Skessuhorn - 12.11.2014, Blaðsíða 22

22 MIÐVIKUDAGUR 12. NÓVEMBER 2014
Fórst þú á viðburð
á Vökudögum?
Spurning
vikunnar
(Spurt á Akranesi)
Guðmundur Sigurðsson:
Já, ég byrjaði á því að fara á Vita-
kaffi og skoða sýningu bæjar-
listamanna, síðan fór ég á ljós-
myndasýningu Vitans. Ég fór
líka á sýninguna í Sementsverk-
smiðjunni og svo í Tónberg á
tónleika þar sem Kór Akranes-
kirkju og Sigríður Thorlacius
fluttu lög Tómasar R. Einars-
sonar.
Benedikt Erlingur Guðmundsson:
Nei, en ég fór til Reykjavíkur og sá
óperuna Don Carlo.
Helga Jóna Ársælsdóttir:
Já, ég fór á Þjóðahátíðina og líka
á sýninguna á Höfða.
Þorgerður Benónýsdóttir:
Nei, ég gerði það ekki.
Þór Reynisson:
Nei, ég var ekki á staðnum. Ég
var í sveitinni á þessum tíma.
Uppskeruhátíð Golfklúbbs Borg-
arness var haldin í bækistöðvum
klúbbsins í gamla sláturhúsinu í
Brákarey sl. miðvikudag. Þar hef-
ur Golfklúbbur Borgarness komið
upp mjög góðri félags- og æfinga-
aðstöðu, trúlega einni þeirri bestu
á landsbyggðinni. Á uppskeruhátíð-
inni undirrituðu meðal annars tveir
efnilegir kylfingar afrekssamninga
við Golfklúbb Borgarness, þeir Ant-
on Elí Einarsson og Stefán Fannar
Haraldsson. Við undirskrift samn-
inganna sagði Guðmundur Daní-
elsson, formaður unglinganefnd-
ar klúbbsins, að vonandi liði ekki á
löngu þar til fleiri samningar yrðu
undirritaðir við efnilega kylfinga.
Með þeim væri ætlunin að hvetja
þá og hjálpa til að gera golf að sinni
afreksíþrótt. Haraldur Már Stef-
ánsson framkvæmdastjóri Golf-
klúbbs Borgarness og unglinga-
þjálfari segir að með afrekssamn-
ingum sé golfklúbburinn að marka
stefnu að verða fyrirmyndaríþrótta-
félag sem styður sitt afreksfólk og
hvetur. Haraldur sagði í samtali við
Skessuhorn að um tuttugu börn og
unglingar iðkuðu golf í Borgar-
nesi. Um helmingur þess hóps æfði
mjög vel með það að markmiði að
ná langt í íþróttinni.
Á uppskeruhátíðina var m.a.
mættur Úlfar Jónsson landsliðs-
þjálfari og margfaldur Íslandsmeist-
ari í golfi. Úlfar og Bjarki Pétursson
Borgnesingur og einn besti kylfing-
ur á landinu í dag fluttu fræðsluer-
indi þar sem þeir sögðu frá sínum
ferli og því mikilvægasta sem ung-
ir kylfingar þurfa að huga að. Bæði
erindin voru mjög fræðandi og án
efa kærkomin fyrir áhugasama unga
kylfinga í Golfklúbbi Borgarness.
Grunntónninn hjá báðum fyrir-
lesurunum var að æfingin skapar
meistarann og stuðningur frá for-
eldrum og klúbbnum skiptir gríð-
arlega miklu máli. Markmið, trú og
vilji var meðal þess sem Úlfar Jóns-
son lagði áherslu á í sínu erindi. Í
lok uppskeruhátíðarinnar var stutt
æfing og pizzuveisla.
Bjarki stefnir á
atvinnumennsku
Bjarki Pétursson hefur sett stefnuna
á atvinnumennsku. Hann á að baki
mjög gott sumar í golfinu, stóð sig
vel bæði á mótum hér heima og er-
lendis en hann er í karlalandsliðinu
í golfi. Bjarki varð annar í heildina
á Eimskipsmótaröðinni í sumar og
er sem stendur annar í röð íslenskra
karlkylfinga á heimslista áhuga-
manna. Nýlega barst Bjarka boð
um að koma til Þýskalands og æfa
og spila með golfklúbbnum Wann-
see í Berlín. Bjarki sagði í samtali
við Skessuhorn hafa mikinn áhuga
fyrir því að fara til Þýskalands og
yrði það góður undirbúningur fyr-
ir að fara í háskólagolfið og nám í
Bandaríkjunum næsta haust. „Ég
fer í febrúar til Berlínar og verð þar
í mánuð til að byrja með að kíkja á
aðstæður. Síðan reikna ég með að
flytja út næsta vor ásamt kærust-
unni minni. Það er síðan ákveðið að
ég fari í háskóla næsta haust í Ohio
í Bandaríkjunum ásamt félaga mín-
um og stórkylfingnum Gísla Svein-
bergssyni í GK,“ segir Bjarki. Hann
býst við að spila lítið á mótum hér
á landi næsta árið. „Ég stefni þó á
að koma heim og spila á einhverj-
um mótum fyrir klúbbinn og með
landsliðinu,“ segir Bjarki. þá
Ungir kylfingar undirrituðu afrekssamninga
á uppskeruhátíð GB
Hausthátíðinni Vökudögum á Akra-
nesi lauk síðastliðinn sunnudag eftir
fjölbreytta dagskrá í tíu daga. Óhætt
er að segja að margt hafi verið að sjá
og heyra á hátíðinni enda var úr-
val afþreyingar og listar í boði og
hátíðin því vel sótt af bæjarbúum.
Ljósmyndarar Skessuhorns sóttu
marga af þeim viðburðum sem fóru
fram á þessum tíu dögum, líkt og
sjá mátti í síðasta tölublaði Skessu-
horns. Í liðinni viku hélt menning-
arveislan áfram með ýmsum við-
burðum. Bókasafn Akraness fagnaði
150 ára afmæli og ýmsir tónleikar
voru haldnir ásamt fleiru. Um síð-
ustu helgi var sýnd leiksýning í Bíó-
höllinni, haldið eldsmíðanámskeið í
Smiðjunni í Görðum og Þjóðahátíð
Vesturlands fór fram í Íþróttahús-
inu við Vesturgötu. Hér má sjá svip-
myndir frá nokkrum viðburðanna
sem fram fóru í vikunni sem leið.
grþ/ Ljósm. ki.
Hópurinn sem var samankominn á uppskeruhátíðinni.Guðmundur Daníelsson handsalar afrekssamninga við þá Anton Elí Einarsson og
Stefán Fannar Haraldsson.
Bjarki Pétursson flutti fræðsluerindi sem og Úlfar Jónsson landsliðsþjálfari.
Uppskeruhátíðin endaði með æfingu
í góðri æfingaaðstöðu í gamla slátur-
húsinu.
Dagskrá Vökudaga lokið
Eldsmiður að störfum í Smiðjunni að
Görðum.
Fjölmenni var á fölskyldusöngstund sem haldin var í bókasafninu síðastliðinn
föstudag.
Regína Ásvaldsdóttir bæjarstjóri á
Akranesi færði Halldóru Jónsdóttur,
forstöðumanni Bókasafns Akraness,
afmælisgjöf frá Akraneskaupstað í
tilefni 150 ára afmælis bókasafnsins 6.
nóvember síðastliðinn.
Dansarinn Manora dansar tælenskan
dans á Þjóðahátíð Vesturlands.
Trommarinn Paul Ramses frá Kenýa
kom fram á Þjóðahátíð Vesturlands.
Sýningin „Breiðin okkar“ var opnuð síðasta laugardag í Akranesvita. Þar eru sýnd
verk frá elstu deildum leikskólanna á Akranesi eftir heimsókn þeirra á Breiðina.
Sýningin verður í vitanum fram á haust 2015.