Frjáls verslun - 01.11.2013, Blaðsíða 145

FRJÁLS VERSLUN 11. 2013 145
og innanbúðarmönn um stjórn­
valda við þetta verkefni. Eftir
lagfæringarn ar var gjörvöllu
landinu boðið í sjónvarps­
ferð um Hvíta húsið, þar sem
milljónir landsmanna horfðu á
klukkustundarlangan þátt um
endurgerð hússins.
Einfaldur og látlaus stíll
Jacqueline valdi sér ameríska
hönnuðinn Oleg Cassini sem
sinn aðalhönnuð en einnig hafði
h ún alla tíð mikinn áhuga á
hönnun Valentino, Givenchy og
Chanel. Haustið 1960 hannaði
Cassini fatnað forsetafrúarinn­
ar frá grunni og næstu þrjú
árin hannaði hann mörg af
þekkt ustu töum hennar eins
og ljósgulbrúnu kápuna og
samkvæmiskjólinn sem hún
klædd ist fyrir embættisvígslu
eigin manns síns.
Hún valdi einfaldleika í
klæða vali, með litlu skrauti, og
klædd ist yfirleitt fötum búnum
til úr óblönduðum litum. Þó að
hún hafi oft á tíðum klæðst föt ­
um með litlu skrauti eignaðist
hún á ferli sínum einstaka og
óviðjafnanlega skartgripi sem
urðu sumir hverjir táknmyndir
fyrir störf hennar sem forsetafrú
Bandaríkjanna.
Sumir tískusérfræðingar
hafa haft á orði að þessi stíll
hennar hafi meðal annars átt
þátt í því að hin almenna kona
átti auðvelt með að samsama
sig henni og líkja eftir. Vegna
hæðar sinnar var hún ávallt á
lágum hælum; hún vildi ekki
vera hærri en karlmenn sem
hún umgekkst.
Jacqueline var ein af mest
mynduðu konum heims á sjötta
og sjöunda áratug síðustu aldar
og hún hræddist það aldrei að
sniðganga sum af hinum þekktu
nöfnum hönn uða úr tískuheim ­
inum. Til að mynda var brúðar ­
kjóll hennar hannaður af fyrsta
hönnuði úr röðum blökku kvenna,
Ann Cole Lowe. Á þess um tíma
var algilt að evrópsk og frönsk
fatahönn un hefði mikil áhrif
yfir hafið til Bandaríkjanna en
vegna áhrifa forsetafrúarinnar
var stíll hennar tekinn upp í
Evrópu og um heim allan. Það
sem Jacqueline klæddist þurftu
konur um gjörvallan heim einnig
að eignast.
Barðalausir kvenhattar og
stórar tölur
Hún var mikill menningar­ og
listunnandi en var oft á tíðum
ósýnileg almenningi. Jacque­
line reyndi að komast hjá því
að stunda opinbera viðburði
og hún takmarkaði aðgengi
fréttamanna að sér og börn­
um sínum. Það var í gegnum
persónulegan stíl hennar sem
flestallir Bandaríkjamenn lærðu
að þekkja hana frekar en í
gegnum pólitísk verk. Hún varð
þekkt fyrir kringlóttu og barða­
lausu hattana sem hún bar oft,
dragtirnar með stóru tölunum
og „bouffant“­hárstílinn þar sem
hárið stóð upp frá höfði sem
þéttur koddi.
Fljótlega eftir að John F. Kenn­
edy settist í forsetastólinn varð
Jackie tískugoð milljóna kvenna
sem klæddust fötum eins og
forsetafrúin. Þannig var hún
óneitanlega tískufrömuður síns
tíma, sem heillaði alla í kringum
sig, ekki eingöngu fyrir fötin og
fylgihlutina sem hún bar, heldur
fyrir rólegt og yfirvegað fas sitt.
Hún var vel að sér í listum og
menningu og reiprennandi í
nokkrum tungumálum sem kom
vel í krefjandi embættisferðum.
Eftir árin í Hvíta húsinu breytt­
ist stíll Jacqueline mikið og urðu
víðar buxnadragtir, stórir jakkar
með kragahornum, silkihöfuð­
klútar og stór, kringlótt, dökk
sólgleraugu hennar nýi stíll.
Hún fór einnig að klæðast skær­
ari litum og fatnaði með mynstri
og átti það jafnvel til að klæðast
gallabuxum á almannafæri.
Hvítar buxur án beltis og rúllu­
kragapeysa sem dregin var yfir
mjaðmirnar var til að mynda
eitt af því sem hún gaf fordæmi
með og varð að vinsælli
tískufyrirmynd. Eftir að tímanum
sem forsetafrú lauk viðurkenndi
Jacqueline, nokkrum árum
síðar, að hún hefði ekki notið
allra áranna í Hvíta húsinu en
hún sinnti hlutverki sínu með
glæsibrag, virðuleika og stíl sem
Bandaríkja menn hafa virt hana
fyrir allar götur síðan.
Forseti Bandaríkjanna, John F. Kennedy var skotinn til bana í opinni
bif reið sinn í dallas 22. nóvember 1963, fyrir fimmtíu árum. Í umfjöll­
un ýmissa fjölmiðla um þennan atburð hefur verið rifjað upp hve
mikill tískufrömuður forsetafrúin, Jacqueline Kennedy, var á sínum.
Forsetahjónin Jacqueline og
John F. Kennedy.
Jacqueline var ein af mest
mynd uðu konum heims á sjötta
og sjöunda áratug síðustu aldar.
Hún hræddist aldrei að snið ­
ganga þekkt nöfn hönn uða
úr tískuheiminum. til að
mynda var brúðarkjóll hennar
hannaður af fyrsta hönnuði
úr röðum blökkukvenna, Ann
cole Lowe.
Hún varð þekkt fyrir
kringlóttu og barðalausu
hattana sem hún bar oft,
dragtirnar með stóru
tölunum og „bouffant“­
hárstílinn þar sem hárið
stóð upp frá höfði sem
þéttur koddi.