Víkurfréttir - 23.02.2012, Síða 10

10 FIMMTUdagUrInn 23. FEBrúar 2012 • VÍKURFRÉTTIR
Ég hitti einu sinni sjónvarpsmann sem var svolítið ófríður. Ég hitti einu
sinni rithöfund sem vaknar alltaf fyrir hádegi. Ég hitti einu sinni Vesturbæ-
ing sem hélt ekki með KR. Ég hitti einu sinni banka-
starfsmann ríkan af þjónustulund. Ég hitti einu sinni
Seltirning sem var ekki sjálfstæðismaður. Ég hitti
einu sinni Íslending sem var ekki á Facebook!
Textinn hér að ofan er hluti af lengri texta sem ég fékk
í hendur fyrir u.þ.b. tveimur árum og var frábær ádeila
á fordóma og staðalmyndir. Við búum í litlu landi sem
þýðir að það er enn auðveldara hér en annars staðar að
staðla fólk eftir einhverju allt öðru en þeim mannlegu
kostum sem það býr yfir. Þannig erum við dæmd út frá
stöðu okkar, menntun, kyni, búsetu o.s.frv. og gerum
oft kröfur til fólks sem eru hvorutveggja óraunhæfar og ósanngjarnar. Blekið
á útskriftarskírteininu mínu úr Kennó var varla orðið þurrt þegar ég upplifði að
nú væru dagar þágufallssýkinnar taldir, aldrei aftur tvö n þar sem á að vera eitt
og guð hjálpi mér ef ég skrifa I þar sem á að vera Y. nú var ég orðin fulltrúi
kennara, sem miðla til þeirra sem landið eiga að erva, uh ég meina erfa, og
mikilvægt að sýna það í verki með því að vita allt, geta allt og vera hin fullkomna
fyrirmynd. Það var mikill léttir þegar ég viðurkenndi fyrir sjálfri mér og öðrum
að fullkomin yrði ég aldrei, hvorki sem kennari né manneskja og ég ætti eftir að
gera fullt af mistökum, bæði í lífi og starfi. Ég lét setningar eins og: ,,átt þú ekki
að vita þetta sem kennari“ sem vind um eyru þjóta og viðurkenndi þannig fyrir
mér og öðrum að kubburinn með alfræðiorðabókinni hefði ekki verið græddur í
heilann á mér ennþá. aftur á móti var ég fús til að leita svara með nemendum
mínum hvenær sem var enda upplýsingar fljótar að úreldast og auðvelt að ná í
það nýjasta hverju sinni.
Ég var svo heppin að fyrstu árin mín í kennslu var ég með frábæra samstarfs-
félaga og þar á meðal var ung kona sem var kennari af guðs náð. Hún náði ein-
stöku sambandi við nemendur sína þannig að eftir því var tekið. Þau sem áttu
undir högg að sækja öðluðust trú á sjálfan sig og maður sá hvern nemandann
á fætur öðrum blómstra í höndum hennar. Hún var líka mjög opin með þá stað-
reynd að hún væri lesblind sem gerði hana að mikilvægari fyrirmynd fyrir þá
nemendur sem stóðu í sömu sporum - því þrátt fyrir allt var hún jú orðin kenn-
ari. Hún hafði húmor fyrir sjálfri sér og gátum við hlegið mikið að því þegar hún
efaðist um val okkar á jólasögunni eitt árið ,,Beinagrindadrengurinn“, hvað var
jólalegt við það!! Sagan reyndist vera ,,Beiningadrengurinn“ eftir dostojevski,
og sagan fékk allt aðra merkingu á svipstundu. Það er ekki efi í mínum huga að
innkoma hennar í líf ungu nemendanna hefur haft mun meiri áhrif á þau sem
persónu en sú manneskja sem gerir aldrei stafsetningarvillu eða slysast til að
segja ,,mér langar“.
Þegar við tökum að okkur ákveðin störf í samfélaginu fylgja þeim að sjálfsögðu
ákveðnar skyldur en það er alveg sama hver sú staða er, við hættum aldrei
að vera manneskjur með öllum þeim breyskleikum sem því fylgir. Leikfimis-
kennarinn getur fitnað, sálfræðingurinn þjáðst af þunglyndi presturinn skilið
við maka sinn, læknirinn reykt og skólastjórinn átt nemanda með námsörðug-
leika. Það er sama hvaða fjölskyldu við skoðum eða hvaða þjóðfélagshóp við
tilheyrum, öll eigum við okkar litlu eða stóru vandamál. Sú fjölskylda sem eyðir
mikilli orku í að líta út sem hin fullkomna fjölskylda (hvernig sem sú fjölskylda
lítur nú út) á yfirleitt vel falin leyndarmál einhvers staðar og fer á mis við að lifa
lífinu lifandi því orkan sem fer í að uppfylla einhverjar staðalmyndir og fullkom-
leika verður yfirþyrmandi. Við þörfnumst þess öll að fá að vera við sjálf og svo ég
vitni nú í Pál Óskar ,,það er miklu betra að vera frumeintakið af sjálfum sér en
léleg kópía af einhverjum öðrum“. Með þetta í huga ætla ég að reyna að temja
mér að dæma einstaklinga út frá verkum þeirra og viðmóti í stað þess að setja
þá inn í kassa sem einhverjir smíðuðu fyrir löngu síðan og eru orðnir gamlir,
fúnir, úreltir og engum til sóma.
Það er vandmeðfarið að búa í litlu samfélagi. Þegar áföll dynja yfir snúum við
bökum saman, styðjum og styrkjum og erum til staðar fyrir hvort annað. Þetta
getur snúist upp í andhverfu sína þegar fólk lendir á erfiðum krossgötum í lífinu
sem geta verið margs konar en eru fyrst og fremst til vitnis um að við erum
mannleg og fáum öll okkar verkefni að fást við, hvað sem líður stöðu, menntun,
félagslegum aðstæðum eða kyni. Ég hef alla vega tekið þá ákvörðun að leyfa
mér að vera mannleg, taka lífið ekki of alvarlega og hafa húmor fyrir því þegar
einhver snillingurinn segir: varst þú flugfreyja, aldrei hefði mér dottið það í hug,
þú lítur alls ekki þannig út!!
Þangað til næst - gángi´ðér obboslega vel!
Anna Lóa
Ég hitti einu sinni
Suðurnesjamann sem
talaði ekki ensku!
vf.is
Næstkomandi laugardag 25. febrúar stendur Fjölskyldu- og
félagssvið Reykjanesbæjar fyrir Degi um málefni fjölskyldunnar.
Þetta er liður í fjölskyldustefnu Reykjanesbæjar þar sem markmiðið er
að gera fjölskylduna sýnilega í okkar annars fjölskylduvæna samfélagi.
Á þessum degi er boðið upp á ávörp og fræðslu sem tengjast
fjölskyldunni, en einnig eru veittar viðurkenningar til fyrirtækja sem
starfsmenn hafa tilnefnt og sýnt fram á að reki fjölskylduvæna stefnu.
Barnapössun er á staðnum og boðið upp á veitingar í lok dagskrár.
Í Íþróttaakademíunni milli kl. 11 og 13 verður eftirfarandi dagskrá:
Ávörp:
Framtíðarsýn Reykjanesbæjar í fjölskyldumálum
- Árni Sigfússon, bæjarstjóri
Fjölskyldustefna Reykjanesbæjar
- Ingigerður Sæmundsdóttir, formaður
formanns fjölskyldu- og félagsmálaráðs.
Erindi:
Hvað geta foreldrar gert til að örva tal og mál barna sinna?
stutt kynning á ,,Lærum og leikum með hljóðin"
- Bryndís Guðmundsdóttir, talmeinafræðingur.
Foreldrafærni og parsambandið
- Hera Ósk Einarsdóttir, félagsráðgjafi.
Barnapössun á staðnum. Íþróttaálfurinn kemur í heimsókn.
Allir íbúar sem vilja efla hag fjölskyldunnar,
eru velkomnir jafnt ungir sem gamlir.
Við minnum jafnframt á ýmislegt áhugavert í okkar samfélagi sem
fjölskyldur geta gert í tilefni dagsins s.s. að heimsækja Skessuhelli,
Vatnaveröld, Víkingaheima og Innileikjagarðinn að Ásbrú.
Upplýsingar um opnunartíma má finna á vef bæjarins
www.reykjanesbaer.is.
DAGUR UM MÁLEFNI
FJÖLSKYLDUNNAR
SJÁVARRÉTTA/
KÚTMAGAKVÖLD
að hætti lionsmanna
Hið árlega herra- og
sjávarréttakvöld
Lionsklúbbs Keflavíkur
verður haldið nk. föstudag
kl. 19 í Oddfellowhúsinu.
Nokkrir miðar eru til sölu hjá
Jóni Ólafi í síma 698-1613.
Fyrstir koma, fyrstir fá.
HÚSMÆÐRAORLOF
GULLBRINGU- OG KJÓSARSÝSLU
Álftanes, Garðabær, Garður, Grindavík, Kjósarhreppur,
Mosfellsbær, Reykjanesbær, Sandgerði, Seltjarnarnes,
Vogar.
Rétt til þess að sækja um eftirfarandi ferðir, hefur sérhver
kona sem veitir, eða hefur veitt heimili forstöðu,
án launagreiðslu fyrir það starf.
Slóvenía, Portoroz, 10. - 17. ágúst.
Rínarsigling, 25. - 29. ágúst.
Aðventuferð til Nürnberg, 2. - 5. desember.
Eftirtaldar konur veita nánari upplýsingar og taka á móti
pöntunum í síma á milli kl. 17:00 og 19:00 á virkum
dögum frá 21. til 31. mars.
Svanhvít Jónsdóttir, s. 565 3708
Ína Jónsdóttir, s. 421 2876
Guðrún Eyvindsdóttir, s. 422 7174
Valdís Ólafsdóttir, s. 566 6635
Sigrún Jörundsdóttir, s. 565 6551
Orlofsnefndin
Það verður mikið um dýrðir í Garðinum á laugardags-
kvöldið 25. febrúar kl. 20:00. Efnt
verður til Vita- og vísnahátíðar í
Garðskagavita og Byggðasafninu
á Garðskaga, með þátttöku rit-
höfunda, tónlistarfólks og fjöl-
listamanna.
Dagskrá Vita- og vísnahátíðar
2012:
GARÐSKAGAVITI
- laugardagskvöldið
25. febrúar kl. 20:00
Upplestur: Anton Helgi Jónsson
rithöfundur les eigin ljóð. Guðný
Kristjánsdóttir frá Leikfélagi
Keflavíkur les úr bókinni Sjókonur
eftir Þórunni Magnúsdóttur, sagn-
fræðing. Steinar Lúðvíksson, rit-
höfundur og blaðamaður segir frá
sjóslysum við Reykjanes.
Kynnir: Sigríður Arna Arnþórs-
dóttir, landfræðingur og stjórnar-
maður í Íslenska vitafélaginu – félag
um íslenska strandmenningu.
Tónlistaratriði: Nemendur Tón-
listarskólans í Garði breyta vitanum
í tónleikahöll og flytja þar fjölbreytt
tónlistaratriði af stakri snilld.
Umhverfislýsing: Utandyra sér fjöl-
listahópurinn Norðanbál um að
skapa ævintýralega stemmningu
á staðnum með því að lýsa upp
vitana.
Veitingastaðurinn Tveir vitar býður
öllum viðstöddum upp á heitt
súkkulaði og vöfflur með rjóma.
Aðgangur er ókeypis.
GARÐSKAGAVITI
- Laugardagskvöldið
3. mars kl. 19:30
Upplestur rithöfunda: Birgir Svan
Símonarson, Illugi Jökulsson og
Oddný Eir Ævarsdóttir lesa úr
eigin verkum. Kynnir: Sigurbjörg
Árnadóttir, formaður Íslenska vita-
félagsins – félag um íslenska strand-
menningu og verkefnisstjóri.
Trossunnar/Fishernets hjá Stofnun
Vilhjálms Stefánsson. Tónlistaratriði
frá Tónlistarskólanum í Garði. Um-
hverfislýsing Norðanbáls.
Aðgangur er ókeypis.
BYGGÐASAFNIÐ GARÐSKAGA
– Laugardagskvöld
3. mars kl. 20:30
Einstök tónlistarveisla í byggða-
safninu!
Fram koma: Guðrún Gunnars-
dóttir (söngur) og Gunnar Gunn-
arsson (píanó). Gunnar Þórðarson
– hinn eini sanni Keflvíkingur.
Elín Ey – einn efnilegasti trúbador
yngri kynslóðarinnar. Valgeir Guð-
jónsson – Stuðmaður með meiru.
Nordisk Knock-Out – Frábært vís-
natríó frá Skandinavíu. Of Mon-
sters and Men – stolt Garðsins, og
bráðum Íslands alls.
Kynnir verður Aðalsteinn Ásberg
Sigurðsson.
Aðgangseyrir kr. 2.500-.
Forsala hjá N1 Dúddunum í Garð-
inum, sími 896 7706.
Það má enginn missa af þessum
frábæru tónleikum!
Vita- og
vísnahátíð
í Garðinum