Bæjarins besta - 10.12.2009, Blaðsíða 2

2 FIMMTUDAGUR 10. DESEMBER 2009
Guðfinna M. Hreiðarsdóttir,
sagnfræðingur á Ísafirði, hefur
ákveðið að gefa kost á sér í fyrsta
sæti framboðslista Sjálfstæðis-
flokksins í Ísafjarðarbæ í próf-
kjöri sem haldið verður 13. febr-
úar næstkomandi vegna sveitar-
stjórnarkosninga í vor. Í til-
kynningu frá Guðfinnu segir:
„Ég hef tekið ákvörðun um að
gefa kost á mér í fyrsta sæti fram-
boðslista Sjálfstæðisflokksins í
Ísafjarðarbæ í prófkjöri flokksins
sem fram fer 13. febrúar næst-
komandi vegna sveitarstjórnar-
kosninga á komandi vori. Ég hef
fylgst grannt með bæjarstjórnar-
málum undanfarin ár og verið
virk í starfi flokksins, m.a. átt
sæti í stjórn fulltrúaráðs sjálf-
stæðisfélaganna í Ísafjarðarbæ og
verið í kjörnefnd flokksins í
Norðvesturkjördæmi. Jafnframt
hef ég notið þess að vera þátttak-
andi í fjölbreyttu félagsstarfi og
reynt að leggja mitt af mörkum
til þess einstaka menningar- og
mannlífs sem er hér á svæðinu.
Það er að vandlega íhuguðu
máli sem ég tek ákvörðun um að
bjóða mig fram til ábyrgðarstarfa
fyrir bæjarbúa og sækjast eftir
forystusæti á lista Sjálfstæðis-
flokksins í Ísafjarðarbæ í sveitar-
stjórnarkosningunum í vor. Lands-
byggðin hefur lengi átt undir
högg að sækja og ekki síst Vest-
firðir þar sem varnarbarátta hefur
verið háð um árabil. Erfiðleik-
arnir sem nú steðja að þjóðinni
eru hins vegar þeir mestu í sögu
lýðveldisins og hefur aldrei verið
mikilvægara að standa vörð um
hagsmuni sveitarfélagsins, íbúa
þess og fyrirtæki. Þetta er góður
málstaður að berjast fyrir því að
hér fyrir vestan er eftirsóknarvert
að lifa og starfa. Ég lýsi mig
reiðubúna til að taka þátt í þeirri
baráttu af heilum hug og gera
mitt til að vinna að farsælli upp-
byggingu bæjarfélagsins á kom-
andi árum.“
Guðfinna M. Hreiðarsdóttir er
fædd 3. apríl 1966 í Reykjavík.
Foreldrar hennar eru Hreiðar
Eyjólfsson bílstjóri og Elsa Ein-
arsdóttir húsmóðir, búsett í
Reykjavík. Guðfinna lauk stúd-
entsprófi frá Menntaskólanum í
Reykjavík vorið 1986, BA-prófi
í sagnfræði frá Háskóla Íslands
1991 og MA-próf í hagnýtri
menningarmiðlun frá Háskóla
Íslands 2009. Á undanförnum ár-
um hefur hún verið sjálfstætt
starfandi við ýmiss konar ritstörf
og ritstjórn, einkum um sagn-
fræðileg efni. Hún hefur einnig
unnið og sett upp sýningar þar
sem viðfangsefnið er fortíðin og
sagan frá mismunandi sjónar-
hornum. Guðfinna hefur átt sæti
í ýmsum nefndum og stjórnum,
m.a. er hún formaður stjórnar
Sögufélags Ísfirðinga, formaður
stjórnar Byggðasafns Vestfjarða
auk þess sem hún á sæti í Hrafns-
eyrarnefnd og göngunefnd Skíða-
félags Ísfirðinga.
Guðfinna er gift Halldóri Hall-
dórssyni bæjarstjóra og eiga þau
þrjú börn. Þau hafa verið búsett á
Ísafirði frá árinu 1996.
Guðfinna býður sig
fram í fyrsta sæti
Jólasveinar létu sig ekki vanta og gáfu börnum góðgæti.
Ljósin á jólatré Ísfirðinga á
Silfurtorgi voru tendruð við fjöl-
menna athöfn á laugardag. Jóla-
tréð var fengið að gjöf frá Húsa-
smiðjunni eins og undanfarin tvö
ár. Af tilefni af tendruninni var
mikið um dýrðir á Silfurtorgi.
Styrktarfélag Tónlistarskóla Ísa-
fjarðar var með árlega torgsölu
sína. Lúðrasveit lék nokkur jóla-
lög og kór söng nokkur lög.
Að loknu ávarpi Halldórs Hall-
dórssonar, bæjarstjóra Ísafjarðar-
bæjar, var kveikt á jólatrénu.
Hápunktur dagsins var að sjálf-
sögðu koma jólasveina sem skemmtu
með söng sínum og færðu krökk-
um góðgæti. Þrátt fyrir að veður-
guðirnir hafi ekki verið í jóla-
skapi myndaðist sannkölluð há-
tíðarstemmning á torginu.
Ljósin tendruð á
jólatré Ísfirðinga
Fjölmenni var viðstatt þegar ljósin á jólatré Ísfirðinga var tendrað.