Frjáls verslun - 01.08.2010, Page 137

F R J Á L S V E R S L U N • 8 . - 9 . T B L . 2 0 1 0 137
Þórður Friðjónsson, forstjóri NASDAQ OMX Kauphallarinnar á Íslandi, sagði
að leiðin upp út öldudalnum, sem m.a. fælist
í því að draga fjárfesta að fyrirtækjum, væri að
horfa til hlutabréfamarkaðarins þótt þar hefði
ýmislegt gerst á síðustu misserum sem við
værum ekki hreykin af; þ.e. hruni bankanna
og nokkurra af stærstu fyrirtækjum landsins.
Þórður sagðist telja að fyrirtæki gætu nýtt
sér markaðinn betur til að ná árangri í þessum
efnum. Þá væri hlutabréfamarkaðurinn augljós
kostur við að koma þeim mörgum fyrirtækjum
sem núna væri í höndum banka og kröfuhafa í
eigu almennra hluthafa og fjárfesta.
Um sprotafyrirtækin sagði hann að það
væri dálítið merkilegt að á Íslandi hefðum við
ekki eitt einasta dæmigert sprotafyrirtæki eða
lítið fyrirtæki sem hefði farið inn á markað.
Það væri sérstakur markaður fyrir þau innan
NASDAQ og á Norðurlöndum væri mikill
fjöldi fyrirtækja á þessum markaði, svo ekki
væri minnst á svipaða markaði annars staðar,
t.d. í London.
„Hvenær eiga fyrirtæki að nýta sér kosti
markaðarins?“ spurði Þórður. „Við teljum að
það geti verið til hagsbóta fyrir mjög lítil
fyrirtæki að fara inn á markaðinn og afla sér
þannig hlutafjár til að hrinda meiru í verk.“
Hann sagði að það væru auðvitað margar
ástæður fyrir því að fyrirtæki skráðu sig á
hlutabréfamarkaði. Ein sú helsta væri að afla sér
nýs fjár. Önnur væri sú að auðvelda viðskipti
með hlutabréf í félögunum og auðvelda þannig
hluthöfum að fara inn og út úr fyrirtækjunum.
„Það getur ennfremur komið sér vel að vera
skráður með tilliti til bankaviðskipta og einnig
til að auglýsa fyrirtækið,“ sagði Þórður. „Það
eru margir kostir sem fylgja skráningu þótt í
huga margra hafi hún hugsanlega verið talin of
umfangsmikil, en við teljum að svo sé alls ekki.
Í raun og veru þurfa tvö grundvallaratriði að
vera fyrir hendi á markaðnum hjá NASDAQ.
Annars vegar þarf að skila inn upplýsingum
um hlutabréfaviðskipti í félögunum og birta
reglulega fjárhagslegar upplýsingar um þau.
Kostnaðurinn við að vera skráður á markað
samsvarar líklega launum eins starfsmanns í
einn mánuð, það er nú allt og sumt. Þannig að
fyrir fyrirtæki sem er t.d. komið með fleiri en tíu
starfsmenn er þetta auðvitað enginn kostnaður
og hjá okkur er fjöldi slíkra fyrirtækja. En að
sjálfsögðu er það kostnaður fyrir fyrirtæki þar
sem starfsmenn eru einn eða tveir.“
Að sögn Þórðar má draga saman NASDAQ
á Íslandi með einföldum hætti. „Það er yfirleitt
hægt að fara inn á markaðinn með mjög
látlausum hætti, í rauninni þurfa ekki að vera
til sölu á markaðnum nema um 10% prósent
af hlutafé í félaginu.“
Hann telur að markaðurinn sé tilbúinn.
Þau í Kauphöllinni verði vör við mikinn áhuga
hjá fjárfestum að koma inn á markaðinn.
Þórður telur að markaðurinn hér hafi fengið
massífa bólusetningu með bankahruninu og
þeim upplýsingum sem komið hafa fram eftir
hrunið.
„Ég hef því enga trú á að einhverjir svipaðir
hlutir gerist aftur næsta aldarfjórðung. Þar
fyrir utan erum við búin að breyta reglum
um margt og gera ráðstafanir sem gera það
að verkum að ég hef ekki trú á því að svona
tengingar í atvinnurekstri, eins og voru hér
2007 og settu allt úr skorðum, verði til þess að
allt fari úr böndum á nýjan leik.“
Þórður sagðist skora á metnaðarfull
ný sköpunar fyrirtæki að nýta sér hluta bréfa­
markaðinn. „Ég skora á menn að skoða
möguleikana sem NASDAQ býður upp á. Ég
hef enga trú á öðru öðru en að markaðurinn
geti nýst fyrirtækjum hér á landi vel til að afla
sér fjár, alveg eins og hann hefur gert annars
staðar.“
Lítil fyrirtæki geta augljóslega nýtt
sér hlutabréfamarkaðinn til að afla
sér nýs fjármagns. Þá er kauphöllin
augljós leið við að koma þeim
mörgum fyrirtækjum, sem núna
eru í höndum banka og kröfuhafa,
aftur í eigu almennra hluthafa og
fjárfesta.
Þórður friðjónsson
kaUphöllin
líka fyrir lítil
fyrirtæki
Þórður Friðjónsson, forstjóri NASDAQ
OMx Kauphallarinnar á Íslandi, hefur fulla
trú á að hlutabréfamarkaðurinn nýtist
fyrirtækjum hér á landi til að komast upp
úr öldudalnum og laða að fjárfesta.
TexTi: Hrund HauksdóttirÞórður Friðjónsson, forstjóri NASDAQ OMX Kauphallarinnar á Íslandi.