Bæjarins besta - 06.09.2007, Blaðsíða 16

Stofnað 14. nóvember 1984 · Sími 456 4560 · Veffang: www.bb.is · Verð kr. 300 m/vsk
bb.is – fjölsóttasti vestfirski vefurinn
Hagnaður Sparisjóðs Vest-
firðinga nam 822 milljónum
króna á fyrstu sex mánuðum
ársins. Það er meira en hagn-
aður sparisjóðsins var á öllu
síðasta ári, en þá var hagnað-
urinn rétt rúmar 800 milljónir
króna. Á fyrstu sex mánuðum
síðasta árs var hagnaður SPVF
217 milljónir króna. Arðsemi
eigin fjár bankans var 84,0%
samanborið við 37,7% arð-
semi á sama tímabili á árinu
2006. Hreinar vaxtatekjur
lækka um tvær millj. kr. frá
fyrra ári og nema nú 104 millj.
kr. Hreinar rekstrartekjur
námu 1.323 millj. kr. og
hækka um 786 millj. kr. frá
fyrra ári.
Rekstrarkostnaður á tíma-
bilinu nemur 232 millj. kr. og
hækkar um 32 millj. kr. frá
fyrra ári. Virðisrýrnun útlána
nam 101 millj. kr. og hækkar
um 19 millj. kr. frá fyrra ári.
Heildareignir námu 11.546
millj. kr. og hafa aukist um
13% frá árslokum 2006. Útlán
til viðskiptamanna námu
7.035 millj. kr. og hafa aukist
um 4% á árinu. Innlán námu
5.333 millj. kr. og jukust um
6% á tímabilinu. Eigið fé nam
3.115 millj. kr. í lok tímabils-
ins og eykst um 34% á tíma-
bilinu. Eiginfjárhlutfall sjóðs-
ins í lok júní var 14,0% en
það var 12,0% í árslok 2006,
að því er segir í tilkynningu.
Þetta er í fyrsta sinn sem
árshlutauppgjör Sparisjóðsins
er byggt á alþjóðlegum reikn-
ingsskilastöðlum, IFRS. Við
innleiðingu staðlanna hækk-
aði eigið fé sjóðsins um 512
millj.kr. Samanburðarfjár-
hæðum vegna ársins 2006
hefur verið breytt til samræm-
is við nýjar reikningsskilaregl-
ur. Innleiðing IFRS leiðir til
breytinga bæði á mati eigna
og skulda svo og framsetningu
á rekstrar- og efnahagsreikn-
ingi sparisjóðsins.
Rekstur Sparisjóðs Vest-
firðinga hefur gengið vel fyrstu
sex mánuði ársins og er hagn-
aðurinn umfram áætlanir.
Sjóðurinn skilaði 822 millj.
kr. hagnaði á tímabilinu, en
umtalsverð hækkun varð á
verðbréfum sjóðsins. Sú verð-
lækkun sem varð á verðbréfa-
eign sjóðsins eftir lok reikn-
ingstímabilsins er nú að mestu
gengin til baka. Stjórnendur
sparisjóðsins gera ráð fyrir að
afkoma fyrir árið í heild verði
góð þó svo ekki sé gert ráð fyrir
sömu hækkunum á verðbréf-
um sjóðsins á seinni hluta ársins.
Hagnaður Sparisjóðs Vestfirðinga eykst
Bæjarráð Ísafjarðar-
bæjar hefur samþykkt að
taka lán hjá Lánasjóði
sveitarfélaga til að fjár-
magna nýbyggingu Grunn-
skólans á Ísafirði að
fjárhæð 2 milljónir evra
sem jafngildir um 190
milljónum íslenskra króna.
Til tryggingar láninu
standa tekjur sveitarfé-
lagsins og verða tvær
afborgarnir greiddar ár-
lega.
Halldóri Halldórssyni,
bæjarstjóra Ísafjarðar-
bæjar hefur verið veitt
fullt og ótakmarkað um-
boð til þess fyrir hönd
Ísafjarðarbæjar að undir-
rita lánssamninginn við
Lánasjóð sveitarfélaga,
sem og til þess að mót-
taka, undirrita og gefa út,
og afhenda hvers kyns
skjöl, fyrirmæli og til-
kynningar sem tengjast
lántökunni. Í fjárhags-
áætlun ársins 2007 er gert
ráð fyrir að taka lang-
tímalán að fjárhæð 195
m.kr. sem nú er tilbúið
til útborgunar.
– thelma@bb.is
Tekur tvær
milljónir
evra að láni
Ísafjarðarbær tekur
190 milljón króna lán
til að fjármagna ný-
byggingu Grunnskól-
ans á Ísafirði.
Vestfirsk skip fá úthlutað
8,6% af heildaraflamarki ís-
lenskra fiskiskipa. Fiskistofa
hefur sent út tilkynningu um
aflaheimildir á fiskveiðiárinu
sem hefst þann 1. september
og er aflamark og krókaafla-
mark íslenskra fiskiskipa
301.307 þorskígildistonn.
Vestfirsku skipin sem fá út-
hlutað aflamarki á grunni afla-
hlutdeilda við upphaf fisk-
veiðiársins eru 121 talsins og
er aflamark og krókaaflamark
þeirra um 25.955 þorskígildis-
tonn. Þar af eru krókaafla-
marksbátar með 7.439 þorsk-
ígildistonn.
Skuttogarinn Júlíus Geir-
mundsson frá Ísafirði fær út-
hlutað langmest, eða um 5.126
þorskígildistonnum. Næst-
mest fær Páll Pálsson frá
Hnífsdal, um 3.610 þorskígild-
istonn. Langflestir bátanna eru
í Bolungarvík, eða 24 talsins.
14 eru frá Patreksfirði, 11 frá
Tálknafirði og 11 frá Ísafirði. Júlíus Geirmundsson ÍS-270.
Vestfirsk skip fá 8,6%
af heildaraflamarki
Íslandsleikar Special olym-
pics voru haldnir á Ísafirði
um helgina og tóku um 30
aðkomumenn og 8 heima-
menn þátt í leikunum. Keppni
hófst að kvöldi föstudags þeg-
ar dregið var í lið í knatt-
spyrnu, en degi síðar var keppt
í frjálsum íþróttum; 100 metra
hlaupi, kúluvarpi og lang-
stökki. Leikunum lauk svo
með fótboltaleik milli höfuð-
borgarsvæðis og landsbyggð-
ar og fóru leikar 6-1, höfuð-
borgarsvæðinu í vil. „Þetta
gekk bara mjög vel og við
vorum heppin með veður á
föstudagskvöldinu, en á laug-
ardag var rosalega blautt“,
segir Harpa Björnsdóttir, for-
maður íþróttafélagsins Ívar og
skipuleggjandi leikanna. „Það
voru allir rosalega ánægðir,
en margir keppenda voru að
koma til Ísafjarðar í fyrsta
sinn.“
Harpa segir að móttökur
einstaklinga og fyrirtækja í
bænum hafi verið til fyrir-
myndar. „Við fengum svaka-
lega góðar móttökur alls stað-
ar þar sem við báðum um
styrki. Magnús Hauksson í
Tjöruhúsinu gaf okkur súpu á
föstudagskvöldi, Bakarinn gaf
okkur kringlur og brauð og
Vífilfell Svala og Kók. Síld &
Fiskur gaf allt kjötið í grill-
veisluna í Skíðaskálanum í
Tungudal. Þá keyrði Trausti í
Stjörnubílum okkur upp í
Skíðaskála og til baka, okkur
að kostnaðarlausu. Við erum
mjög þakklát fyrir þetta og
þeir keppendur sem komu
annars staðar að voru alveg
orðlausir yfir þessum móttök-
um“, segir Harpa Björnsdóttir
formaður Íþróttafélagsins Ív-
ars. – halfdan@bb.is
„Orðlausir yfir móttökunum“
Keppendur í knattspyrnuleik milli höfuðborgar og landsbyggðar.