Skessuhorn - 12.11.2014, Blaðsíða 20
20 MIÐVIKUDAGUR 12. NÓVEMBER 2014
Ákveðið hefur verið
að loka tjaldsvæðinu
í Fossatúni. Svæðið var opnað árið
2005 með áherslu á rafvæðingu, af-
þreyingarmöguleika og góðan að-
búnað - fyrsta fimm stjörnu tjald-
svæði landsins. Reksturinn hefur
gengið ágætlega öll árin auk þess
sem umhverfið er orðið gróið og
skjólgott. Það virðist því skjóta
skökku við að hætta rekstrinum.
Ákvörðunin snýst um þær sam-
keppnisaðstæður sem ríkja á rekstri
tjaldsvæða á Íslandi og framtíð-
arhorfur. Það gilda tvenns kon-
ar leikreglur: Annarsvegar fyrir
einkaaðila sem þurfa að afla tekna
til að láta reksturinn ganga upp og
greiða sinn skatt af hagnaði. Hins-
vegar fyrir ríkið og sveitafélög,
sem niðurgreiða rekstur sinn með
skattpeningum og öðrum íviln-
unum. Þessir opinberu aðilar eru
markaðsráðandi og halda mark-
aðinum sem lágvöruverðsmarkaði
t.d. með þátttöku í Útilegukort-
inu og lágu gjaldi fyrir aðgengi og
þjónustu. Okkur í Fossatúni finnst
ekki forsvaranlegt að halda áfram
uppbyggingu og eflingu tjaldsvæð-
is okkar á grunni þessara ójöfnu
samkeppnisaðstæðna. Því höf-
um við ákveðið að einbeita okk-
ur að rekstri herbergjagistingar og
veitingahúss. Sá reksturhefur ver-
ið afar ánægjulegur, en ánægja er
mikilvægur þáttur þess að standa
vel að ferðaþjónustu. Brotthvarf
af vettvangi óeðlilegra og óásætt-
anlegra leikreglna og uppbygging
á grunni almennra samkeppnis-
reglna er því rökrétt niðurstaða.
Ákvörðunin hefur verið í far-
vatninu í nokkurn tíma. Erfitt
verður að horfa til ónotaðra fjár-
festinga og meina fólki aðgengi
að svæðinu eins og raunin verð-
ur næsta sumar. Að auki: missir
fyrir uppbyggingu ferðaþjónustu
á Vesturlandi þar sem við erum
virkir þátttakendur en þurfum nú
að stíga skref til baka. Koma tímar
koma ráð.
Við bundum vonir við að svo-
kallaðir fagaðilar myndu beita sér á
móti ójöfnum samkeppnisaðstæð-
um þessa kima ferðaþjónustunn-
ar. Því miður hafa Samtök ferða-
þjónustunnar daufheyrst þrátt fyr-
ir ábendingar og því hvíslað að
margir þar telji tjaldsvæðisrekstur
best kominn í höndum opinberra
aðila. Forstjóri Samkeppniseftir-
litsins réttlætti nýlegar aðgerð-
ir gagnvart MS og sagði: „Það er
einfaldlega þannig að eitt af hlut-
verkum Samkeppniseftirlitsins,
samkvæmt samkeppnislögum, er
að benda stjórnvöldum á leiðir til
þess að gera samkeppni virkari og
auðvelda aðgang nýrra samkeppn-
isaðila að markaði, eins og það er
orðað í 8. grein laganna.“ Gott og
vel. En þetta á ekki við um oln-
bogabarn ferðaþjónustunna, tjald-
svæðisrekstur.
Afstaða Sambands íslenskra
sveitafélaga er furðuleg. Formað-
urinn Halldór Halldórsson skrif-
aði pistil fyrir ári síðan undir fyrir-
sögnininni: „Hærra hlutfall tekna
ferðaþjónustu á Íslandi þarf að
renna til sveitafélaga.“ Kanntu
annan? Á sem sagt að umbuna
sveitafélögum fyrir að stunda nið-
urgreiðslur á ferðaþjónustustarfs-
semi? Framferði sem dregur til
landsins erlenda ferðamenn drekk-
hlaðna vistum og varningi og skilja
varla nokkuð eftir nema skítinn úr
sjálfum sér. Það er ekki skrítið þó
tekjur af meðaltals erlenda ferða-
manninum hafi minnkað síðustu
ár.
Hvort heldur ræður: ákveð-
in stefnumótun eða sinnuleysi, þá
er ljóst að áframhaldandi þróun á
þessu sviði mun leiða til þess að
einstaklingar geta eingöngu stund-
að tjaldsvæðisrekstur með algjörri
lágmarksþjónustu eða alls ekki. Er
ekki tímabært að þeir sem eiga að
sjá um að varða veginn til framtíð-
ar ferðaþjónustu, horfi til heildar-
innar og kveiki á framljósunum?
Steinar Berg, ferðaþjónustubóndi
í Fossatúni
Vörur og þjónusta
PARKETLIST
PARKETSLÍPUN
OG LÖKKUN
Sigurbjörn Grétarsson
GSM 699 7566
parketlist@simnet.is
R E S T A U R A N T
Upplýsingar í síma: 430 6767
R E S T A U R A N T
Upplýsingar í síma: 430 6767
SK
ES
SU
H
O
R
N
2
01
4
Hönnun prentgripa
& alhliða prentþjónusta
Drei bréf - Boðsbréf
Ritgerðir - Skýrslur
Reikningar - Eyðublöð
Umslög - Bréfsefni
Fjölritunar- og
útgáfuþjónustan
Getum við
aðstoðað þig?
sími: 437 2360
olgeirhelgi@islandia.is
Bíldshöfða 12 • Reykjavík • 587 6688 • www.fanntofell.is
fanntofell@fanntofell.is • facebook.com/fanntófell-ehf
BORÐPLÖTUR - SÓLBEKKIR
Framleiðum eftir óskum hvers og eins
Mikið úrval efna, áferða og lita
SK
ES
SU
H
O
R
N
2
01
4
Vélabær ehf.
Bæ í Bæjarsveit
Alhliða viðgerðarþjónusta
á bílum, dráttarvélum
og vélum tengdum
landbúnaði
Smur og hjólbarðaþjónusta
velabaer@vesturland.is
S
K
E
S
S
U
H
O
R
N
2
01
3
Pennagrein
Lok, lok og læs
Baráttudagur gegn einelti um liðna helgi
Laugardagurinn 8. nóvember var
helgaður baráttunni gegn einelti
í samfélaginu. Dagurinn var hins
vegar haldinn hátíðlegur víða í
skólum landsins á föstudag, til að
skólafólkið gæti nýtt virkan dag
hjá sér til að huga að málefninu. Á
skólalóð Brekkubæjarskóla á Akra-
nesi hittust nemendur skólans og
nemendur leikskólans Teigasels og
trommuðu í sjö mínútur. Eina mín-
útu fyrir hvern dag vikunnar án ein-
eltis. Þá horfðu nemendur Brekku-
bæjarskóla einnig á forvarnastutt-
myndina Stattu með þér!, sýnd var
leiksýning og nemendur í unglinga-
deild hlýddu á fyrirlestur sem teng-
ist málefninu.
Markmið með baráttudeginum
gegn einelti er að vekja sérstaka at-
hygli á málefninu og hversu alvar-
legt einelti er. Í tengslum við daginn
2011 undirrituðu fulltrúar stjórn-
valda, sveitarfélaga, félagasamtaka
og opinberra stofnana þjóðarsátt-
mála gegn einelti og lýstu þar með
vilja sínum til að leggja málefninu
lið. Sáttmálinn er því grunnur að
frekari vinnu þeirra sem undirrit-
uðu hann í Höfða 2011. Baráttu-
dagurinn gegn einelti var því hald-
inn hátíðlegur í fjórða sinn í ár.
grþ
Þessi unga stúlka í Brekkubæjarskóla sló einbeitt taktinn
gegn einelti á leikafangatrommuna sína á skólalóðinni á
föstudaginn.
Allir nemendur Brekkubæjarskóla og leikskólans Teigasels
söfnuðust saman og trommuðu í sjö mínútur.
Jólin nálgast í verslunum Vestlendinga
Tíminn líður hratt. Nú eru rétt
um sex vikur til jóla og jólaversl-
unin er því að fara af stað. Nokkr-
ar verslanir á Akranesi höfðu opið
lengur eitt kvöld í síðustu viku þar
sem viðskiptavinir áttu kost á að
gera góð kaup. Þar á meðal voru
verslanirnar Blómaval/Húsasmiðj-
an og Módel. Hjá Blómavali og
Húsasmiðjunni var árlegt Konu-
kvöld á meðan Módel bauð upp á
sitt árlega Kúnnakvöld. Troðfullt
var útúr dyrum hjá báðum versl-
unum.
mþh
Tveir hressir jólasveinar sáust í Húsasmiðjunni á Akranesi.
Ljósm. ki.
Viðskiptavinir skoða úrvalið hjá Módel á Akranesi.
Ljósm. ki.
Skottsala í Grundarfirði
Veitingastaðurinn RúBen og versl-
unin Blossi í Grundarfirði stóðu fyrir
svokallaðri skottsölu síðasta fimmtu-
dag. Þá bauðs fólki að koma með nýj-
an og notaðan varning og selja. Upp-
átækið heppnaðist bærilega og var
mikið úrval af allskyns fatn-
aði og öðrum varningi. Einn-
ig voru RúBen og Blossi með
ýmis kræsileg tilboð í tilefni af
skottsölunni.
tfk