Fjarðarpósturinn - 18.12.2014, Blaðsíða 25

www.fjardarposturinn.is 25FJARÐARPÓSTURINN | FIMMTUDAGUR 18. DESEMBER 2014
Ágætu Hafnfirðingar.
Nú er árið 2014 að líða undir lok
og þá er ekki úr vegi að þakka bæj­
ar búum fyrir dyggan stuðning á
árinu.
Árið 2014 hefur verið gríðarlega
viðburðaríkt hjá Björgunarsveit
Hafn arfjarðar. Um síðustu áramót
fluttum við í nýtt húsnæði að Hval­
eyrarbraut 32. Þar hefur Björgunar­
sveit Hafnarfjarðar reist glæsilega
björgunarmiðstöð sem hlaut nafnið
Klettur. Nú er öll okkar starfsemi
undir einu þaki sem er mjög
hagkvæmt fyrir okkur en það hefur
ekki verið síðan Hjálparsveit skáta í
Hafnarfirði og Björgunarsveit
Fiska kletts sameinuðust árið 2000.
Formleg vígsla hússins fór fram
þann 17. maí síðastliðinn að við­
stöddu fjölmenni. Dagurinn heppn­
aðist mjög vel og margir bæjarbúar
þáðu boð um að koma og skoða
hús ið okkar.
Starfsemi björgunarsveitarinnar
á þessu ári hefur farið í að koma
okkur vel fyrir í nýju húsnæði og
sinna auk þess öllum okkar hefð­
bundnu verkefnum. Það eru þjón­
ustuverkefni af ýmsu tagi auk
útkalla sem koma allan ársins hring
á öllum tímum sólarhringsins.
Við sinntum Hálendisvakt í júlí á
Sprengisandi, þar sem 18 félagar
sveitarinnar voru til taks í viku fyrir
ferðamenn á hálendinu. Hálendis­
vaktin er líka tækifæri fyrir okkar
fólk til að kynnast hálendinu auk
þess að sinna verkefnum og
út köllum.
15 einstaklingar luku nýliða­
þjálfun í apríl og skrifuðu undir
eið staf sveitarinnar, þeir teljast nú
fullgildir félagar. Þetta eru öflugir
og dugmiklir einstaklingar sem
koma inn í starfið hjá okkur af full­
um krafti.
Útköll á árinu hafa verið ansi
mörg og fer fjölgandi með ári
hverju. Hafnfirðingar hafa fengið
að njóta þjónustu okkar nú í byrjun
desember á áþreifanlegan hátt í
óveðurskaflanum sem gengið hefur
yfir landið. Í þessum útköllum
höfum við verið með alla bíla og
tæki í verkefnum í Hafn ar firði sem
og nágranna sveitarfélögum. Það er
fjölbreyttur hópur björgunarfólks
sem sinnir starfinu í sjálfboðavinnu
og er tilbúinn til að koma ykkur til
aðstoðar hvenær sem er sólarhrings­
ins allt árið. Við sinnum verkefnum
um allt land ef svo ber undir, á
þessu ári hefur Björgunarsveit
Hafn arfjarðar sinnt leitum að fólki
bæði við Látrabjarg á Vestfjörðum
og í Bleiksárgljúfri í Fljótshlíð. Þess
má geta að í leitinni í Bleiksárgljúfri
í sumar átti Björgunarsveit Hafnar­
fjarðar fjölmennasta hóp leitar­
manna frá einni sveit sem komu að
þeirri aðgerð.
En starfið snýst ekki bara um
útköll. Undir merkjum Björgunar­
sveitar Hafnarfjarðar starfar Ungl­
inga deildin Björgúlfur þar sem
14­17 ára unglingar eru í þjálfun
sem björgunarfólk framtíðarinnar.
Þar fer fram frábært og uppbyggj­
andi starf sem er stýrt af hæfu fólki
úr röðum björgunarsveitarinnar.
Undir okkar merkjum starfa einnig
hópar eldri félaga sem hafa reynst
sveitinni ómetanlegir bakhjarlar í
uppbyggingu húsnæðisins sem og í
öðru starfi.
Að reka björgunarsveit er kostn­
að ar samt og nú fer í hönd mikil­
vægasti fjáröflunartími okkar. Jóla­
trjáasala sem og flugeldasala eru
okkar mikilvægustu fjáraflanir.
Jóltrjáasalan okkar er í Hvals­
húsinu við Reykjavíkurveg 48 eins
og undanfarin ár. Við tökum vel á
móti ykkur og þar er kaffi, kakó og
piparkökur á boðstólnum á meðan
fólk velur sér tré.
Bæði jólatrén og flugeldarnir eru
forsenda þess að halda úti öflugu
björgunarstarfi í Hafnarfirði. Sölu­
staðir flugelda opna sunnudaginn
28. desember og verða í húsinu
okkar að Hvaleyrarbraut 32, við
Hvalshúsið Reykjavíkurvegi 48 og
við Tjarnarvelli.
Kæru bæjarbúar, um leið og við
þökkum ykkur fyrir ómetanlegan
stuðning í gegnum árin, þá bjóðum
við ykkur velkomna á sölustaði
okkar, hvort sem er til að versla
jólatré eða flugelda og leitum til
ykkar eftir áframhaldandi stuðningi
svo hægt sé að halda áfram
kraftmiklu björgunarstarfi í
Hafnarfirði.
Með ósk um gleðilega hátíð,
slysalaus áramót og gæfuríkt
komandi ár.
Vigdís Björk Agnarsdóttir,
formaður Björgunarsveitar
Hafnarfjarðar.
Flugeldasala:
• Hvaleyrarbraut 32 (innst á Lónsbraut)
• Við Hvalshaúsið, Reykjavíkurvegi 48
• Við Tjarnarvelli
OPIÐ:
Sunnudaginn 28. desember ................ kl. 12 ­ 22
Mánudaginn 29. desember ................ kl. 10 ­ 22
Þriðjudaginn 30. desember ................. kl. 10 ­ 20
Gamlársdag .......................................... kl. 09 ­ 16
Flugeldasala
björgunarsveitarinnar
er lífæð starfsins
– Bæjarbúar! Leggjum okkar
skerf af mörkum.
Hvar kaupir
þú flugelda?
Þakkað fyrir
stuðninginn
Stærsta flugeldasala Íslands verður í nýju
björgunarmiðstöðinni - aðkoma frá Lónsbraut.
Jólatrjáasalan
er opin:
Virka daga ..........kl. 13­21.30
Helgar .................kl. 10­21.30
Lj
ós
m
.:
G
uð
ni
G
ís
la
so
n