Víkurfréttir - 23.02.2012, Page 6

6 FIMMTUdagUrInn 23. FEBrúar 2012 • VÍKURFRÉTTIR
Tekið er á móti auglýsingum á póstfangið gunnar@vf.is. Auglýsingar
berist fyrir kl. 17 á þriðjudegi fyrir útgáfudag sem er almennt á
fimmtudögum. Móttaka smáauglýsinga fer fram á vef Víkurfrétta, vf.is.
Smáauglýsingar berist fyrir kl. 15 á þriðjudögum. Sé fimmtudagur
frídagur þá kemur blaðið út á miðvikudögum og þá færist skilafrestur
auglýsinga fram um einn sólarhring.
Efni til Víkurfrétta skal sendast á póstfangið vf@vf.is. Aðsendar greinar
birtast á vef Víkurfrétta, vf.is. Það er mat ritstjórnar hvaða aðsendu
greinar birtast í prentaðri útgáfu blaðsins. Ekki er greitt fyrir aðsent
efni, texta eða myndir, hvort sem það birtist í blaðinu eða á vefsíðum
Víkurfrétta.
Víkurfréttir ehf., kt. 710183-0319
Grundarvegi 23, 260 Njarðvík, sími 421 0000
Páll Ketilsson, sími 421 0007, pket@vf.is
Hilmar Bragi Bárðarson, sími 421 0002, hilmar@vf.is
Eyþór Sæmundsson, eythor@vf.is
Gunnar Einarsson, sími 421 0001, gunnar@vf.is
Víkurfréttir ehf.
Þórgunnur Sigurjónsdóttir, sími 421 0011, thorgunnur@vf.is
Þorsteinn Kristinsson, steini@vf.is, sími 421 0011
Rut Ragnarsdóttir, sími 421 0009, rut@vf.is
og Aldís Jónsdóttir, sími 421 0010, aldis@vf.is
Landsprent
9000 eintök.
Íslandspóstur
www.vf.is, m.vf.is og kylfingur.is
Útgefandi:
Afgreiðsla og ritstjórn:
Ritstjóri og ábm.:
Fréttastjóri:
Blaðamaður:
Auglýsingadeild:
Umbrot og hönnun:
Auglýsingagerð:
Afgreiðsla:
Prentvinnsla:
Upplag:
Dreifing:
Dagleg stafræn útgáfa:
Leiðari Víkurfrétta
PÁLL KETILSSON, RITSTJÓRI
Sigurður Ingimundarson, þjálfari körfuboltasigur-
liðs Keflavíkur og fyrrverandi leikmaður er fæddur
sigurvegari. Hann bætti við titli númer 34 sem þjálfari
liða Keflavíkur um síðustu helgi þegar Keflavík vann
Tindastól í Höllinni. Njarðvík vann svo í fyrsta sinn í
kvennaflokki. Okkar fólk heldur áfram að vera í framlínunni í
ritun körfuboltasögunnar.
En meira um Sigga sigurvegara. Bikarlyftingar hans hófust 30.
mars 1989 þegar hann var fyrirliði Keflvíkinga en þeir urðu þá
Íslandsmeistarar í körfu í fyrsta sinn á sögulegu tímabili. Þann
titil þökkuðu þeir þó mest bandarískum þjálfara sem kom með
nýtt og ferskt blóð inn í keflvískan körfubolta. Svo blóðþyrstur
þótti hann að okkar mönnum þótti nóg um og þeir ráku hann
en nýttu sér þó það sem hann hafði kennt þeim. Það dugði þeim
til áframhaldandi sigra á næstu árum og var upphafið að nýju
körfuboltastórveldi á Íslandi. Keflavík hefur síðan 1989 verið
sigursælasta félag í karla- og kvennaflokki í þessari íþrótt. Og
Siggi á stóran þátt í því. Karlarnir hafa unnið 21 titil og kon-
urnar 13 á þessum árum undir hans stjórn. Hann á að auki
fimm risatitla (Íslands- og bikarmeistaratitla) sem leikmaður.
Sigurður stendur því vel undir því að vera kallaður sigurvegari
með Íslandsmet í körfubolta-bikarlyftingum. Þegar hann lyfti
Íslandsbikarnum 1989 í fyrsta sinn, þá sem fyrirliði, hafði nafni
hans Valgeirsson (guðfaðir körfunnar í Keflavík) á orði við VF
að það hafi verið nettur fýlusvipur á Sigga Ingimundar. Var alla
vega ekki skælbrosandi. En af hverju er spurt? Jú, hann hafði
ekki fengið að leika nógu mikið í úrslitaleiknum og það var
hann ekki sáttur við þó svo titill hafi unnist. Keppnisskapið á
sínum stað og rúmlega það. Við sem höfum fylgst með úr blaða-
mannastúkunni könnumst við keppnisskap Sigga sigurvegara
því nokkrum sinnum hefur hann rokið út af velli og strunsað
inn í búningsklefa og neitað okkur um viðtal. Af hverju? Jú,
hann þolir ekki að tapa og ræður ekki við það. Dæmigert
fyrir fædda sigurvegara. Þetta gerði Tiger Woods t.d. á sínum
hápunkti sem kylfingur. Gaf skít í fjölmiðlamenn þegar hann
vann ekki risamótin en brosti svo sínu breiðasta og var til í viðtöl
þegar hann vann.
Þegar Siggi var ráðinn á ný til Keflavíkur sl. haust eftir að hafa
fengið reisupassann hjá Njarðvíkingum, (ótrúlegt en satt), þá
sögðu forráðamenn Keflavíkur að þeir vildu engan annan. Siggi
vissi hvernig ætti að sigra. Og þrátt fyrir nokkuð brösótta byrjun
í haust þá blés Siggi sigurvegari á allar hrakspár og stýrði liði
sínu til sigurs í Höllinni í næst stærsta móti tímabilsins. Það eina
sem truflar leiðarahöfund er sú staðreynd að Siggi hafði pantað
sér skíðaferð í sömu viku og bikarúrslitaleikurinn átti að fara
fram og þegar Keflavík komst í úrslitin þurfti hann eðlilega að
hætta við skíðamennsku í ítölsku Ölpunum. Ónefndur maður
fékk pláss þjálfarans í Ölpunum en átti erfitt með að skilja skipu-
lag Sigga í þessu máli. Hvernig gat hann pantað sér skíðaferð í
bikarúrslitaviku? Enginn íslenskur þjálfari hefur átt þetta sæti
frátekið oftar undanfarna þrjá áratugi en Sigurður Ingimundar-
son. Ætli Siggi hafi hreinlega gleymt þeirri staðreynd þegar
hann pantaði skíðaferðina? Hvað um það. Til hamingju Siggi
sigurvegari og Keflvíkingar með enn einn risatitilinn.
vf.is
Ekki er vika án Víkurfrétta - sem koma næst út fimmtudaginn 1. mars 2012. Bókið auglýsingar í síma 421 0001 eða gunnar@vf.is
Siggi sigurvegari
Mikið var um dýrðir á opnu húsi í Myllubakkaskóla sl.
föstudag, en þá var þess minnst að
60 ár eru liðin frá því að skólinn
var fyrst tekinn í notkun. Fjöl-
menni var á hátíðinni, jafnt nem-
endur, foreldrar, núverandi og
fyrrverandi starfsmenn skólans
auk annarra gesta. Fjöldi sýninga
var í skólanum í tilefni afmælisins
og var gestum boðið upp á kaffi
og kökur. Skólanum voru færðar
ýmsar gjafir á afmælisdeginum.
Einnig barst fjöldi blómvenda og
árnaðaróska.
Myllubakkaskóli vígður 1952
Saga Myllubakkaskóla eða Barna-
skólans í Keflavík nær allt aftur til
ársins 1897. Ákveðið var að hefja
byggingu Myllubakkaskóla árið
1947, en bygging nýs barnaskóla
hafði verið til umræðu frá því 1941.
Keflvíkingar höfðu notast við skóla
sem var frá 1911, þegar íbúar voru
300, en íbúafjöldinn var orðinn
nærri 3000 þegar skólinn var tek-
inn í notkun. Í upphafi var hann
500 fermetrar á tveimur hæðum,
auk kjallara og voru kennslustofur
alls 10.
Mikið var um að vera þegar Myllu-
bakkaskóli var vígður þann 17.
febrúar 1952 og voru fluttar margar
ræður og mörg kvæði litu dagsins
ljós. Í kvæði Hallgríms Th. Björns-
sonar, kennara við skólann, segir í
upphafi þess:
Vor höll er risin, há og björt og glæst
vér höfum lifað merka óskastund
Hér sést hvað fyrir samtök manna fæst
hver sigur unninn ljær þeim gull í mund.
Nú hafa vonir, - dýrir draumar ræst.
Fyrstu árin var ekkert íþróttahús
við skólann. Fljótlega eftir að skól-
inn var tekinn í notkun var farið
að huga að leikfimisal við skólann
og lauk byggingu hans 1958. Voru
þá liðin 100 ár síðan fyrst var farið
að kenna leikfimi hér á landi og
ennfremur var þetta 50. leikfimi-
salurinn sem tekinn var í notkun
á landinu.
Það er mjög mismunandi hversu
margir nemendur hafa verið við
skólann hverju sinni. Árið 1949
voru 238 7-14 ára nemendur við
skólann, 10 árum seinna voru þeir
605, árið 1969 voru þeir 885 og
mestum fjölda náðu þeir 1973 er
þeir voru 1100. Með tilkomu fleiri
skóla í bæjarfélaginu hefur þeim
fækkað og nú eru þeir 310 á aldr-
inum 6-16 ára. Skólastjórar við
skólann hafa alls verið 11 frá upp-
hafi, þar af hafa þrír gegnt stöðunni
tvisvar. Núverandi skólastjóri er
Steinar Jóhannsson, en hann tók
nýverið við starfinu. Áður hafði
hann verið aðstoðarskólastjóri og
kennari við skólann.
Skemmtilegir þemadagar
Dagana fyrir afmælið voru sér-
stakir þemadagar í skólanum.
Þá unnu nemendur undir stjórn
starfsfólks að undirbúningi hátíðar-
innar. Nemendum var skipt upp
á fjölmargar stöðvar í skólanum
þar sem þeir unnu að hinum ýmsu
verkefnum. Má þar nefna bakstur,
skólamynd, fjölmiðlun, þæfingu,
skreytingu, Tarzan, gamla skóla-
leikfimi, mósaík, sögustöð, kerta-
gerð, myndlist, tilraunir, perlur,
Legó, söng og dans.
Afmælishátíðin
Afmælisdagur skólans er 17.
febrúar og var mikil gleði og gaman
í skólanum þann dag. Skólinn var
fagurlega skreyttur ýmiskonar
listaverkum sem nemendur höfðu
unnið á þemadögunum. Gestir
fengu afhentan kynningarbækling
við innganginn og fengu þeir sem
vildu leiðsögn um skólann. Margt
var í boði og sett var upp sögusýn-
ing þar sem sýndir voru gamlir og
nýir munir sem tengjast sögu skól-
ans. Sýndar voru ljósmyndir frá
skólalífinu í gegnum árin og viðtöl
við gamla nemendur. Gestum var
sýnd þæfing og hvernig hægt er
að gera fallega hluti úr þæfðri ull.
Í myndmenntastofunni var stórt
mósaíkverk í vinnslu þar sem unnið
var við gerð myllu sem er merki
skólans. Allir fengu að taka þátt
og marka þannig spor sitt í verkið.
Þeir sem vildu taka sporið gátu það
einnig en boðið var upp á diskótek
í einni af kennslustofum skólans.
Þar sýndu nemendur einnig dans.
Ákveðið var að ráðast í útungunar-
verkefni í tilefni afmælisins. Skól-
inn á útungunarvél og hafa slíkar
tilraunir verið gerðar áður við skól-
ann, síðast fyrir u.þ.b. tíu árum.
Fengin voru þrjátíu stropuð egg
og voru litlu ungarnir sem úr þeim
fengust til sýnis öllum til mikillar
ánægju ekki síst yngsta fólkinu.
Síðan er hugmyndin að þeir fari á
milli kennslustofa nemendum og
starfsfólki til yndis og ánægju.
Ýmsar tilraunir voru einnig sýndar
og fengu gestir að spreyta sig við
þær. Á sal skólans sungu nem-
endur og léku á hljóðfæri t.d. selló,
píanó, fiðlu, klarínett og saxófón.
Kökur, kókoskúlur, lyklakippur úr
þæfðri ull og perlum og kerti voru
til sölu á sérstökum sölubásum og
er ætlunin að afraksturinn renni í
afmælisgjöf til skólans.
Stefanía María Júlíusdóttir
Saga Myllubakkaskóla eða Barnaskólans í Keflavík nær allt aftur til ársins 1897. Ákveðið var að hefja
byggingu Myllubakkaskóla árið 1947, en bygging nýs barnaskóla hafði verið til umræðu frá því 1941.
Myllubakkaskóli 60 ára