Frjáls verslun - 01.08.2010, Qupperneq 64

64 F R J Á L S V E R S L U N • 8 . - 9 . T B L . 2 0 1 0
Hvenær telur þú að fjárhagslegri
endurskipulagningu fyrirtækja ljúki og
þau geti byrjað að fjárfesta aftur?
Ég held að þetta sé mjög mismunandi
eftir fyrirtækjum og atvinnugreinum.
Almennt held ég að það séu a.m.k. tvö
eða þrjú ár þar til við sjáum aftur eðlileg
rekstrarskilyrði fyrir íslensk fyrirtæki á
Íslandi.
Finnur fyrirtæki þitt beint fyrir því að
gjaldeyrishöftin trufli starfsemi þess?
Þar sem Promens er með
stærstan hluta af rekstri sínum
erlendis erum við undanþegin
gjaldeyrishöftunum. Þau
hafa því haft lítil áhrif á okkar
starfsemi.
Er fyrirtæki þitt í samkeppni
við fyrirtæki í eigu banka eða
kröfuhafa?
Innan við 5% af starfsemi
Promens er innanlands. Við erum með
tvö fyrirtæki á Íslandi, Promens Dalvík og
Promens Tempru. Þessi félög eru ekki í
samkeppni við fyrirtæki í eigu banka eða
kröfuhafa.
Hvaða áhrif hefði það á starfsemi
fyrirtækis þíns ef Íslendingar gerðust
aðilar að Evrópusambandinu?
Það myndi hafa mjög lítil áhrif. Við erum
mjög alþjóðlegt félag í dag sem starfar
mest á meginlandi Evrópu.
Hyggst fyrirtæki þitt bæta við sig fólki á
næstunni?
Félögin okkar á Íslandi, Promens
Dalvík og Promens Tempra, hafa
gengið vel síðustu ár. Við höfum ekki
þurft að segja upp fólki í tengslum
við hrunið. Við reiknum með að halda
svipuðum starfsmannafjölda í íslensku
verksmiðjunum.
Ertu hlynnt því að festa vísitöluna í
öllum lánasamningum og kippa þannig
verðtryggingunni úr sambandi?
Ísland er eina landið þar sem verðtrygging
er notuð og tel ég rétt að skoða
möguleikana á að afnema hana.
Ef þú yrðir forsætisráðherra í einn dag;
hvert yrði þitt fyrsta verk?
Ég myndi setja af stað alvöruvinnu sem
sneri að hagræðingu í ríkiskerfinu. Leggja
þyrfti áherslu á að skilgreina hvaða þætti
ríkið þyrfti að starfrækja og
skera alla fitu burt. Sameining
stofnana á ýmsum sviðum
væri óhjákvæmileg og
samhliða því fækkun starfa.
Viðskiptalífið yrði betra ef …
… leyst yrði úr vandamálum
fyrirtækja hratt og örugglega
svo þau gætu einbeitt sér að
framtíðinni og tækifærum.
Ísland er eina landið þar sem
verð trygging er notuð
RAGNHILDUR
GEIRSDÓTTIR
forstjóri Promens
Tel rétt að skoða
afnám verð tryggingar
Ragnhildur Geirsdóttir, forstjóri Promens.