Bæjarins besta - 29.01.2009, Síða 21

FIMMTUDAGUR 29. JANÚAR 2009 21
„Þrusustuð á blótinu“
Bolvíkingar blótuðu þorra í 64. sinn í íþróttahúsinu í Bolungarvík á laugardag. Að sögn
Steinunnar Guðmundsdóttur, nefndarkonu, mættu 218 manns á blótið og skemmtu sér kon-
unglega. „Skemmtiatriðin gengu mjög vel. Ég get ekki sagt að það hafi verið neitt sérstakt þema
á þeim en það var stungið á helstu málum sem hafa verið að gerast í samfélaginu og var þeim
fléttað inn í atriðin með söng og leik,“ segir Steinunn. Bæjarbragurinn var sunginn og vísur um
hverja nefndarkonu. Hún segir Bolvíkinga kunna ágætlega við að blóta þorra í íþróttahúsinu
en sakni að einhverju leyti þrengslanna í félagsheimilinu í Bolungarvík. Baldur og Margrét
léku síðan fyrir dansi til kl. 03 og var þrusu stuð að sögn Steinunnar. – birgir@bb.is