Bæjarins besta - 28.12.2007, Blaðsíða 3

FÖSTUDAGUR 28. DESEMBER 2007 3
Kristina Logos yfirgefur Bolvíkinga Aflasamdráttur milli ára á Ísafirði
Aflasamdráttur varð milli ára í nóvember á Ísafirði. Í
nóvember 2007 komu á land 1.430 tonn en 1.092 í ár.
Þorskaflinn dróst saman um tæplega helming, var 612
tonn í fyrra en 353 tonn í ár. Ýsuaflinn jókst umtalsvert
milli ára eða úr 92 tonnum í 227 tonn. Í nóvember í fyrra
var landað 458 tonnum af síld á Ísafirði en engu í ár. Var
það tilfallandi löndun sem skekkir samanburðinn verulega.
Ryðkláfurinn Kristina Logos sem hefur grotnað niður höfninni í Bolungarvík um árabil yfirgaf
Bolungarvík fyrir hátíðarnar. Kristinu var siglt austur um haf þar sem það verður malað mélinu
smærra í brotajárn. Kristina Logos hefur ekki hreyfst í að minnsta kosti fjögur ár, eða ekki síðan
skipið var slegið Olís á uppboði í júní 2003. Á sínum tíma fengust þær upplýsingar hjá Olís að
kaupin á skipinu hefðu einungis verið til þess fallin að vernda hagsmuni Olís og að til stæði að
selja skipið aftur sem allra fyrst, en af því hefur sem sagt ekki orðið. Þar áður hafði Kristina Logos
reyndar fengið að ryðga við Reykjavíkurhöfn, frá árinu 2000-2002 þegar það var flutt vestur.
Erfitt að ná til vinnu-
markaðar í Ísafjarðarbæ
Ekki þykir líklegt að fólk
frá Ísafjarðarbæ sæki vinnu í
Hvestu í Arnarfirði verði olíu-
hreinsistöð sett upp þar, þó
svo að lagt yrði í miklar vega-
framkvæmdir. Þetta kemur
fram í skýrslu þar sem skoð-
aðir eru valdir samfélagsþættir
vegna olíuhreinsistöðvar á
Vestfjörðum. Í skýrslunni,
sem unnin var af Rannsókna-
og þróunarmiðstöð Háskólans
á Akureyri fyrir Fjórðungs-
samband Vestfirðinga kemur
fram að 1200 manns búi á
atvinnusvæði Hvestu í Arnar-
firði en 4100 íbúar á vinnu-
svæði Sanda í Dýrafirði, sé
miðað við 45 mínútna ferða-
tíma frá vinnustað.
Þegar tekið sé tillit til fjar-
lægðar frá vinnustað komi í
ljós að vinnusóknaraðlagaður
vinnumarkaður sé 150 ársverk
fyrir Hvestu, en 300 ársverk
fyrir Sanda, sem þyki lágar
tölur þegar höfð sé í huga
hreinsistöð sem þurfi yfir 500
manns í vinnu. Segir að erfitt
væri að ná til vinnumarkaðar
á Ísafjarðarsvæði til Hvestu,
þrátt fyrir miklar vegabætur,
sem þó séu nauðsynlegar
hvort sem olíuhreinsistöð risi
í Hvestu eða á Söndum. Í
skýrslunni eru lagðar til ýmsar
vegaframkvæmdir.
Miðað er við að um sé að
ræða tvo vinnumarkaði og
bent á að samgöngur innan
hvors þeirra fyrir sig séu ekki
hindrunarlausar. Þá er bent á
að vinnusókn langt frá heimili
kosti launþegann bæði tíma
og peninga sem hugsanlega
þyrfti að bæta honum upp í
launum. Dæmi er tekið um
einstakling búsettan á Ísafirði
sem sækti vinnu á Söndum í
Dýrafirði. Hann þarf að fara
52 kílómetra aðra leið eða
samtals 104 kílómetra á dag
til og frá vinnu. Reiknað er
með að það taki hann 73 mín-
útur miðaða við 85 kílómetra
meðalhraða og samkvæmt út-
reikningum þurfi hann 3000
krónur á dag til að vega upp
fjarlægðina til Sanda eða 60
þúsund á mánuði. Til að fá þá
upphæð aukalega útborgaða
á mánuði þurfi að greiða hon-
um 90-100 þúsund aukalega.
Skaffi vinnuveitandinn akstur-
inn þurfi einungis að vega upp
á móti tímanum og þá þyrfti
launþeginn að fá 20 þúsund
krónur aukalega útborgaðar. Ísafjörður.
Ákveðið hefur verið að
flytja tónleika Dúndurfrétta
í Edinborgarhúsið á Ísafirði.
Miðar sem keyptir hafa ver-
ið í forsölu gilda á viðburð-
inn eftir sem áður og allir fá
sæti. Örfáir miðar eru eftir
á lausu og eru menn hvattir
til að tryggja sér miða í tíma.
Ástæða breytingarinnar er
fyrst og fremst tæknilegs
eðlis. Gera má ráð fyrir því
að hljómburður verði betri
í Edinborgarhúsinu og þarf
sem allir fá sæti verður þetta
með allra besta móti. Óhjá-
kvæmilega verður ekki hægt
að selja jafn marga miða og í
íþróttahúsinu en við því er
ekkert hægt að gera. Á tónleik-
unum mun hljómsveitin taka
bland af því besta sem hún
hefur flutt í gegnum árin.
Hvergi verður til sparað við
að gera þessa tónleika sem
glæsilegasta og einungis er
selt í sæti.
Hljómsveitin Dúndurfréttir
var stofnuð í október 1995.
Megin markmiðið með stofn-
un hljómsveitarinnar var að
meðlimir hennar gætu hist og
spilað lög eftir þær hljóm-
sveitir sem eru í hvað mestu
uppáhaldi hjá þeim. Þessar
hljómsveitir eru m.a. Pink
Floyd, Led Zeppelin, Deep
Purple og Uriah Heep. Þar
sem strákarnir höfðu ekkert
fast húsnæði til að hittast varð
það úr að þeir byrjuðu að spila
á Gauki á Stöng. Málin þró-
uðust svo þannig að Dúnd-
urfréttir hafa spilað til
fjölda ára við góðan orðstír
á Gauknum.
Hljómsveitin hefur síðan
þá troðfyllt öll helstu tón-
leikahús landsins og það
oft í röð. Nú síðast héldu þeir
rómaða tónleika í Laugar-
dalshöllinni ásamt Sin-
fóníuhljómsveit Íslands.
Flutningur þeirra á rómuð-
um verkum hljómsveitanna
þykir hreint magnaður.
Tónleikar Dúndurfrétta í Edinborg
Vélaverðir sem viðstaddir voru athöfnina ásamt
skólameistara, aðstoðarskólameistara og áfangastjóra.
Jólaútskrift Menntaskólans
á Ísafirði fór fram í Ísafjarðar-
kirkju fyrir hátíðarnar. Út-
skrifaðir voru sjö nýstúdentar
og einn húsasmiður og braut-
skráðir voru 17 vélaverðir.
Hæstu einkunnir hlutu að
þessu sinni tveir eyjaskeggjar.
Annars vegar Bjarni Salvars-
son úr Vigur í Ísafjarðardjúpi
sem dúxaði á stúdentsprófi
með 8,81 í einkunn og hins
vegar Eyðfinn Bjarnastein frá
Færeyjum sem var með hæstu
einkunn vélavarða. Af nýstúd-
entunum sjö voru þrír af fé-
lagsfræðibraut og fjórir af
náttúrufræðibraut.
Allir náttúrufræðistúdent-
arnir luku námi á þremur og
hálfu ári. Bjarni var ekki ein-
göngu með hæstu aðaleink-
unn, heldur hlaut hann líka
verðlaun fyrir góðan árangur
í raungreinum og stærðfræði
og fyrir mætingu. Hann var
með 100% mætingu allar ann-
ir nema tvær en þá var hann
með 99% mætingu. Dúxinn
hélt ræðu af tilefninu og að
sögn viðstaddra sló hann í
gegn með mælsku sinni og
skemmtilegheitum.
– sigridur@bb.is
Eyjaskeggjar dúxa í MÍ
Nýstúdentar, vélaverðir og húsasmiður ásamt Jóni Reyni Sigurvinssyni skólameistara
MÍ, Hildi Halldórsdóttur aðstoðarskólameistara og Friðgerði Ómarsdóttur áfangastjóra.
Menntaskólinn á Ísafirði.