Bæjarins besta - 06.09.2007, Blaðsíða 6

FIMMTUDAGUR 6. SEPTEMBER 20076
Utangarðs
Ritstjórnargrein
Útgefandi: H-prent ehf., kt. 600690-1169, Sólgötu 9, 400 Ísafjörður, sími 456 4560, fax 456 4564
Ritstjóri: Sigurjón J. Sigurðsson, sími 892 5362, bb@bb.is · Blaðamenn: Thelma Hjaltadóttir, símar 456 4693
og 849 8699, thelma@bb.is – Tinna Ólafsdóttir, sími 868 5963, tinna@bb.is – Smári Karlsson, sími 866 7604,
smari@bb.is · Hálfdán Bjarki Hálfdánsson, sími 863 7655, halfdan@bb.is. Ritstjóri netútgáfu bb.is:
Sigurjón J. Sigurðsson · Ljósmyndari: Halldór Sveinbjörnsson, sími 894 6125, halldor@bb.is
Ábyrgðarmenn: Sigurjón J. Sigurðsson og Halldór Sveinbjörnsson · Lausasöluverð er kr. 300 eintakið með vsk.
Veittur er afsláttur til elli- og örorkulífeyrisþega. Einnig sé greitt með greiðslukorti. ·
Önnur útgáfa: Ferðablaðið Á ferð um Vestfirði. · ISSN 1670 - 021X
Fegurðarsamkeppni
karla í Tívolí
Á þessum degi fyrir 57 árum
Slysavarnadeildin Ingólfur í Reykjavík efnir til fegurðarsam-
keppni karla í Tívolígarðinum n.k. sunnudag til ágóða fyrir
fjölþætta starfsemi sína. Keppt verður um titilinn „Íslending-
urinn 1957“. Er þetta í fyrsta skipti sem slík samkeppni fer
fram hérlendis en víða annars staðar í heiminum er slík keppni
árlegur og vinsæll viðburður. Má geta þess, að hinn kunni lík-
amsræktarfrömuður Charles Atlas, sem margir kannast við
hér á landi, hefir borið sigur af hólmi í slíkri alþjóðakeppni.
Nú hyggst slysavarnardeildin Ingólfur beita sér fyrir þessu ný-
mæli hér á landi, í trausti þess að Reykvíkingar fjölmenni í
garðinn og geri með því hvort tveggja í senn að velja réttilega
þann, sem verður er sigurs og efla um leið með komu sinni
starfsemi deildarinnar. Þátttakendur eru úr Reykjavík og víðar
að af landinu, vaskir og glæsilegir menn.
Nýleg skýrsla Byggðastofnunar og Hagfræðistofnunar
Háskóla Íslands staðfestir að tvö landsvæði hafa setið eftir
með afgerandi hætti þegar skoðaður er hagvöxtur einstakra
landshluta á árunum 1998 til 2005. Annars vegar Norðurland
vestra, þar sem hagvöxtur var neikvæður um 9% og hins
vegar Vestfirðir, þar sem neikvæðnin mældist 3%. Önnur
svæði voru með jákvæðan hagvöxt þótt ekki næðu þau öll
landsmeðaltali.
Höfuðborgarsvæðið, með 53% hagvöxt, og Austurland
með 51% standa upp úr líkt og turnarnir tveir forðum.
Þenslan á höfuðborgarsvæðinu kemur ekki á óvart. Fyrir
austan er hagvöxturinn einkum rakinn til mikillar bygging-
arstarfsemi. Á öðrum jákvæðum landshlutum er ljóst að
atvinnutækifærin skipta höfuðmáli. Þannig er árangurinn á
Vesturlandi sagður að miklu leyti stafa af álveri Norðuráls
á Grundartanga. Þótt ljóst þyki að draga muni úr hagvexti
fyrir austan er fram líða stundir, er líklegt að uppsveiflan
verði að einhverju leyti varanleg vegna þeirrar miklu upp-
byggingar sem þar hefur hátt sér stað.
Vestfirðingar hafa löngum kvartað yfir lélegum samgöng-
um, bæði innan fjórðungsins sem og við aðra landshluta.
Sem dæmi um réttmæti krafna þeirra má nefna að nú fyrst
rúmum þremur áratugum eftir að hringvegurinn (hvar Vest-
firðir voru utangarðs) var opnaður, hyllir loks undir vegi
með bundnu slitlagi, sem tengja kjálkann við ,,meginlandið“.
Hið sama verður ekki sagt um Norðurland vestra. Þar verð-
ur slæmum samgöngum vart kennt um ástandið. Vandinn
þar snýr miklu frekar að atvinnulífinu.
Allar götur síðan ríkisstjórn Íslands ákvað að stuðla að
eflingu tiltekinna byggðakjarna á landsbyggðinni hefur
verið hamrað á því, að ef unnt ætti að vera að snúa við þeirri
óheilla þróun sem átt hefur sér stað á Vestfjörðum yrði
markvisst að efla atvinnulífið og auka fjölbreytni þess. BB
hefur ítrekað kvatt bæjaryfirvöld til að beita öllum ráðum til
að laða fyrirtæki til bæjarins, samhliða því sem stutt yrði við
bakið á hverjum sprota, sem hér skyti rótum. Því miður hef-
ur hallað á hinn veginn. Nægir þar að nefna dapurlegt brott-
hvarf Póls, hátækniiðnaðar sem hér hafði þróast um árabil.
Fram til þessa hefur umræðan um sókn á nýjum miðum
mikið snúist um háskóla á Vestfjörðum. Margvísleg rök
hafa verið færð fyrir því að slíkur skóli gæti skipt sköpum
um viðsnúning. Nægir í því sambandi að benda á þvílík
lyftistöng háskólar hafa orðið byggðarlögum þar sem slíkum
menntastofnunum hefur verið komið á fót.
Ótal tækifæri eru fyrir hendi til að hefja veg og virðingu
Vestfjarða til fyrra horfs. Til þeirra hluta þarf fjármagn og
áræði, en þó fyrst og síðast trú á að hér geti blómstrað öflugt
og fagurt mannlíf.
Vestfirðingar geta ekki með neinu móti sætt sig lengur
við að vera utangarðs. s.h.
Ástarvikukartafla kemur upp úr moldinni
Áhrifa nýliðinnar Ástarviku í Bolungarvík gætir víða og greinilegt er að ástúðin og umhyggjan sem umvefja
bæinn þessa viku í ágúst hafa sterk áhrif á umhverfið. Svo virðist sem jarðvegurinn í bænum sé farinn að
halda merki ástarinnar á lofti en íbúi við Hlíðarstræti fékk óvæntan glaðning um daginn þegar hann var að
taka upp kartöflur í soðið í garðinum sínum. Falleg hjartalaga kartafla kom upp úr moldinni, líkt og til að
minna á ástina og kærleikann. Bolvíkingar taka sér ýmislegt fyrir hendur í Ástarvikunni, fara í bílabíó,
lautarferðir og á tónleika, auk þess sem þeir vinna hörðum höndum að því að fjölga Bolvíkingum. Nú er
mál manna í Víkinni að hefja eigi ræktun á hjartalaga kartöflum til að setja á markað fyrir næstu Ástarviku.
Hlutarfjársöfnun Eyrarkláfs
ehf. er hafin. Úlfar Ágústsson,
einn forsvarsmanna félagsins,
segir að markmiðið núna sé
að safna tveimur milljónum
króna til að kaupa og koma
fyrir veðurstöðvum í Eyrar-
fjalli til að rannsaka veðurfar.
Hægt er að velja milli tveggja
leiða í hlutafjárkaupum í fé-
laginu. Annars vegar er hægt
að kaupa hlutafé á hálfvirði,
eða á genginu 0,5. Hins vegar
er hægt að gerast hluthafi með
því að leggja fé inn á bundin
reikning í Sparisjóði Vestfirð-
inga. Reikningurinn er í vörslu
sparisjóðsins og peningarnir
ekki notaðir nema til verksins
komi. Verði ekkert úr áform-
unum fá hluthafar endurgreitt.
Úlfar segir að ef það náist
ekki að koma veðurstöðvum
fyrir í fjallinu fyrir lok septem-
ber muni öll framvinda tefjast
um eitt ár. „Það er ekkert enn-
þá sem segir okkur að ekki sé
hægt að reisa kláf í hlíðum
Eyrarfjalls. Það er búið að tala
við opinbera aðila sem sinna
eftirlitsskyldu og ekkert kom-
ið fram sem er tilefni til svart-
sýni“, segir Úlfar. Mannvirkin
sem fylgja þessu eru mikil.
Til dæmis þarf að reisa geym-
slu á fjallinu undir kláfana sem
ferja farþega á fjallið en þeir
verða sextán talsins.
„Það eru margir möguleikar
sem opnast verði þetta að
veruleika. Nú er til dæmis
teiknistofa í Reykjavík að
teikna lúxushótel á Gleiðar-
hjalla“, segir Úlfar. Hann segir
að komist veðurstöðvarnar
upp í haust verði farið í hönn-
unarvinnu á undirstöðum og
aðgengi að kláfnum í vor.
Nánari upplýsingar má sjá á
heimasíðu Eyrarkláfs, www.
eyrarklafur.com.
– smari@bb.is
Hlutafjársöfnun Eyrarkláfs hafin
Leit að heitu vatni í Skut-
ulsfirði og sundlaugamál
Í málefnasamningi B- og
D- lista segir um leit að heitu
vatni: ,,Leitað verði að heitu
vatni í Skutulsfirði í samstarfi
við Orkubú Vestfjarða og
orkusjóð Orkustofnunar.”
Yfirlýsing iðn-
aðarráðherra
Í tengslum við Vestfjarða-
skýrsluna margumtöluðu og
svokallaðar mótvægisaðgerð-
ir hefur verið rætt um að út-
vega fjármagn svo Orkubú
Vestfjarða geti haldið áfram
leit að heitu vatni í Skutuls-
firði. Í þessu sambandi er
mjög ánægjulegt að Össur
Skarphéðinsson iðnaðarráð-
herra og ráðherra byggðamála
hefur gefið út þá yfirlýsingu
að aukið fjármagn verði sett í
jarðhitaleit á Vestfjörðum.
Þessi yfirlýsing þýðir að
Orkubú Vestfjarða getur und-
irbúið nýtt átak í leit að heitu
vatni í Skutulsfirði.
Miklar líkur á að
heitt vatn finnist
Finnist heitt vatn, sem mikl-
ar líkur eru taldar á, mun það
bæta verulega búsetuskilyrði
okkar og auka lífsgæði. A.m.k.
er það raunin á þeim svæðum
sem eru með hitaveitur því
heitt vatn úr jörðu gefur alveg
nýja möguleika á nýtingu
hvort sem það er hjá sveitar-
félaginu, heimilum eða fyrir-
tækjum.
Heitt vatn úr jörðu hefur
líklega áhrif á nýtingu orkunn-
ar frá Funa en sú orka er seld
sem ótrygg orka til Orkubús
Vestfjarða sem nýtir það til
að hita Holtahverfið að tölu-
verðum hluta. Mögulegt yrði
þá að nýta orkuna frá Funa í
annað t.d. iðnaðarstarfsemi.
Reyndar verður að hafa í huga
að varaafl þarf fyrir Funa því
starfsemin stöðvast af og til
eins og bæjarbúar þekkja. Engu
að síður geta opnast þarna ný
tækifæri í atvinnulífinu og/
eða fyrir Ísafjarðarbæ t.d.
vegna hitunar á sundlaug með
varaafli frá Orkubúi Vest-
fjarða eða eigin varaafli.
Framkvæmdir
Miklar framkvæmdir standa
yfir á vegum Ísafjarðarbæjar í
ár og hefur reyndar verið á
undanförnum árum. Fjárhags-
áætlun gerir ráð fyrir því að
framkvæma fyrir 322 milljón-
ir kr. í ár. Þar af er stærsta ein-
staka framkvæmdin viðbygg-
ing við Grunnskólann á Ísa-
firði. Ekki er hægt að gera allt
í einu og reyndar ótrúlegt hvað
tekist hefur að vinna mörg
framkvæmdaverkefni í Ísa-
fjarðarbæ undanfarin ár. Stund-
um heyrist að ekkert sé verið
að vinna í því stefnumáli
meirihlutans að byggja sund-
laug á Torfnesi en það er ekki
rétt og vert að minna á að ein-
ungis er liðið eitt ár af fjögurra
ára kjörtímabili.
Undirbúningsvinna
vegna sundlaugar
ar vonir við að mögulegt verði
að fara í nýjar stórar fram-
kvæmdir.
Í málefnasamningi B- og
D-lista segir um sundlauga-
málin: ,,Unnið verði að þátt-
töku Ísafjarðarbæjar í verkefni
um byggingu íþróttamið-
stöðvar með sundlaug á Ísa-
firði. Þátttaka bæjarins verði í
formi leigu á sundlaugar-
mannvirkjum en aðrir hlutar
mannvirkisins í einkarekstri.
Miðað er við að leigu- og
rekstrarkostnaður standist þær
forsendur að núverandi rekstr-
arkostnaður við Sundhöllina
á Ísafirði að viðbættum aukn-
um tekjum standi undir leigu-
kostnaði.
Reiknað verði með þeim
kostnaði sem hlýst af flutningi
íþróttamannvirkja sem fyrir
eru og hugsanlegum kostnaði
vegna flutnings skólabarna í
sundkennslu.”
Eftir úttekt verkfræðings
hefur komið í ljós að forsendur
um kostnað sem nefndar eru í
málefnasamningnum eru aðr-
ar en þar er reiknað með. Það
þýðir að nálgast þarf viðfangs-
efnið, byggingu sundlaugar á
Torfnesi, með öðrum hætti en
reiknað er með í málefna-
samningnum. Markmiðið er
áfram að koma upp bættri að-
stöðu fyrir keppnisfólk í sundi
og góðri aðstöðu fyrir fjöl-
skyldur og ferðafólk með sam-
bærilegum hætti og best þekk-
ist víða annars staðar um land-
ið.
Halldór Halldórsson, bæj-
arstjóri Ísafjarðarbæjar.
Síðasta haust réði Ísafjarð-
arbær verkfræðing til að vinna
undirbúningsvinnu vegna
byggingar sundlaugar á Torf-
nesi. Honum var einnig falið
að bera saman tilboð sem þá
hafði borist frá Eyrarsteypu
vegna byggingar og rekstrar
sundlaugar, laugarhúss og lík-
amsræktaraðstöðu á Torfnesi.
Verkfræðingurinn leitaði til
íþróttahreyfingarinnar í sam-
starfi við íþrótta- og tóm-
stundafulltrúa Ísafjarðarbæjar
til að vinna ákveðna þarfa-
greiningu og forgangsröðun.
Kostnaður,
framkvæmdir
Eftir þessa vinnu liggja fyrir
upplýsingar um hver kostnað-
ur við byggingu nýrrar sund-
laugar með góðu útisvæði og
líkamsræktarstöð verður. Við
vinnslu fjárhagsáætlunar fyrir
árið 2008 verða þessar upplýs-
ingar notaðar til að bæjarstjórn
geti áttað sig á því hvernig for-
gangsraða skal framkvæmd-
um á árinu 2008. Á því ári er
ætlunin að ljúka glæsilegri
byggingu við Grunnskólann
á Ísafirði og þess vegna bundn-