Skessuhorn - 12.11.2014, Blaðsíða 12

12 MIÐVIKUDAGUR 12. NÓVEMBER 2014
Íslenska sumargotssíldin er geng-
in upp að norðanverðu Snæfells-
nesi og komin aftur inn á Kolgrafa-
fjörð. Lagnetabáturinn Kiddi RE
89 landaði í gær um það bil þrem-
ur tonnum af síld sem veiddust inni
á firðinum á mánudagskvöld. „Það
er einhver síld komin inn á Kol-
grafafjörð, þó ekkert miðað við það
sem við sáum til dæmis í fyrravetur.
En það lóðaði þó á hana. Við feng-
um einhver þrjú tonn af síld þarna.
Mest af þessu frá því við lögðum
síðdegis á mánudag og svo fram í
myrkur,“ sagði Arnar Kristinsson
skipstjóri á Kidda RE í samtali við
Skessuhorn í gær, þriðjudag.
Léleg afkoma
Litlar líkur eru á að margir smá-
bátar sláist í för með Kidda RE til
síldveiða í vetur. Engir kaupend-
ur hafa fundist að síldarafla þess-
ara báta. „Ég landa í Grundarfirði,
keyri sjálfur aflanum suður og frysti
hann þar. Einnig hef ég látið einn
línubát hér í Grundarfirði hafa
ferska blóðsíld í beitu. Þeir eru að
mokfiska á hana. Annars er afkom-
an á veiðunum svo slöpp að það er
alveg á mörkunum að hægt sé að
standa í þessu. Maður er eiginlega
að þessu til að sleppa við að liggja
aðgerðalaus í landi. Það er betra að
hafa eitthvað að gera.“
Arnar veit ekki hvert framhald
verður á síldveiðum hjá honum.
Það eru margir óvissuþættir. Veið-
unum gæti lokið jafn snögglega og
þær hófust. „Maður veit ekki hvað
þeim dettur í hug þarna í sjávar-
útvegsráðuneytinu. Í fyrra stöðv-
uðu þeir skyndilega síldveiðar smá-
báta í lagnet inni á Kolgrafafirði
Síldin komin upp að Snæfellsnesi og veiðist inni á Kolgrafafirði
með þeim rökum að það mætti
ekki raska ró hennar. Svo hafa þeir
hækkað veiðigjaldið nú í 16 krónur
kílóið úr 13 krónum í fyrra. Ótrúleg
hækkun sem við höfum ekki feng-
ið neinar skýringar á.“ Þrátt fyrir
þetta reiknar Arnar með að bátn-
um verði haldið við þessar veiðar á
meðan stætt er. „Í næsta róðri ætl-
um við aftur inn á Kolgrafafjörð.“
Síldin einnig á
sundunum
Síld er einnig farin að safnast sam-
an á sundunum vestur af Stykk-
ishólmi. Símon Már Sturluson í
Stykkishólmi hefur stundað síld-
veiðar undanfarin ár í lagnet á bát
sínum Ronju SH „Ég fór aðeins hér
út fyrir í gær, mánudag. Þá sá ég
talsverðar lóðningar á dýptarmæli
bátsins þar sem ég var staddur við
Kiðey. Annars fór ég ekki víða. Það
er þó að heyra að töluvert af síld sé
nú á ferðinni hér við Snæfellsnes-
ið. Ég hef heyrt frá línubátunum
að þeir hafi orðið varir við mikið af
síld hér úti í álunum,“ sagði Sím-
on í gær.
Símon Már segir hverfandi líkur
á því að nokkur smábátur úr Stykk-
ishólmi haldi til síldveiða í vetur.
„Nei, nei. Það er engin stemning
hjá neinum fyrir síldveiðum smá-
báta núna. Það er búið að taka alla
gleði úr þessum veiðiskap. Sjávar-
útvegsráðherra hefur stórhækkað
veiðigjaldið fyrir síldina frá fyrra
ári. Ég er hræddur um að stórút-
gerðin myndi væla þyrfti hún að
borga jafn mikið í veiðigjald fyr-
ir síldina og heimtað er af smábát-
unum núna. Svo halda þeir sem
keyptu síld af smábátum undanfar-
in ár að sér höndum og vilja ekki
kaupa.“
Góður gangur hjá
stóru skipunum
Síldveiðar í flotvörpu hafa geng-
ið vel í haust hjá stóru veiðiskip-
unum vestur af Faxaflóa og Breiða-
firði. Mörg þeirra hafa lokið við
að veiða sínar heimildir. Sjávarút-
vegsráðuneytið hefur nú öðru sinni
heimilað notkun flottrolls í lokuðu
friðunarhólfi um 70 sjómílur vest-
ur af Breiðafirði. Fyrst var gefin út
reglugerð sem opnaði hólfið fyr-
ir flottrollsveiðum 31. október. Sú
reglugerð átti að gilda til 7. nóvem-
ber. Sá frestur til veiða í þessu hólfi
hefur nú verið framlengdur til 15.
nóvember. mþh
Laugardagurinn 8. nóvember síð-
astliðinn var Dagur gegn einelti
líkt og fjögur síðastliðin ár. Dagur-
inn var að þessu sinni haldinn há-
tíðlegur föstudaginn 7. nóvember í
Snæfellsbæ til að skólar gætu hug-
að að þessu nauðsynlega málefni.
Það var fjölbreyttur og glaður hóp-
ur nemenda og starfsfólks í Grunn-
skóla Snæfellsbæjar norðan Fróð-
árheiðar sem kom saman á íþrótta-
vellinum í Ólafsvík þennan dag og
myndaði hjarta. Hjartað mynduðu
ungmennin til að minna sig og aðra
á að standa saman í baráttunni gegn
einelti. þa
Hjarta í baráttunni
gegn einelti
Útgerðir á Vesturlandi greiddu
rúman hálfan milljarð króna í
veiðigjöld á síðasta fiskveiðiári;
2013/2014. Vegna vaxtakostnað-
ar af skuldum vegna kvótakaupa,
fengu þær hins vegar 219 milljóna
króna í afslátt af upphaflegri álagn-
ingu sérstaks veiðigjalds. Þessar
tölur koma fram í skriflegu svari
sjávarútvegsráðherra við fyrirspurn
Kristjáns Möllers alþingismanns
Samfylkingar.
Þrjár spurningar um
veiðigjöld
Í fyrirspurn sinni lagði Kristján
fram þrjár spurningar til ráðherra:
1. Hver er heildarfjárhæð inn-
heimtra veiðigjalda, almenns veiði-
gjalds annars vegar og sérstaks
veiðigjalds hins vegar, samkvæmt
lögum um veiðigjöld, nr. 74/2012,
fiskveiðiárið 2013/2014?
2. Hver er heildarfjárhæð lækkana
vegna vaxtakostnaðar við kaup á
aflahlutdeildum samkvæmt ákvæði
til bráðabirgða II í lögunum fisk-
veiðiárið 2013/2014?
3. Er tryggt að um kaup á íslensk-
um aflahlutdeildum hafi verið að
ræða, eða fer fram könnun á að svo
sé, þegar sótt er um lækkun veiði-
gjalds samkvæmt ákvæði til bráða-
birgða II í lögunum?
Fengu 30% afslátt
Ráðherra hefur nú svarað fyrir-
spurninni. Úr því má lesa að út-
gerðir á Vesturlandi hafi samtals átt
að greiða 728 milljónir króna í al-
menn og sérstök veiðigjöld á síðasta
fiskveiðiári. Álagningin var hæst
í Snæfellsbæ, rúmar 370 milljón-
ir króna. Þar á eftir fylgdi Grund-
arfjörður með rúmar 136 milljón-
ir. Útgerðir annarra sveitar félaga
voru svo samanlagt lægri. Sjá nánar
í meðfylgjandi töflu sem unnin er
upp úr svari sjávarútvegsráðherra.
Bráðabirgðaákvæði við lög um
veiðigjöld gerðu það að verkum
að sérstakt veiðigjald á Vestur-
landi var lækkað á síðasta fiskveiði-
ári vegna vaxtakostnaðar útgerða
um tæpar 219 milljónir. Útgerðir
í Snæfellsbæ fengu mestan afslátt,
rúma 131 milljón, en grundfirsk-
ar útgerðir 57 miljónir króna. Alls
nam afsláttur vestlenskra útgerða
30% af upphaflegri heildarfjárhæð
veiðigjalda. Í svari ráðherra kemur
fram að ekki hafi verið rakið hvort
skuldir vegna kaupa á aflaheimild-
um séu til komnar vegna kaupa á
kvóta í íslenskri lögsögu, „...enda
væri slík aðgerð óframkvæmanleg,“
segir orðrétt í svarinu.
Nánar má skoða álagningu veiði-
gjalda og afslátt á þeim síðustu þrjú
fiskveiðiár sundurliðað á einstakar
útgerðir á vef Fiskistofu.
mþh
Vestlenskar útgerðir fengu tæpan þriðjungs
afslátt á veiðigjöldum vegna vaxtakostnaðar
Sveitarfélag Almennt veiðigjald Sérstakt veiðigjald Álagning alls Lækkun Samtals til greiðslu
Akranes 38.006.047 96.232.343 134.238.390 4.672.940 129.565.450
Borgarnes 458.105 0 458.105 0 458.105
Grundarfjörður 76.895.164 59.476.515 136.371.679 57.001.393 79.370.287
Snæfellsbær 214.306.441 155.910.101 370.216.542 131.307.587 238.908.955
Stykkishólmur 52.356.603 34.108.295 86.564898 25.822.782 60.642.116
Reykhólahreppur 541.095 0 541.095 0 541.095
Samtals 382.256.555 345.727.254 727.983.809 218.804.702 509.486.098
Tafla unnin upp úr nýútgefnu svari sjávarútvegsráðherra til Kristjáns Möllers (þingskjal númer 454) þar sem tölur útgerða í
sveitarfélögum á Vesturlandi eru dregnar fram.
Vestlenskar útgerðir áttu að greiða 728 milljónir króna í veiðigjöld af afla á
síðasta ári en greiddu 509 milljónir þegar upp varð staðið.
Kristján Möller þingmaður Sam-
fylkingar spurði sjávarútvegráðherra
út í álagninu veiðigjalda og afslátt á
þeim.
Arnar Kristinsson á Kidda RE landaði fyrsta síldarfarminum úr Kolgrafafirði á
þessari vertíð í Grundarfirði á þriðjudagsmorgun. Ljósm. tfk.
Þessa mynd tók Símon Már Sturluson af skjá dýptarmælis Ronju SH þar sem hann
sigldi við Kiðey á mánudaginn. Rauði liturinn er síldartorfa.