Þjóðlíf - 01.11.1986, Page 40

syngja gospel (trúartónlist svertingja)
í kirkju, en móðir hennar sér þar að
auki um tónlistina í kirkjunni þeirra,
New Hope baptistakirkjunni. 15 ára
var Whitney svo farin að syngja með
rnóður sinni á næturklúbbum, fyrst
bakrödd en síðar aðalrödd stöku
sinnurn. Gagnrýnandi sem var við-
staddur skemmtun þeirra mæðgna
árið 1982 skrifaði: „Hin 18 ára
Whitney syngur aðalrödd í tveim
lögum og hefur útlit, rödd og stíl sem
minnir á Lenu Horne þegar hún var á
sama aldri. Efni í stjörnu." (Lena var
svört söng- og leikkona á Hollywood-
árunum um 1950. Á henni bitnaði
óspart kynþáttamismunun sem var
mikil á þeim bæ og víðar á þeim
árum. Mátti hún sjá á bak hlut-
verkum sem henni hafði jafnvel verið
lofað í hendur hvítra leikkvenna, sem
Lena stóð ekki að baki, hvorki hvað
varðaði hæfileika eða útlit.)
Þrátt fyrir góða dóma sneri Whit-
ney Houston sér ekki að söngnum.
Hún gerðist fyrirsæta, varð eftirsótt í
því starfi, og hafa birst myndir af
henni utan á og inni í blöðum eins og
Glamour, Seventeen, Young Miss og
Cosmopolitan. Þó greip hún í að
syngja bakraddir af og til á hljóm-
plötur, t.d. með Lou Rawles, Chöku
Khan, Neville Brothers, Paul Jabara
(aðalrödd í laginu Eternal Love á
plötu hans), Teddy Pendergrass og
Jermaine Jackson. Það var einmitt
þessi aukaiðja hennar sem svo
heillaði Clive Davis, forseta Arista-
fyrirtækisins, að hann bauð henni
samning og fyrirframlaun ekki lág á
meðan hún vann að fyrstu sólóplötu-
nni. Þetta var árið 1984, og platan
kom út árið 1985 á Valentínusardegi.
Ári síðar var hún orðin söluhæst sem
fyrsta sólóplata listamanns og sú sölu-
hæsta jafnframt sem svört kona hefur
sent frá sér — hefur selst í u.þ.b. tíu
miljónum eintaka á heimsvísu. Þá
hafa þrjú laga plötunnar komist í
efsta sæti vinsældalista í Bandaríkjun-
um: How will I know, Greatest love
of all og Saving all my love for you.
Hvort sem fólk er hrifið eður ei af
þeirri tónlist sem Whitney Houston
flytur á sinni fyrstu plötu, svona
blöndu af sálar- og popptónlist, þá
getur enginn neitað því að hér er
kona á ferð með óvenju góða og
mikla söngrödd og jafnframt örugga
raddbeitingu, þrátt fyrir ungan aldur.
Og þetta hefur stórblaðið The New
York Times að segja um framtíðar-
möguleika Whitneyjar Houston:
„Maður hefur á tilfinningunni að
fyrsta plata hennar rétt nái að sýna
okkur yfirborðið á hæfileikum henn-
ar . . . Af öllum þeim sem hafa
sprottið fram á sviðið í poppinu það
sem af er þessum áratug og orðið
frægir á einni nóttu er Whitney Hou-
ston líklegust til að vera eins mikil
stjarna eftir tíu ár og hún er í dag“.
Þrátt fyrir miklar vinsældir og virð-
ingu sem Whitney Houston nýtur er
dálítið erfitt að afla sér persónulegra
upplýsinga um hana, a.m.k. hér uppi
á Islandi. Ekkert hefur undirrituð séð
af viðtölum við hana þrátt fyrir
nokkra leit og hefur því sitt „vit“ úr
glæsilegum bæklingi fengnum að láni
frá Skífunni, sem flytur inn plötur
hennar, og svo Pétri Steini Bylgju-
manni, sérlegum áhugamanni um
svokallaða „svarta tónlist". Ástæðan
fyrir litlum skrifum poppblaða um
Whitney Houston mun vera sú að
fjölskylda hennar, og ekki síst Di-
onne frænka hennar Warwick, vernd-
ar hana vel fyrir hinni hörðu og
þungu pressu sem frægðinni fylgir,
enda kunnug tónlistarbransanum og
öllu sem honum fylgir. Svo virðast
Whitney Houston með foreldrum
sínum.
fjölskyldubönd svartra í Bandaríkj-
unum vera bæði sterkari og nánari en
hinna hvítu. Þannig að það eina sem
kvað hafa birst í amerískum blöðum
um þessa hæfileikaríku og fögru
stúlku er upplýsingar almerins eðlis
og örfá innihaldslítil „spjöll"; svo eru
það náttúrulega slúðurblöðin, sem
reyna að gera sér mat úr kynhneigð
stjörnunnar. Það er því ekki hægt að
segja að Whitney Houston hafi verið
auglýst til frægðar með æsingi — hún
er einfaldlega frábær söngkona og
maður hlakkar svo sannarlega til að
heyra hvað hún hefur að syngja á
næstu plötu, sem er nú í bígerð.
Að lokum get ég ekki stillt mig um
að sá stolti-fyllti texti Greatest love of
all komi fyrir augu lesenda blaðsins
- gott veganesti þeim sem vilja
gjarna treysta á sjálfa sig: „Ég hef
ákveðið að hvort sem mér gengur vel
eða mistekst lifi ég þá a.m.k. eftir
eigin sannfæringu, hvað sem kann að
verða tekið frá mér þá getur enginn
rænt mig sjálfsvirðingunni . . .“:
Greatest love of all
I believe the children are our future,
teach them well and let them lead the
way,
show them all the beauty they possess
inside,
give them a sense of pride to make it
easier,
let the children's laughter remind us
how we used to be.
Everybody is searching for a hero,
people need someone to look up to,
I never found anyone who fullfilled
my needs,
a lonely place to be and so I learned to
depend on me.
I decided long ago never to walk in
anyone's shadows,
if I fail, if 1 succeed,
at least I live as I believe,
no matter what they take from me,
they can‘t take away my dignity,
because the greatest love of all is
happening to me,
I found the greatest love of all inside
of me,
the greatest love of all,
is easy to achieve,
learning to love yourself
it is the greatest love of all. . .
And if by chance that special place,
that you've been dreaming of,
leads you to a lonely place,
find your strength in love.
(Lag: Michael Masse. Texti: Linda
Creed.)
40 ÞJÓÐLÍF