Vísbending - 23.12.2013, Blaðsíða 39

39
þór og Óðinn kynntir til leiks
Páli postula tókst ekki að boða forfeðrum okkar, germönskum
eða norrænum mönnum, kristna trú, því að þeir fluttu frá Anatólíu
til Norður-Evrópu áður en Páll og Jesús fæddust. Eins og Snorri
Sturluson segir frá í Eddu sinni fæddist Þór í Tróju í Tyrklandi, sonur
Mennons, konungs í Tróju og Tróar, dóttur Priamis Tyrkjakonungs.
Ekki getur Snorri þess hvenær Þór fæddist, en frá honum og Sif
konu hans, sem hann fann í Norðurálfu heims, telur Snorri 17 ættliði
í karllegg þar til Óðinn fæddist í Tyrklandi. Miðað við 25-30 ára
kynslóðabil eru um 500 ár milli Þórs og Óðins.
Hugsanlegt er að Óðinn og hans germanski þjóðflokkur hafi flúið
eða flutt frá Anatólíu þegar Rómverjar hertóku landið á tímabilinu um
70 f. Kr. þegar þeir komu til Anatólíu, eða 17 f. Kr. þegar þeir lögðu
undir sig Cappdociu, en samkvæmt því hefur Þór fæðst í Tróju um 500
árum fyrir Krist. Í fornum heimildum er getið um fjölda þjóðflokka
sem bjuggu í Anatólíu á þessum tíma. Erfitt er að greina hverjir þeirra
gætu verið germanskir eða norrænir. Ein elsta og fjölmennasta þjóðin
voru Hittítar sem sagðir eru hafa komið frá Kákasus ríðandi á hestum.
Cappadocia þýðir fallegur hestur - e.t.v. okkar „þarfasti þjónn“.
Auk þess voru þarna Hellenar (Grikkir), Makedóníumenn
(Alexander mikli), Assýriar, Phrygjar, Rómverjar og nokkrir aðrir.
Í frásögninni af tilurð Noregs og ættmönnum Haralds hárfagra í
Fornaldarsögum Norðurlanda er Óðinn talinn æðstur ása og konungur
Tyrklands, en Snorri segir í Eddu að æsir séu menn frá Asíu. Í
undir áttundu og neðstu hæðinni. Þarna var alltaf 16 til 18 stiga hiti.
Í þessum húsum voru vistarverur fyrir menn og búfé, bænahús og
allt tengt með göngum sem hægt var að loka með stórum, hjóllaga
steinum. Svæði þetta er nefnt Cappadocia, en flestar borgirnar eru í
dal sem nefndur er Göréme.
En af Páli postula er það að segja að honum varð vel ágengt að boða
kristna trú, ekki bara í Tyrklandi heldur í Grikklandi og víðar. Oft var
hann handtekinn af Rómverjum sem lögðu undir sig suðausturhluta
Tyrklands um 17 f. Kr. og sat í fangelsum og skrifaði þar sín frægu
bréf um boðskap Jesú sem finna er í Biblíunni. Trúin breiddist
út á ótrúlega skömmum tíma, uns hún var loks tekin upp á arma
Rómarveldis og síðar Vatíkansins. Tyrkir halda því fram að fyrsta
kristna kirkjan hafi verið reist þar í landi, en núverandi fjandmenn
þeirra og nágrannar, Armenar, telja sig hafa reist fyrstu kirkjuna.
Ég hef séð mjög forna kirkju í Armeníu sem er höggvin í berggrunn
inn í fjalli og sögð vera frá um 300 e. Kr. Aðeins lítil útihurð gefur til
kynna að eitthvað leynist inni í fjallinu.
Í stuttu máli: Jesús fæddist í því sem nú er kallað Palestína og
útbreiddi kærleiksboðskap sinn með lærisveinum sínum og vaxandi
fjölda áhangenda við mikla andúð flestra á þessum slóðum, bæði
Gyðinga og Rómverja. En kristin trú breiddist örast út í Tyrklandi og
frá Tyrklandi um nálæg lönd til austurs og vesturs. Eflaust má þakka
atorku og trúarlegum ákafa Páls postula hve öflug kristin trú varð í
Tyrklandi og breiddist ört út þaðan út.
Mannabústaðir í steinturnum í Cappadocia