Frjáls verslun - 01.08.2010, Síða 54

54 F R J Á L S V E R S L U N • 8 . - 9 . T B L . 2 0 1 0
Hvenær telur þú að fjárhagslegri
endurskipulagningu fyrirtækja ljúki og
þau geti byrjað að fjárfesta aftur?
Til að fyrirtæki geti tekið ákvarðanir um
fjárfestingar þarf tvennt að vera fyrir
hendi: Skýr staða efnahagsreiknings og
trú á að stöðugleiki verði í
rekstrarumhverfinu. Því miður
tel ég að við eigum nokkuð í
land með þetta.
Finnur þú á meðal
viðskiptavina þinna að þeir
fái ekki nægilega fyrirgreiðslu
í bönkum?
Við höfum búið við
ákvarðanafælni í bönkunum.
Hún hefur að hluta til verið skiljanleg
þar sem mikil óvissa hefur ríkt um stöðu
efnahagsreiknings margra fyrirtækja.
Nú er endurskipulagningu bankanna
að ljúka, með nýjum skipuritum og nýju
fólki. Vonandi hreyfast málin hraðar í
framhaldinu.
Finnur fyrirtæki þitt beint fyrir því að
gjaldeyrishöftin trufli starfsemi þess?
Nei, ekki beint en vissulega óbeint.
Er fyrirtæki þitt í samkeppni við
fyrirtæki í eigu banka eða kröfuhafa?
Nei, ekki lengur, en bankar hafa afskrifað
eða breytt í hlutafé milljarðalánum hjá
keppinaut okkar.
Hvaða áhrif hefði það á starfsemi
fyrirtækis þíns ef Íslendingar gerðust
aðilar að Evrópusambandinu?
Með EES-samningnum tókum við
upp mestallt fjarskiptaregluverk
Evrópusambandsins svo áhrifin þar
yrðu lítil. Ef vonir manna rættust um
að aðild fylgdi meiri stöðugleiki í
rekstrarumhverfinu þá væri það vissulega
jákvætt. Hins vegar tel ég að við
Íslendingar þurfum fyrst og fremst að ná
tökum á okkar eigin efnahagsstjórn og
skoða svo hver hagur af inngöngu sé.
Hyggst fyrirtæki þitt bæta við sig fólki á
næstunni?
Nei, það stendur ekki til miðað við
áætlanir okkar. Fjöldi starfsfólks tekur
einfaldlega mið af umsvifum okkar. Ef
þau aukast þurfum við augljóslega fleiri
hendur. Ef þau dragast saman
drögum við líka saman þar.
Ertu hlynntur því að
festa vísitöluna í öllum
lánasamningum og kippa
þannig verðtryggingunni úr
sambandi?
Ég er almennt vantrúaður
á „reddingar“ í
fjármálaumhverfinu. Ef við
náum tökum á þjóðarbúskapnum verður
verðtrygging óþekkt fyrirbæri, rétt eins
og í þeim löndum sem við berum okkur
saman við.
Ef þú yrðir forsætisráðherra í einn dag;
hvert yrði þitt fyrsta verk?
Ráða gott stjórnendateymi sem hefði
umboð til að starfa lengur.
Viðskiptalífið yrði betra ef …
… leikreglurnar væru skýrar og
rekstrarumhverfið öruggt.
Við höfum búið
við ákvarðanafælni
í bönkunum
Sævar Freyr Þráinsson, forstjóri Símans.
SÆVAR FREYR ÞRÁINSSON
forstjóri Símans
Skýrar leikreglurog öruggt umhverfi