Bæjarins besta - 28.12.2007, Blaðsíða 15

FÖSTUDAGUR 28. DESEMBER 2007 15
Styttri brennur þurfa ekki leyfi heilbrigðiseftirlits
Brennum sem ætlað er að lifa skemur en tvo tíma þurfa ekki lengur leyfi heilbrigðiseftirlits. Hið
sama gildir um flugeldasýningar á tímabilinu 28. desember til 6. janúar. Eftir sem áður þarf að
sækja um brennuleyfi til lögreglustjóra með minnst 15 daga fyrirvara. Með umsókn um brennu-
leyfi skal leggja fram skriflegt samþykki sveitarstjórnar, skriflegt samþykki slökkviliðsstjóra og
vottorð vátryggingafélags um ábyrgðartryggingu vegna brennu. Í fundargerð heilbrigðisnefndar
Vestfjarða frá 7. desember eru sveitarfélög minnt á að tækifærisbrennur eru ætlaðar til að auka
gleði þeirra sem á horfa en eru ekki ætlaðar sem leið til úrgangsförgunar.
Sælkeri vikunnar er Ellert Örn Erlingsson á Þingeyri
Þegar allt annað bregast
Sælkerinn Ellert býður upp
á grillaðar pylsur, slys á pönnu
og grillaðar samlokur sem
hann hefur oft þurft að grípa
til þegar hann hefur séð um
eldamennskuna á sínu heimili.
„Í boði eru þrír sjálfstæðir
réttir sem nýtast oftar en ekki
þegar tími til eldamennsku er
af skornum skammti og eða
þegar “ekkert er til í matinn”!
Magnið sem notast er við í
hvern rétt hverju sinni er undir
hverjum og einum komið og
mjög líklega tengt hungri.“
Grillaðar pylsur
eða soðnar pulsur
Nokkrar SS-pylsur (annað
er bara vitleysa).
Jafnmörg pylsubrauð og
pulsurnar telja (87% möst
að þau séu skorin)
Tómatsósu í brúsa
SS- og danska pölsesinn
epið er ómissandi
Steiktur laukur - best og
fyrirhafnarminnst að kaupa
hann tilbúinn og steiktan.
„Venjulegur“ laukur – skor
inn mjög smátt niður
Setjið pylsurnar á grillið og
grillið uns þær springa og
klofna, þá er næsta víst að
þær eru tilbúnar. Sama gildir
ef pulsurnar eru soðnar í potti,
látið þær verða úthverfar og
ekki slökkva á suðunni fyrr.
Ef notast er við grill þá er
kjörið að hita brauðið á grill-
inu en annars er notast við
örbylgjuofninn ef pulsurnar
eru soðnar í potti. Lauknum
og tómatsósunni er skellt í
botn brauðsins og sinnepið
borið zikk-zakk ofan á pyls-
una – mikilvægt til að fá rétta
bragðið. Reynið að forðast
remúlaði svona til að halda
línunum í lagi.
Slys á pönnu (Egg í brauði)
Egg (hrátt)
Skinkusneiðar
Samlokubrauð
Ostur
Grænmetissósa
Gerið er „lala“ stórt/lítið gat
á samlokubrauðsneiðina miðja.
Eins er gert gat á miðja skinku-
sneiðina. Gott er að hita og
snögg steikja brauðið og
skinkuna á pönnunni áður en
allt verður sett saman. Hita/
steikja þá báðu megin. Þegar
því er lokið er brauðið (með
gatinu) sett á pönnuna, skinku-
sneiðin (með gatinu) lögð ofan
á og þar ofan á er svo settur
ostur (c.a. tvær ostsneiðar –
fyrir ofan og neðan gatið). Því
næst er skurnin brotin á egginu
og egginu hellt ofan í á milli
ostsneiðanna og ofan í gatið á
skinkunni og brauðinu. Eggið
fer því næst að steikjast og
þegar massinn sem fór í gatið
og undir brauðið hefur mynd-
að fast form er brauðinu snúið
og eggrauðan spæld í sam-
krulli við bráðin ost. Þegar þessi
hið er líka komin í fast form
er brauðið tilbúið. Gott að bera
brauðið fram með grænmetis-
sósu.
Grillaðar samlokur
Skinkusneiðar
Samlokubrauð
Ostur
Venjulegur laukur
Kál
Grænmetissósa
Sinnepsósa
Grillbrauðpokar
Þegar samlokan er útbúin
er önnur brauðsneiðin smurð
með grænmetissósu og hin
sneiðin með sinnepsósu. Því
næst fer skinkusneið ofan á
grænmetissósubrauðsneiðina
og 2-3 ostsneiðar á sinnep-
sósubrauðsneiðina. Nokkur
blöð af káli eru rifin niður og
lögð ofan á skinkuna og þunnt
skornir laukhringir eru lagðir
ofaná ostinn. Er þá kominn
tími til að setja brauðsneiðarn-
ar með fylgihlutum saman og
stinga samlokunni í þar til
gerðan grillbrauðpoka (sem
fæst í öllum heldri matvöru-
verslunum). Kremja þarf að-
eins samlokuna saman til að
koma henni í grillbrauðpok-
anum ofan í brauðristina sem
sér um að grilla þessa veislu-
máltíð. Þegar brauðristin skýt-
ur brauðinu upp er maturinn
tilbúinn!
Ég skora á harðfiskbónd-
ann Hjalta Proppé á Þingeyri
til galdra fyrir okkur næst!
Fasteign til sölu
Til sölu er húseignin að Sólgötu 9, Ísa-firði. Um
er að ræða 370m² atvinnuhúsnæði á tveimur
hæðum. Í húsinu er prentsmiðja og skrifstofur.
Eignin gefur góða möguleika fyrir ýmis konar
starfsemi, en
einnig er hægt
að skipta henni
upp í hluta og
þá jafnvel í íbúð-
arhúsnæði eða
blöndu af atvinnu-
og íbúðarhús-
næði. Meðfylgj-
andi er 456m² eignarlóð.
Allar nánari upplýsingar gefur Fasteignasala
Vestfjarða í síma 456 3244, veffang: fsv.is.
Ánægjan skein úr hverju andliti.
Áður en haldið var í jólafrí
fullt gerðu nemendur í Grunn-
skólanum á Ísafirði sér daga-
mun og héldu Litlu jólin sem
er árviss viðburður í skóla-
haldi flestra skóla eins og
kunnugt er.
Nemendur og kennarar
mættu prúðbúnir í skólann,
stofur og gangar skreyttir
skrauti sem nemendur sjálfir
hafa búið til síðustu vikur. Þar
gæddu ballgestir sér á smá-
kökum, skiptust á litlum gjöf-
um og áttu notalega stund með
sínum bekk og umsjónarkenn-
arar í kennslustofunni. Nem-
endum var síðan skipt niður
og fóru í þremur hollum inn í
sal þar sem bæði var sungið
og dansað í kringum jólatréð
með rauðklæddum sveinum
með tilheyrandi gleði. Mikil
jólastemmning ríkti bæði í
hjörtum yngri sem eldri enda
ekki amalegt að stytta biðina
til jóla sem er svo ósköp löng
þegar maður er barn með smá
forsmekk á sæluna.
Skólastarf hefst svo aftur á
nýju ári þann 4. janúar og ekki
var að sjá mikla sorg í augum
barnanna þegar þau yfirgáfu
skólann enda er framundan
hátíð ljóss og friðar með til-
heyrandi rólegheitum, áti á
góðum mat, smákökum og
konfekti. Dansað var í kringum jólatréð.
Jólaball í Grunnskólanum
Börnin biðu prúðbúin eftir því að ballið byrjaði….
Leiðrétting frá Sparisjóði Bolungarvíkur
Sparisjóður Bolungarvíkur vill koma leiðréttingu á framfæri, vegna fréttar í
síðasta blaði. Í fréttatilkynningu frá sjóðnum vegna mikils áhuga á stofnfjár-
útboði misritaðist að Sparisjóður Bolungarvíkur væri eina bankastofnunin
með höfuðstöðvar á Vestfjörðum. Hið rétta er þó að Sparisjóður Bolung-
arvíkur er eina bankastofnunin með höfuðstöðvar á Vestfjörðum vestan
Steingrímsfjarðarheiðar, en Sparisjóður Strandamanna, Hólmavík heldur
úti fullri starfsemi í sinni heimabyggð, hinu megin Steingrímsfjarðarheiðar.