Bæjarins besta - 28.12.2007, Blaðsíða 9

FÖSTUDAGUR 28. DESEMBER 2007 9
„Við flytjum inn okkar ávexti og grænmeti sjálfir í gegnum dóttur-
fyrirtæki okkar sem heitir Búr. Neytendur eru sjálfsagt ekki búnir að
gleyma því þegar vissir aðilar í þeim geira voru með samráðsfundi í
Öskjuhlíðinni, eins og frægt varð. Eftir að það upplýstist ákváðum við
að flytja inn ávexti og grænmeti á okkar eigin forsendum.“
sbyggðinni
þess. Það er ekki hægt að ætl-
ast til þess að einstaklingar
reki verslanir á svona stöðum.
Það er hreinlega ekki hægt.
Þaðan af síður léttir ríkið undir
með olíugjaldinu eins og það
nú er og aðrar álögur á flutn-
inga út um land. Mér finnst
það alveg til skammar. Mér
finnst að þeir sem stjórna
þessu landi ættu að athuga
sinn gang og skoða betur þann
kostnað sem þeir leggja á
landsbyggðina.
Við berum sannarlega ekki
mikið úr býtum á sumum stöð-
um þar sem við erum með
verslanir. Þannig er reksturinn
hjá okkur í Bolungarvík mjög
þungur, og svo er víðar. Það
er bara spurningin hvað maður
heldur þetta lengi út. Á móti
kemur, að við teljum okkur
hafa samfélagslegar skyldur
og viljum rækja þær eins og
kostur er. En ef neytendur vilja
ekki versla við okkur þar sem
við erum, þá er sjálfsagt fyrir
aðra að spreyta sig á því. Við
ætlum okkur ekki að standa í
taprekstri, eins og ég sagði.“
„Við teljum okkur mikil-
vægan hlekk í matvöruversl-
uninni hérlendis. Við flytjum
inn okkar ávexti og grænmeti
sjálfir í gegnum dótturfyrir-
tæki okkar sem heitir Búr.
Ekki síst teljum við okkur
mikilvægan hlekk í því að
halda uppi samkeppni á því
sviði. Neytendur eru sjálfsagt
ekki búnir að gleyma því þeg-
ar vissir aðilar í þeim geira
voru með samráðsfundi í
Öskjuhlíðinni, eins og frægt
varð. Eftir að það upplýstist
ákváðum við að flytja inn
ávexti og grænmeti á okkar
eigin forsendum. Við teljum
að okkar innflutningur hafi
lækkað verulega verðið á
ávöxtum og grænmeti hér-
lendis.
Í stöðugt vaxandi mæli er-
um við sjálfir að flytja vörur
beint inn til landsins. Við flytj-
um inn matvörur frá Bretlandi
og Danmörku og mörgum
öðrum löndum víða um heim,
til hagsbóta fyrir viðskiptavini
okkar. Þau viðskiptakjör sem
við njótum hjá íslenskum
birgjum eru að okkar mati ekki
með þeim hætti að við getum
keppt þar við stóru aðilana.
Ég hef gagnrýnt hvernig ís-
lenskir heildsalar ráða ferðinni
í þeim efnum.“
Verslum við
heimaaðila
„En auðvitað viljum við
versla við sem flesta. Við
verslum við heimaaðila eins
og kostur er alls staðar þar
sem við erum með verslanir.
Við reynum að gera það hvort
sem það er á Ísafirði eða Siglu-
firði eða Þórshöfn eða Horna-
firði eða hér á Suðurnesjum,
svo lengi sem menn eru með
samkeppnishæf verð. Ég hvet
fólk til þess að huga líka að
þessu, því að oft er verið að
sækja vatnið yfir lækinn, eins
og það er kallað.
Það eru að verða miklar
breytingar á neysluvenjum
þjóðarinnar. Þannig er mikið
spurt um hvers konar lífrænar
vörur. Þar er aukningin líklega
um 30% á ári, þannig að fólki
er greinilega ekki sama hvað
það lætur ofan í sig. Það eru
margar góðar og verðmætar
afurðir sem koma úr ósnort-
inni náttúru úti á landi. Mér
finnst lítið hafa verið gert í
vöruþróun eins og varðandi
fisk og sjávarafurðir yfirleitt.
Ennþá er verið að selja bara
soðningu og saltfisk og lítið
hefur verið hugað að einhvers
konar vöruþróun fyrir íslenska
neytendur.“
Allt byggist
á atvinnunni
- Framtíð byggðarinnar á
Vestfjörðum ...
„Vissulega hafa verið mikl-
ir erfiðleikar í atvinnulífinu í
plássunum fyrir vestan. Auð-
vitað vonast maður eftir ein-
hverri kúvendingu í atvinnu-
málum þannig að fólk fari að
flytjast þangað á ný. Maður
veit svo sem ekki varðandi
húsnæðisdýrtíðina á höfuð-
borgarsvæðinu, kannski það
verði til þess að fólk flytji
aftur í heimahagana að ein-
hverju leyti.
Aftur á móti held ég því
miður að atvinnutækifærin
séu fá. Þetta snýst um atvinnu-
mál, þetta snýst um að hafa
góða og trygga atvinnu allt
árið um kring. Ég hef mikla
trú á vaxandi ferðaþjónustu.
Atvinnan sem hún skapar er
samt að mestu bundin við há-
sumarið enn sem komið er.
Varðandi sjávarútveginn, þá
eru menn því miður að selja
sig út úr honum þannig að
hann virðist vera að færast á
fárra hendur. Sem betur fer
eru þó enn kraftmiklir menn
sem stunda útgerð í þessum
fámennu byggðarlögum fyrir
vestan og halda uppi atvinnu.“
Vestfirðingar í
stjórnunarstöðum
- Er það rétt að margt fólk
frá Vestfjörðum sé starfandi í
höfuðstöðvum Samkaupa?
„Hér í stjórnendateyminu
eru vissulega nokkrir sem eiga
rætur að rekja vestur á firði.
Ómar Valdimarsson fjármála-
stjóri er Bolvíkingur og var
lengi verslunarstjóri hjá okkur
á Ísafirði. Benedikt Kristjáns-
son rekstrarstjóri fyrir Sam-
kaup úrval og Samkaup strax
er líka Bolvíkingur og var lengi
kaupmaður á Ísafirði og í Bol-
ungarvík. Dómhildur Árna-
dóttir starfsmannastjóri er ætt-
uð frá Patreksfirði. Sólveig
Thorarensen aðalbókari var
búsett á Ísafirði. Ýmsa fleiri
mætti telja, en þeir ekki ráðnir
vegna þess að þeir eru Vest-
firðingar heldur á öðrum for-
sendum en ætt og uppruna!“
Kvörtum ekki
„Reksturinn hjá Samkaup-
um gengur vel. Í sjálfu sér
kvörtum við ekki yfir honum.
Að sjálfsögðu þrengir að í
byggðum þar sem samdráttur
er í sjávarútvegi. Það endur-
speglast beint í versluninni.
Það er okkar hagur að sjávar-
útvegur og landbúnaður gangi
vel. Við erum víða með versl-
anir þar sem atvinnulífið
byggist á þessum greinum.
Ég veit að Vestfirðingar eru
kraftmiklir og gefast ekki svo
auðveldlega upp, þannig að
ég hef fulla trú á mínum
heimahögum, þrátt fyrir ýms-
ar óhjákvæmilegar breytingar
í sjávarþorpunum.“
– Hlynur Þór Magnússon.