Bæjarins besta - 28.12.2007, Síða 2

FÖSTUDAGUR 28. DESEMBER 20072
Prestsetrin í Vatnsfirði og Ár-
nesi 1 aðeins venjulegar bújarðir
Segja á upp afnotasamning-
um á prestssetrunum Vatns-
firði við Ísafjarðardjúp og Ár-
nesi 1 í Árneshreppi sam-
kvæmt nýlegu samkomulagi
milli ríkis og kirkju um eign-
irnar. Ráðgjafarhópur um fast-
eignir Þjóðkirkjunnar lagði til
við kirkjuráð að öllum afnota-
samningum um fyrrum prests-
setur verði sagt upp þannig að
ráðið geti endurmetið ráðstöf-
un þessara eigna. Um er að
ræða jarðirnar Desjarmýri,
Skeggjastaði, Ása, Bergþórs-
hvol, Hvol í Saurbæ, Vatns-
fjörð, Árnes I, Prestsbakka,
Háls. Allar eiga þær sameig-
inlegt að vera fyrrum embætt-
isjarðir.
Sagt var frá því á ruv.is að
sóknarpresturinn í Langanes-
prestakalli væri ekki par ánægð-
ur með það að hafa verið sagt
upp jarðnæði á prestssetrinu
Skeggjastöðum í Bakkafirði.
Presturinn lét þó hjá líða að
gera athugasemdir við sam-
þykkt á Kirkjuþingi 2006 þar
sem ákveðið var að prests-
setrið yrði á Þórshöfn, sam-
kvæmt upplýsingum frá Bisk-
upsstofu. Enginn prestur er í
Árneshreppi en bændur í Ár-
nesi 2 hafa leigt Árnes 1 af
prestssetrasjóði síðan Árnes-
sókn var sameinuð undir
Hólmavíkurprestakall sem
tilheyrir Húnavatnsprófast-
dæmi. Á Vatnsfjarðarjörðinni
situr Sr. Baldur Vilhelmsson,
fyrrverandi prófastur, en hann
er nú aðeins einfaldur leiguliði
á þeirri jörð eftir að sóknin
var sameinuð undir Staðar-
prestakalli sem aftur heyrir
undir Vestfjarðaprófastsdæmi.
Guðmundur Þór Guðmunds-
son, framkvæmdastjóri kirkju-
ráðs segir að málið sé ein-
göngu lögfræðilegs eðlis og
verið sé að færa eignarhald
jarðanna á eina hendi. Jörðun-
um sé nú þinglýst á kirkju-
málasjóð og eftir það megi
segja að þær heyri ekki lengur
undir geistleg yfirvöld. Hon-
um þykir mjög líklegt að bænd-
ur að Árnesi 2 haldi áfram að
leigja jörðina, sem og Vatns-
fjarðarklerkur, enda sé gott að
vita af einhverjum til að gæta
eignanna. Mannvirki eins og
kirkjur og kirkjugarðar sem á
jörðunum eru verða ekki leigð
út. – sigridur@bb.is
Afli eykst í Bolungarvík
Tæplega 300 tonna aflaaukning varð milli ára í Bolungarvík miðað við tölur
Hagstofunnar um landaðan afla í nóvembermánuði. Síðastliðinn mánuð var
landað 1.109 tonnum í Bolungarvík samanborið við 814 tonn í sama mánuði í
fyrra. Mest var landað af þorski í fyrra eða 503 tonnum en 361 tonn af þorski
komu á land í ár. Sætaskipti hafi orðið á tegundum því mest var landað af ýsu í
liðnum mánuði. 381 tonn af ýsu var landað í nóvember s.l. samanborið við 279
tonn í fyrra. Þá var landað 325 tonnum af síld en engin síld barst í fyrra.
Þennan dag árið1894 gerði ofsaveður af vestri á landinu
með allmiklum skaða. Mikið sjávarflóð og hafrót var í
Reykjavík, sjór gekk upp í Hafnarstræti og skemmdir
urðu á húsum og skipum. Loftþrýstingur féll um meira
en 60 millibör á einum sólarhring, sem er sjaldgæft.
Dagurinn í dag
28. desember 2007 –362. dagur ársins
Sólbaðsstofan Linda í Bol-
ungarvík mun hætta starfsemi
upp úr áramótum en verslunin
hefur verið rekin frá árinu
1995. Fyrst hafði hún aðsetur
í kjallara Hvíta Hússins en flutti
sig um set í EG húsið árið
2001. Fatnaður hefur verið
seldur í versluninni auk gjafa-
vöru af ýmsu tagi og íþrótta-
fatnaðar.
„Hægt hefur verið að kom-
ast í sól og sumaryl með auð-
veldum hætti í sólbaðsstof-
unni Lindu og ljúft hefur þótt
að flatmaga á sólarbekkjunum
í stofunni og fá á sig fagur-
brúnan lit. Sést hefur í unaðs-
vörur í bland við skófatnað
og ilmvötn og margt forvitni-
legt hefur verið á boðstólnum.
Lokahnykkur í rekstri versl-
unarinnar verður útsalan í jan-
úar og þá verður hægt að fá
fínar vörur á góðu verði“,
sagði á fréttavef Bolvíkinga,
vikari.is, rétt fyrir hátíðarnar.
Sólbaðsstofan Linda hættir
Vill samræma lögreglu-
samþykktir Vestfjarða
Bæjarráð Ísafjarðarbæjar
hefur falið bæjarstjóra að kanna
hvort ekki sé rétt að samræma
lögreglusamþykktir sveitarfé-
laganna á Vestfjörðum. Á bæj-
arráðsfundi fyrir stuttu var tek-
in fyrir ný reglugerð dóms-
og kirkjumálaráðuneytisins
sem ætlað er að vera fyrir-
mynd að lögreglusamþykkt-
um sveitarfélaga.
Sveitarfélögunum er gefinn
frestur í 12 mánuði til að setja
nýjar lögreglusamþykktir ef
þau kjósa svo, annars gildir
reglugerðin sem lögreglusam-
þykkt fyrir viðkomandi sveit-
arfélag. Bæjarráð fól bæjar-
stjóra að láta samræma núgild-
andi lögreglusamþykkt við
hina nýju reglugerð.
Núgildandi lögreglusam-
þykkt Ísafjarðarbæjar var
samþykkt fyrir sex árum en
þá var jafnframt numin úrgildi
lögreglusamþykkt fyrir Ísa-
fjarðarkaupstað frá 4. desem-
ber 1984. Samþykktina má
finna á vef Ísafjarðarbæjar.
Lögreglustöðin á Ísafirði.
Kvennakórinn Vestfirskar valkyrjur, sem hófu annað starfsár sitt í haust, héldu
jólatónleika í Ísafjarðarkirkju stuttu fyrir jól, undir stjórn Bjarneyjar Ingibjargar
Gunnlaugsdóttur. Á efnisskránni voru jólalög frá ýmsum löndum og þótti viðstöddum
það skemmtileg nýjung í jólatónleikaflóruna á norðanverðum Vestfjörðum. Nokkrir
gestalistamenn komu fram með Valkyrjunum. Hrund Ósk Árnadóttir, söngkona
sem söng lag Magnúsar Eiríkssonar í Laugardagslögunum á síðasta laugardag,
söng bæði með og án kórsins og Stúlknakór Tónlistarskólans kom einnig fram.
Hjónin Hrólfur Vagnsson harmonikkuleikari úr Bolungarvík og Iris Kramer
trompetleikari léku undir söngnum. Ágætis aðsókn var á tónleikana, miðað við veð-
ur og þá staðreynd að Valkyrjurnar voru ekki einar um tónleikahituna þetta kvöld-
ið. – sigridur@bb.is
Valkyrjur sungu
jólalög utan úr heimi
Vestfirskar valkyrjur sungu við undirleik Hrólfs
Vagnssonar, undir stjórn Bjarneyjar I. Gunnlaugsdóttur.