Bæjarins besta - 06.09.2007, Blaðsíða 2

FIMMTUDAGUR 6. SEPTEMBER 20072
Þennan dag árið1943 var skurðaðgerð við brjósklosi í
baki gerð í fyrsta sinn hérlendis. Þennan dag árið 1944
slitnaði burðarstrengur Ölfusárbrúar. Tveir bílar féllu í
ána en bílstjórarnir björguðust, annar eftir að hafa borist
1.200 metra með straumþunganum.
Dagurinn í dag
6. september 2007 –249. dagur ársins
Kvikmynd um Gísla Súrsson tekin upp í Dýrafirði
Leikin mynd um sögu útlagans Gísla Súrssonar var tekin upp í Dýrafirði á dögunum.
Austurríska kvikmyndagerðarkonan Gabriellu Kafka sér um upptökur, en hún vinnur að
gerð kvikmyndar um Íslendingasögurnar. Kvikmyndagerðarfólkið kom úr Vatnsdal, í
Dýrafjörðinn og þaðan var ferðinni heitið á Snæfellsnes þar sem taka á upp Eyr-
byggjasögu. Tökur á Gísla sögu fóru aðallega fram í Dýrafjarðarbotni en einnig í Hauka-
dal og á Víkingasvæðinu á Þingeyri. Til stendur að sýna afraksturinn í austurríska
ríkissjónvarpinu. Frá þessu var greint á vef Svæðisútvarps Vestfjarða.
Færði Safnahúsinu á Ísafirði mynd-
skreytta biblíu með gotnesku letri
Jenný Þórunn Rögnvalds-
dóttir á Ísafirði hefur fært
bókasafni Safnahússins á Eyr-
artúni biblíu að gjöf. Biblían,
sem er á dönsku og mynd-
skreytt með gotnesku letri, er
gefin til minningar um Karitas
Hafliðadóttur, kennara, sem
starfrækti einkaskóla fyrir
börn á Ísafirði á fyrri hluta
síðustu aldar og leiðbeindi
mörgum fyrir framhaldsnám,
og foreldra Jennýar og systur,
þeirra Ingibjörgu Jensdóttur
og Rögnvald Guðjónsson, kjör-
son Karitasar og Helgu Kari-
tasar Rögnvaldsdóttur.
Ung að árum dvaldi Karitas
um nokkurra ára skeið í Dan-
mörku. Þar eignaðist hún bibl-
íuna árið 1894 sem gjöf frá
móðursystur sinni, Guðrúnu
Hallberg. Í gjafabréfi sem
fylgdi biblíunni vonar Jenný
að bókasafninu sé fengur að
biblíunni og að þar megi hún
varðveitast um ókomna tíð.
Jóhann Hinriksson, forstöðumaður skoðar biblíuna. Biblían er á dönsku og myndskreytt með gotnesku letri.
„Það er gaman fá svona gaml-
ar og fallegar bækur að gjöf,
sérstaklega þar sem þetta virð-
ist vera eina eintakið sem til
er í landinu. Ég vil færa gef-
andanum bestu þakkir fyrir
þessa höfðinglegu gjöf,“ segir
Jóhann Hinriksson, forstöðu-
maður Safnahússins á Eyrar-
túni. Að sögn Jóhanns er
bókina væntanlega prentuð á
árunum 1870-1880 en ekki
hefur fengist endanleg stað-
festing á því.
– bb@bb.is
Nemend-
um fækkar
Nemendum við grunn-
skóla Ísafjarðarbæjar hef-
ur fækkað um tæp 7% frá
skólaárinu 2005-2006. Þá
voru samtals 660 nem-
endur við skólana en í
vetur eru 615 nemendur
skráðir. Grunnskólar Ísa-
fjarðarbæjar eru fjórir
talsins, Grunnskólinn á
Ísafirði er fjölmennastur
með 485 nemendur, þá
kemur Grunnskólinn á
Þingeyri með 62 nemend-
ur.
37 nemendur eru við
Grunnskólann á Suður-
eyri og 31 við Grunnskóla
Önundarfjarðar. Nem-
endum fækkar við alla
skólana nema einn ef litið
er til síðustu tveggja ára.
Hlutfallsleg fækkun er
mest við Grunnskólann á
Suðureyri, þá við Grunn-
skóla Önundarfjarðar.
– tinna@bb.is
Ramma-
gerðin lokar
Listmunaverslunin í
Rammagerð Ísafjarðar
var lokað á laugardag. Að
sögn Dagnýjar Þrastar-
dóttur liggja margar ástæð-
ur að baki þessari ákvörð-
un. „Verslunin lokaði í
þeirri mynd sem hún er í
núna á laugardaginn“,
segir Dagný, en hún úti-
lokar ekki að annar rekst-
ur verði í húsinu.
„Það verður alveg lok-
að í september en ég mun
endurmeta stöðuna í októ-
ber. Kannski verð ég til
dæmis bara með opna
vinnustofu.“ Sjálf Ramma-
gerðin verður ennþá starf-
rækt auk þess sem Dagný
mun halda áfram að merkja
bíla og heimili.
Upplýsingar
á tælensku
Kynningarefni um sjúkra-
sjóð Verkalýðsfélags Vest-
fjarða hefur verið þýtt á
tælensku. Pálína Sinthu
Björnsson, félagsmaður í
Verk-Vest, sá um þýðing-
una. „Við erum að reyna
að virkja fólk af ýmsu
þjóðerni sem hefur sest
hér að til að aðstoða okkur
við að koma á framfæri
upplýsingum og réttindi
á þeirra eigin tungumáli,
segir Finnbogi Svein-
björnsson, formaður Verk-
Vest.
Sigruðu í þríþraut annað árið í röð
Ásgeir Elíasson var fyrstur
í mark í þríþrautarkeppni
Vasa2000 hópsins og Heilsu-
bæjarins Bolungarvík sem
haldin var á laugardag, en
þetta er annað árið í röð sem
Ásgeir sigrar keppnina. Hann
kláraði keppnina á einum
klukkutíma og tæpum 15 mín-
útum. Fyrst kvenna í mark í
einstaklingskeppninni var
Guðbjörg Rós Sigurðardóttir,
en hún var einnig fyrst kvenna
á síðasta ári.
Guðbjörg kláraði keppnina
á einum klukkutíma og tæpum
24 mínútum. Fengu þau Ás-
geir og Guðbjörg því að halda
farandbikurum fram að næstu
þraut auk þess sem þau fengu
eignarbikara fyrir sigur í sín-
um flokki. Í liðakeppninni var
það Höskuldsson Elite 1 sem
sigraði en liðsmennirnir, þeir
Birgir Þór Halldórsson, Hall-
dór B Guðjónsson og Lárus
Daníelsson, kláruðu keppnina
á einum klukkutíma og 13
mínútum. Keppendur hófu
þrautina á því að synda 700
metra í sundlaug Bolungar-
víkur. Síðan var hjólað 17
kílómetra frá Bolungarvík til
Ísafjarðar þar sem keppendur
hlupu sjö kílómetra. Í liða-
keppninni skiptu keppendur
með sér greinum.
„Keppnin tókst afar vel í
ár“, segir Heimir Hansson,
einn skipuleggjenda þríþraut-
arinnar. „Það rigndi á okkur
og blés dálítið á Óshlíðinni,
en það var að mestu í bakið,
þannig að það kom ekki að
sök. Að keppni lokinni var
þátttakendum boðið í sund á
Ísafirði“, segir Heimir. Þetta
var í sjötta sinn sem keppnin
er haldin og var metþátttaka í
ár.
– tinna@bb.is
Keppendur syntu 700 metra í sundlauginni í Bolungarvík.
Síðasti leggurinn var sjö kílómetra hlaup.