sögðu bitnað á fræðslumálum. Mik-
ilvægt er að með auknum hagvexti og
þar með auknum tekjum bæjarins þá
verði þess gætt að auka enn frekar
gæði skólaþjónustunnar. Í því sam-
bandi viljum við Framsóknarfólk
m.a. skoða möguleika á því að auka
sálfræðiaðstoð innan skólanna. Vilj-
um við þannig veita nemendum og
foreldrum betri aðstoð og þá með
sérstaka áherslu á þá nemendur sem
eru í áhættuhópi vegna brottfalls á
síðari stigum skólagöngunnar. Þá
viljum við gera átak í heiluseflingu
og hreyfingu innan grunnskóla sem
lið í að auka vellíðan barna og ung-
linga og draga úr sífellt vaxandi
hreyfingarleysi. Forvarnir í skólum
eru að okkar mati afar mikilvægar
og bindum við miklar vonir við þær
hugmyndir sem fram hafa komið um
samvinnu félagsmiðstöðva og skól-
anna í þeim efnum og teljum rétt að
fylgja þeim hugmyndum eftir.
Hugum að öldruðum
Eitt af stóru verkefnum okkar á
komandi árum er að takast á við þá
þróun sem er að verða í samfélagi
okkar með sífellt hækkandi aldri
íbúa og verulegri fjölgun þeirra
einstaklinga sem náð hafa ellilífeyr-
isaldri. Samkvæmt mannfjöldaspá
þá má gera ráð fyrir að Akureyr-
ingum sem náð hafa 70 ára aldri
fjölgi um 500 á næstu 10-15 árum.
Við Framsóknarfólk viljum samhliða
þessari þróun efla alla þjónustu
tengda öldruðum s.s. heimahjúkrun,
dagvistun, heilsueflandi heimsókn-
ir og afþreyingu fyrir aldraða. Við
viljum stuðla að öflugu samstarfi við
félag eldri borgara og leita leiða til
að byggja upp markvissa heilsuefl-
ingu aldraðra. Við teljum rétt að
áfram sé unnið með þau markmið
bæjarins að stuðla að því að aldraðir
geti sem lengst dvalið í eigin húsnæði.
Hins vegar mun fjölgun aldraðra á
næstu árum kalla á þörf fyrir aukin
búsetuúrræði sem bregðast þarf við
og teljum rétt að skoða þörf fyrir
byggingu nýs hjúkrunarheimilis.
Gerum góðan bæ betri
Ágæti lesandi, þær áherslur sem ég
hef hér rakið verða í stefnuskrá okk-
ar Framsóknarfólks í komandi kosn-
ingum. Við frambjóðendur höfum á
síðustu vikum kynnt okkur rekstur
bæjarins og önnur þau mál sem
snerta samfélag okkar og munum
halda því áfram enn um sinn um
leið og við mótum endanlega stefnu
okkar fyrir komandi kosningar. Í
tengslum við þá vinnu ætlum að efna
til opinna funda þar sem við munum
kalla eftir hugmyndum bæjarbúa
og saman munum við leggja fram
framsækna og öfluga stefnuskrá þar
sem markmið okkar er það eitt að
gera góðan bæ betri.
Höfundur skipar 2.sæti Fram-
sóknarflokksins í komandi bæjar-
stjórnarkosningum á Akureyri.
Samkvæmt
mannfjöldaspá þá
má gera ráð fyrir
að Akureyringum
sem náð hafa 70
ára aldri fjölgi um
500 á næstu 10-15
árum.
INGIBJÖRG ISAKSEN