Frjáls verslun - 01.08.2010, Side 18

18 F R J Á L S V E R S L U N • 8 . - 9 . T B L . 2 0 1 0
Fyrst þetta ...
RÚNA MAGNÚSDÓTTIR Í FORBES
Rúna Magnúsdóttir, ACC-stjórnendamarkþjálfi, sem stofnaði og rekur samskiptasíðuna connected-women.com, komst
á heimasíðu Forbes á lista yfir tuttugu konur sem þykir vert að fylgjast með á samfélagssíðunni Twitter.
Rúna Magnúsdóttir. Hún komst í byrjun
október á lista yfir 20 konur á heimasíðu
viðskiptatímaritsins Forbes sem þykir vert að
fylgjast með á Twitter.
úna Magnúsdóttir var búin
að reka heildsölu í nokkur
ár þegar hún seldi fyrirtækið
árið 2006 og fór að læra að
verða stjórnendamarkþjálfi og
er hún með ACC, alþjóðlega vottun frá
ICF. Hún hefur í gegnum tíðina verið með
einkaþjálfun og leiðbeint hópum.
„Aðaláherslan er að hjálpa fólki að ná
meiri árangri í lífi og starfi með því að
losa um hæfileika einstaklingsins, vinna
skipulega að því að vera leiðtogi í sínu
eigin lífi, með skýrri markmiðasetningu og
framtíðarsýn ásamt því að vera í sterkri
tengingu við sinn eigin drifkraft til að takast
á við verkefnin.
Það eru þrjú kjarnaatriði sem skipta
höfuðmáli við árangur fólks; skýr fram tíðar-
sýn og tilgangur, eldmóður til að komast
þangað og svo þurfum við að vera með
fólki sem trúir á mann og styður mann á
leiðinni.“
Tæknin gerir Rúnu kleift að þjálfa fólk í
öðrum löndum og notast hún þá við símann
eða Skype.
Rúna fór á alþjóðlega kvennaráðstefnu
í Seúl í Suður-Kóreu árið 2004. Þar hitti
hún fjölda kvenna sem seldu vörur sínar og
kynntu ýmsa þjónustu. „Þetta voru konur frá
öllum heimshlutum og mér fannst svo mikil
synd að geta svo ekki haft samband við
þær. Ég hugsaði með mér að gott væri ef til
væri samskiptasíða þar sem hægt væri að
hafa samband við þær.“
R
TEXTI: SVAVA JÓNSDÓTTIR