Skessuhorn - 03.02.2010, Blaðsíða 24

S m á a u g l ý s i n g a r -
a t b u r ð a d a g a t a l - f r é t t i r
www.skessuhorn.is
���������������������
��������������������������������
������������ ��������������������
��������������������������������Íslenskir sokkar
Nytjamarkaður Körfuknattleiksdeildar
Skallagríms í Brákarey.
Opið alla laugardaga kl. 12-16.
Það hörmulega slys varð
á vestanverðum Langjökli
síðasliðinn laugardag að kona og
sjö ára sonur hennar féllu niður
í 20­30 metra djúpa sprungu í
jöklinum. Talið er að konan hafi
látist við fallið en drengurinn var
með meðvitund þegar til hans
náðist. Hann var fluttur með
þyrlu á sjúkrahús í Reykjavík og
gekkst þar undir aðgerð. Hann
er ekki í lífshættu og hefur verið
útskrifaður af gjörgæsludeild.
Björgunarsveitarmenn náðu til
konunnar upp úr klukkan 15 en
drengurinn hafði fallið dýpra í
sprunguna og náðist hann ekki
upp fyrr en um fimmleitið. Voru
þá rúmlega fjórar klukkustundir
liðnar frá slysinu. Fólkið var í
stærri hópi og hafði stigið út úr
bíl sínum þar sem einn bíll var
fastur með framhjól í sprungunni.
Jökullinn er að sögn kunnugra
talsvert sprunginn og einungis
þunnt snjólag yfir sprungunum,
eða 10­20 cm þykkt, eftir langan
hlýindakafla í janúar.
Það var klukkan eitt sem
björgunarsveitum Landsbjargar í
Borgarfirði, Borgarnesi, Akranesi
og á höfuðborgarsvæðinu barst
tilkynning um að tvær manneskjur
hefðu fallið í sprungu. Þyrla
Landhelgisgæslunnar var strax
send á vettvang ásamt undanförum
úr röðum björgunarsveitarmanna.
Tvær þyrluferðir voru farnar
milli höfuðborgarsvæðisins og
Langjökuls, meðal annars með
búnað frá rústabjörgunarsveitinni
og lækna frá Reykjavík. Þá fór
þónokkur fjöldi björgunar­
sveitarfólks landleiðina og upp
á jökulinn á vélsleðum, bílum og
snjóbílum. Veður var gott meðan
á aðgerðum stóð.
Unnu þrekvirki við
erfiðar aðstæður
Ásgeir Örn Kristinsson
í Björgunarfélagi Akraness
stjórnaði aðgerðum á jöklinum
á laugardaginn í félagi við annan
mann. Hann segir að á slysstað
hafi verið um 50 manns en
samtals á annað hundrað sem
tók beinan eða óbeinan þátt í
aðgerðunum. Ásgeir segir að í
þessari erfiðu björgunaraðgerð
hafi menn unnið mjög þétt
saman. „Þetta var alvarlegur
atburður við erfiðar aðstæður.
Vissulega tekur svona á fólk eins
og alltaf við þær aðstæður þegar
alvarleg slys verða.“
Ásgeir segir að aðstæður í
sprungunni hafi verið mjög
erfiðar, en hún var tæpur metri
þar sem hún var breiðust en
mjókkaði niður í 18,5 sentimetra
þangað sem neðri sigmaðurinn
komst. „Hann gat þar brugðið
línu utan um drenginn og
náð honum þannig til sín og
upp úr sprungunni. Þeir voru
tveir björgunarmenn ofan í
sprungunni í einu. Sá sem var
fyrir ofan bar á milli skilaboð til
manna á brúninni og sagði fyrir
um hvort gefa ætti slaka eða hífa.
Sá sem var fyrir neðan þurfti að
fara með höfuðið á undan niður.
Allir vissu að þetta yrði að ganga
mjög hratt fyrir sig, þannig að
segja má að aðstæður hafi á allan
hátt verið mjög erfiðar. Þarna
sýndu björgunarmenn harðfylgi
við óvenjulega erfiðar aðstæður,“
sagði Ásgeir.
mm
Banaslys á Langjökli ­ Erfið björgunaraðgerð
Frá björgunaraðgerðum á jöklinum á laugardaginn. Ljósm. Landsbjörg.