Frjáls verslun - 01.02.2008, Qupperneq 56

56 F R J Á L S V E R S L U N • 2 . T B L . 2 0 0 8
Liv Berg­þórsd­ót­t­ur, framkvæmd­ast­jóra Nova
Ólíkt Símanum og Nova hefur Vodafone ekki lagt áherslu á upp­
byggingu dreifikerfis fyrir 3G þjónustu. Hrannar segir að fyrirtækið
fylgist þó vel með þróuninni og að gerðir hafi verið reikisamningar við
Nova um afnot af þeirra dreifikerfi fyrir 3G en gagnkvæmur samningur
er sömuleiðis fyrir hendi um afnot Nova að þjónustukerfi Vodafones.
Liv Bergþórsdóttir fagnar samstarfssamningnum við Vodafone og
segir hann muni styrkja rekstrargrundvöll fyrirtækisins. Samnýting
dreifikerfa fyrir 3G þjónustu hafi færst í vöxt í Evrópu og telji stjórnir
félaganna að samningurinn feli í sér verulegt hagræði.
„Kröfur markaðarins um útbreiðslu og uppbyggingarhraða á 3G
kerfinu eru miklar og við viljum leita hagkvæmustu leiða til að
uppfylla þær. Samningurinn tryggir aukna notkun á 3G kerfi Nova og
það er ótvíræður hagur fyrirtækisins. Við fögnum því að Vodafone velji
kerfi Nova fyrir sína 3G þjónustu í stað þess að byggja upp eigið kerfi,“
segir Liv.
Auglýsingar símafyrirtækjanna
Auglýsingar símafyrirtækjanna voru gerðar að umtalsefni hér að
framan og það ekki að ósekju. ,,Jesú auglýsing“ Símans var valin
besta sjónvarpsauglýsingin í keppni Ímarks um Íslensku auglýsinga­
verðlaunin fyrir skömmu og auglýsingar úr sömu herferð hafa einnig
vakið verðskuldaða athygli í prentmiðlum. Síminn hefur einnig birt
margar fleiri auglýsingar og m.a. svarað auglýsingum Vodafone
fullum hálsi. Vodafone og Nova hafa sömuleiðis verið fyrirferðarmikil
á auglýsingamarkaðnum og talsmenn fyrirtækjanna þriggja eru
sammála um að auglýsingar þeirra hafi skilað tilætluðum árangri.
Linda Björk segir að áður en markaðsherferð sé hleypt af
stokkunum á vegum Símans sé fyrirfram búið að skilgreina hvaða
markmiðum stjórnendur fyrirtækisins vilji ná.
„Markmiðin snúast um að vekja athygli á þjónustunni og við
setjum okkur einnig ákveðin sölumarkmið. Auglýsingaherferð er
fylgt á eftir með mælingu frá Capacent Gallup, sem kannar hvort
fólk hafi séð auglýsinguna, hvort það tengi hana við félagið og hversu
vel því hafi líkað auglýsingin. Það er skemmst frá því að segja að Jesú
auglýsingin fékk hæstu mælingu hjá Capacent Gallup í flokki
fyrirtækjaauglýsinga. Auk þess tók markaðurinn mjög vel við sér og
veruleg aukning varð á skráningum í 3G þjónustuna.“
Hrannar hefur þetta að segja um auglýsingar um stærð farsímafyrir­
tækjanna:
„Í raun hafa fyrirtækin tvö talað um tvo ólíka hluti í sínum auglý­
singum en skiljanlegt er að fólk eigi erfitt með að greina þar á milli.
Ef við hefjum okkur hins vegar yfir skilgreiningar og fjarskipta­
tæknileg atriði, þá er hin einfalda staðreynd málsins sú að GSM
viðskiptavinir Vodafone geta notað símann sinn mun víðar en aðrir.
Kort af ólíkum GSM þjónustusvæðum fyrirtækjanna tala sínu máli.
„Við teljum okkur eiga fullt erindi
inn á þennan markað og erum
mætt til leiks til að ná árangri.“
(Liv Bergþórsdóttir, framkvæmdastjóri)