Þjóðlíf - 01.11.1986, Blaðsíða 53

Svik verkalýðs-
forystu
Ég hygg, að flestir lesendur geti
fallist á þá mynd af stöðu íslenskra
verkalýðsfélaga, sem hér hefur verið
dregin í grófum dráttum. Öðru máli
myndi hins vegar gegna ef spurt væri:
Hvernig stendur eiginlega á þessu?
Af hverju hefur verkalýðsfélögunum
ekki tekist á undanförnum árum að
verja hagsmuni launafólks? Ýmsar
skýringar yrðu þá hafðar uppi. Sumir
telja ástæðuna vera þá, að verkalýðs-
félögin séu ekki lengur hreyfing held-
ur stofnun. „Verkalýðsstofnunin"
hafi, rétt eins og aðrar stofnanir, af-
markað verksvið, hún sinni aðeins
þeim verkefnum sem henni hefur ver-
ið úthlutað. Innan stofnunarinnar
ríkir friður og ró og mestu máli
skiptir að vernda álit stofnunarinnar
gagnvart öðrum stofnunum á vinnu-
markaðnum: atvinnurekendasam-
tökum og ríkisvaldi. Að sjálfsögðu
tryggir stofnunin atvinnuöryggi eigin
starfsmanna og smátt og smátt mynd-
ast innra framgangskerfi. í forsvari
á