Fjarðarpósturinn - 18.12.2014, Blaðsíða 4

4 www.fjardarposturinn.is FJARÐARPÓSTURINN | FIMMTUDAGUR 18. DESEMBER 2014
Hafa misst leikskólapláss
vegna skuldar
Ríkur vilji til að semja um vangoldnar skuldir
Það heyrir til undantekninga
að foreldar missi leikskólaplássin
vegna skuldar en því miður þá
kemur það fyrir þar sem
viðkomandi forráðamenn hafa
ekki samið eða gert upp skuldina.
Þetta kom fram í svari við
fyrirspurn sem lögð var fram á
fundi fræðsluráðs þann 15.
desember sl. um það hvort og þá
hversu mörg börn í Hafnarfirði
njóti ekki leikskóla vistar eða
dvalar á frístunda heimili vegna
vangoldinna vist unar gjalda. Í
þetta sinn var svar sent út degi
eftir fyrirspurnina en ekki beðið
eftir næsta fundi fræðsluráðs.
Samkvæmt verkferlum vegna
innheimtu hjá Hafnarfjarðarbæ
sem fram koma í samningi um
leikskólagjöld sem finna má á
heimasíðu bæjarins undir leik­
skólar segir að ef tveir gjald dagar
eru ógreiddir fer af stað upps­
agnarbréf vegna vangold inna
skulda. Langflestir bregðast þá
strax við og ganga frá eða semja
um skuldina. Ef ekkert er gert
missa viðkomandi forráða menn
leikskólaplássið.
Þegar uppsagnarbréfið er sent
út er leitað til Fjölskyldu þjón­
ustunnar sem fer yfir hvort að
það sé ástæða til að stíga inn með
einhverjum hætti. Sama verklag
er viðhaft hvað varðar frístunda­
heimilin.
Það hefur verið unnið eftir
þessu fyrirkomulagi í meira en
áratug – engar breytingar hafa
verið gerðar frá því sem verið
hefur.
Öll eigum við okkar minningar
tengdar jólum og jólahaldi. Minningar
sem við tökum áfram með okkur út í
lífið, hefðir sem við gerum að okkar og
blöndum saman við jólahefðir annarra
sem við eigum samleið með í lífinu,
hefðir sem margar hverjar lifa kynslóð
fram af kynslóð.
Sömu smákökurnar sem alltaf eru
bakaðar fyrir hver jól, malt og
appelsínið, hangikjötið og rauðkálið,
rjúpurnar, jólatréð, pakkarnir og
jólakortin sem lesin eru yfir kaffi­
bollanum á aðfangadagskvöld allt
þetta, og meira til, ómissandi hluti af
jólahefðunum. En það sem mestu máli
skiptir er samveran með fjöl skyldunni
og vinum.
Í mínum huga eru jólin tími til að
staldra við og njóta samvista með
mínum nánustu. Tíminn hefur þá
tilhneigingu til að týnast og þegar
maður eldist þá er ekki síst notalegt að
fá tækifæri til að upplifa jólin í gegnum
barnslega gleði barnanna í
fjölskyldunni.
Jólunum fylgir ljós i margþættri
merkingu, ljós sem færir birtu inn í líf
okkar og ljós sem lýsa upp umhverfið
okkar. Aðventan er tími útaf fyrir sig,
tími þar sem við kveikjum ljós í trjám
og gluggum, ljós sem lýsa upp skamm­
degið og um leið færa þau okk ur
vonandi birtu og frið.
Á aðventunni árið 1904 var í fyrsta
skipti kveikt á rafmagnsljósum í
nokkrum húsum hér í Hafnarfirði
þegar fyrsta almenningsrafveitan var
sett af stað þann 12. desember það ár,
af þúsundþjalasmiðnum Jóhannesi
Reyk dal. Dagur sem markaði þáttaskil
ekki bara í sögu bæjarins heldur í sögu
þjóðarinnar. Ljósin vöktu mikla athygli
og Jóhannes annaði ekki eftirspurn
eftir þeim og tveimur árum seinna
hafði hann reist nýja rafstöð ofar í
læknum, upp við Hörðuvelli, rafstöð
sem gat séð öllum bænum fyrir ljósum.
Það er því vel við hæfi, nú þegar það
eru ljós í hverjum glugga, að minn ast
þessa tíma þar sem ljósin þóttu ekki
eins sjálfssögð og þau eru í dag og um
leið að minnast þeirra sem fallnir eru
frá.
Við skulum líka muna að jólin geta
verið mörgum erfið af margvíslegum
ástæðum. Kvíði og sorg skyggir á
ljósið og mikilvægt er að huga vel að
þeim sem eru í kringum mann og þegar
vel er leitað er alltaf hægt að finna
eitthvað til að þakka fyrir.
Og það er tími til að þakka. Vil ég
þakka ykkur fyrir hve vel hefur verið
tekið á móti mér hér í Hafnarfirði,
þakka fyrir að hafa fengið tækifæri til
að taka þátt í þessu öfluga og kraftmikla
samfélagi sem Hafnar fjarðarbær er.
Það er búið að vera mjög skemmti­
legt að upplifa aðventuna hér í
Hafnarfirði og fá tækifæri til að taka
þátt í að tendra ljós á vinabæjartrjánum
okkar og upplifa þá gleði sem
jólaþorpið okkar færir bæjarbúum en
þorpið er orðið æ stærri þáttur á
aðventunni bæði fyrir Hafnfirðinga
sjálfa og gesti þeirra.
Þorpið gegnir líka mikilvægu
hlutverki í undirbúningi jólanna, skap­
ar skemmtilega og jákvæða umgjörð
um miðbæinn, verslun og þjónustu og
um leið styrkir það ímynd okkar sem
Jólabærinn Hafnarfjörður.
Jólabærinn sem einu sinn lét jólin
fram hjá sér fara. Sagan, sem margir
Hafnfirðingar þekkja sem Jólin sem
hurfu Hafnfirðingum segir frá því
þegar jólahald bæjarbúa fór úr skorðum
jólin 1901. Rétt áður en kirkju klukk­
urnar hringdu inn jólin í Garðakirkju,
sem þá var sóknarkirkja Hafnfirðinga,
kom laskað saltskip inn í höfnina og
kastaði þar akkerum. Klukkan sex á
jóladagsmorgun voru menn mættir til
að bjarga dýrmætum farminum og var
unnið sleitulaust báða jóladagana.
Síðan þá hafa jólin 1901 verið í
minningunni, jólaminningunni, falleg
jólasaga um jólin sem hurfu Hafn­
firðingum.
Að lokum langar mig til að óska
ykkur öllum gleðilegra jóla og
farsældar á nýju ári. Kærar þakkir fyrir
samstarfið á árinu sem er að líða.
Haraldur L. Haraldsson.
Tími til að staldra við
Haraldur L. Haraldsson, bæjarstjóri Hafnarfjarðar
SKÖTUVEISLA
Hin árlega skötuveisla verður haldin í golfskála Keilis
23.des 2014 til styrktar unglinga- og afreksstarfi.
Boðið verður upp á hádegismat í tveimur hópum kl.11:30
og kl.12:30. Vinsamlegast takið fram við bókun hvora
tímasetninguna er óskað eftir.
Á boðstólnum er kæst skata fyrir byrjendur og lengra
komna, saltfiskur og allt sem þarf til að koma þér í
Húsið er opið öllum meðan húsrúm leyfir.
Miðaverð 3.200 kr.
Vinsamlegast bókið tíma í síma Hraunkots 565 33 61
eða á hraunkot@keilir.is
Gleðileg Jól
unglinga- og afreksstarf Keilis.
KEILIS Á ÞORLÁKSMESSU
Vil ég þakka ykkur fyrir hve
vel hefur verið tekið á móti
mér hér í Hafnarfirði,
þakka fyrir að hafa fengið
tækifæri til að taka þátt í
þessu öfluga og kraftmikla
samfélagi sem
Hafnarfjarðarbær er.
Á göngustíg
Ökumaður þessa bíls gat ekki
beðið lengur og ók eftir
göngustíg í undirgöng við
Öldugötu. Á myndinni má sjá
hann munda kaðla en hann
hugðist draga frá stólpa sem
hindra eiga slíka umferð.