Bæjarins besta - 10.12.2009, Page 16

16 FIMMTUDAGUR 10. DESEMBER 2009
Af Strútum og Stökkum
Stakkur hefur ritað vikulega pistla í Bæjarins besta í mörg ár. Skoðanir hans á mönnum og málefnum
hafa oft verið umdeildar og vakið umræður. Þær þurfa alls ekki að fara saman við skoðanir útgefenda blaðsins.
Þrátt fyrir það bera ábyrgðarmenn blaðsins ábyrgð á skrifum Stakks á meðan hann notar dulnefni sitt.
Stakkur skrifar
Um það bil 215 börn voru í leik-
skólum Ísafjarðarbæjar þetta
skólaárið, sem er aðeins færra en
árið áður, en þá voru um það bil
230 börn á leikskólunum. Leik-
skólarnir eru 6, þar af er einn
fjögurra deilda og einn þriggja
deilda.
Við leikskólana voru 58,3
stöðugildi og er það tveimur
stöðugildum færra en var í fyrra,
en þá voru 60,5 stöðugildi.
Stöðugildi fylgja alltaf barna-
fjölda, og eru því aldrei fleiri
stöðugildi en þörf er á. Miklu
fleiri starfsmenn sinna störfunum
en stöðugildin segja til um. Flest-
ir starfsmenn er leiðbeinendur
og hafa ekki átt kost á námskeið-
um við hæfi að öðru leyti en því
sem leikskólastjórar hafa fundið
til á starfsdögum.
– fridrika@bb.is
Börnum á leik-
skólum fækkar
Náttúrustofa Vestfjarða hefur
formlega tekið við rekstri sjó-
minjasafnsins í Ósvör í Bolung-
arvík af bænum. Að sögn Þorleifs
Eiríkssonar, forstöðumanns Nátt-
úrustofu Vestfjarða, hefur Nátt-
úrustofan séð um safnið að mestu
leyti undanfarið, þótt reksturinn
hafi verið í höndum bæjarfélags-
ins. „En nú er sem sagt orðin
þessi breyting á og nú tökum við
alveg yfir og sjáum algjörlega
um reksturinn,“ segir Þorleifur.
Eftir að Náttúrustofan kom að
rekstri safnsins urðu þær breyt-
ingar á að Ósvör var gert að „al-
vöru safni“ eins og Þorleifur orð-
ar það. Í því felst að sinna öllum
skyldum safna sem eru sýningar,
varðveisla muna og rannsóknir.
„Þetta er staðfesting á því sem
við höfum verið að vinna að,“
segir Þorleifur. „Við höfum verið
að vinna eftir þessum reglum síð-
asta árið til reynslu og það sem
sagt endaði með því að ákveðið
var að gera þennan formlega
samning um að Náttúrustofan
tæki yfir rekstur safnsins.“
Sjóminjasafnið í Ósvör stendur
austast í Bolungarvíkinni, niðri
við sjóinn og samanstendur af
tvöfaldri 19. aldar verbúð, salt-
húsi, fiskreit og þurrkhjalli. Á
meðal sýningagripa er áraskipið
Ölver sem gefur góða mynd af
þeim skipum sem notuð voru til
fiskveiða fyrr á öldum. Í safninu
eru einnig til sýnis veiðarfæri og
ýmis tæki og tól sem notuð voru
við veiðar og fiskverkun á öldum
áður.Safnvörðurinn tekur á móti
gestum íklæddur skinnklæðum
líkum þeim er íslenskir sjómenn
klæddust áður fyrr og lýsir því
sem fyrir augu ber, að því er
fram kemur á heimasíðu safnsins.
– fridrika@bb.is
Náttúrustofa Vestfjarða tekur
formlega við rekstri Ósvarar
Náttúrustofa Vestfjarða hefur formlega tekið við rekstri sjóminjasafnsins í Ósvör.
Sá mæti maður Magnús
Reynir Guðmundsson ritar grein
á vefsíðu BB og Magnús reynir þar við það töfrabragð að
breyta Stakki í Strút. Líkir hann þeim síðarnefnda við hinn
fyrrnefnda og telur að báðir stingi höfðinu í sandinn. Er þetta
hin skemmtilegasta kenning en fær vart staðist fremur en
annað í greininni, nema náttúrlega hann sé að feta í farið sem
hann vill meina að hinn fyrrnefndi hafi arkað. Magnúsi Reyni
er margt til lista lagt og hefur fengist við ýmislegt um ævina
og telst því með lífsreyndari mönnum. Hann hefur verið
fréttaritari Ríkisútvarpsins, varaþingmaður Framsóknar-
flokksins og setið á Alþingi 1983, 1985 og 1986, verið vara-
maður í bæjarstjórn Ísafjarðarkaupstaðar fyrir Framsóknar-
flokkinn og er nú bæjarfulltrúi Í-lista í bæjarstjórn Ísafjarðar-
bæjar. Áður var Magnús einnig bæjarritari Ísafjarðarkaup-
staðar í rúm tuttugu ár. Hann var einnig bæjarfulltrúi Frjáls-
lyndra og óháðra heilt kjörtímabil, árin 2002 til 2006.
Magnús gegndi því aðalstarfi að vera bæjarritari og var
samtímis varabæjarfulltrúi Framsóknarflokksins í Ísafjarðar-
kaupstað. Hann hefur verið og er enn framkvæmdastjóri
Frjálslynda flokksins á landsvísu, þótt enginn sé lengur full-
trúinn á Alþingi. Fáir menn hafa slíkan feril og jafn mikla
pólitíska reynslu. Fáir ef nokkur var öllum hnútum kunnugri
í rekstri Ísafjarðarkaupstaðar þegar hann varabæjarfulltrúi
og í föstu starfi sem bæjarritari.
Fyrir rúmum fimm árum var bent á mikla reynslu Magnúsar
Reynis á þessum vettvangi. Viðbrögð hans voru þá þau að
skamma Stakk. Hefur því þótt óvarlegt að hrósa Magnúsi
Reyni síðan. Að honum hefur ekki verið vegið. Það hefði
verið til fyrirmyndar ef Magnús sem sjálfur dylgjar að manni,
sem eitt sinn bjó hér á Ísafirði, hefði bent á hverjir hinir nafn-
greindu menn væru sem hann telur að veist hafi verið að, oft-
ar en ekki ,,með óhróðri, ósannindum og dylgjum”. Það
reynir Magnús ekki og dæmir þar með skrif sín sjálfur.
Magnúsi Reyni skal á það bent að þrátt fyrir leit í gagnasafni
BB fannst ekkert sem rennir stoðum undir fullyrðingu hans .
Margt hefur hann gott gert og er vel ritfær. Það hefur notið
sín í þjóðmálaumræðu og er vel. Hins vegar verða honum á
all algeng mistök að slá því fram að strúturinn stingi höfðinu
í sandinn, notar reyndar orðalagið ,,sem sagt er.” Allt upplýst
fólk veit vel að það eru ósannindi að strúturinn stingi höfðinu
í sandinn þegar hann hræðist. Hann annað hvort leggst niður
flatur eða flýr. Hvorugt á við hér. Á tímum alvöru og átaka í
samfélaginu er eðlilegt að ræða þau málefni sem varða
þjóðina til framtíðar. Þjóðin verður að standa saman ef vel á
að fara.
smáar
Til sölu er 5 ára gamalt borð-
stofuborð. Fæst á mjög góðu
verði. Uppl. í síma 845 8579.
Óska eftir að kaupa göngu-
skíðagræjur fyrir 9 ára stelpu.
Uppl. í síma 456 4756 og 866
8501 (Sóley).
Til sölu er Subaru Legacy
Wagon, 4x4, sjálfskiptur, árg.
1999, ekinn 145 þús. km. Sum-
ar- og vetrardekk fylgja. Ásett
verð kr. 480 þús. Upplýsingar
í síma 894 4612.
Kvenfélagskonur í Hvöt í
Hnífsdal komu færandi hendi
á vinnustofu Hlífar á Ísafirði
á dögunum. Færðu þær
vinnustofunni forláta sauma-
vél til eignar. Hvöt hefur
haft þann sið að halda kvöld-
skemmtun árlega og nota
hluta ágóðans til að kaupa
eitthvað sem þær hafa svo
gefið Hlíf.
Maron Pétursson, forstöðu-
maður Hlífar, segist vilja
koma á framfæri þakklæti
til kvenfélagsins Hvatar fyrir
þennan mikla og góða stuðn-
ing í gegnum árin.
Vinnustofu
Hlífar færð
saumavél