Frjáls verslun - 01.02.2008, Page 78

78 F R J Á L S V E R S L U N • 2 . T B L . 2 0 0 878 F R J Á L S V E R S L U N 79
Glæpafaraldur settur á svið
Eymundsson hefur verið bóksali frá 1872 og hressti talsvert upp á útlitið
og ímyndina á liðnu ári. Auglýsingaherferð ársins 2007 var Glæpa faraldur
fyrir Eymundsson, en í sjónvarpsauglýsingunni mátti sjá skuggalega
náunga kasta teppalögðu líki í bílskott og 3 voru boðnir til kaups fyrir 2
undir kunnuglegu stefi úr þáttunum um Derrick, góðkunningja íslenskra
sjónvarpsáhorfenda um langt skeið. Í útvarpinu voru kynntir glæpadagar
með sviðsettum morð- og skot hljóðum og í verslununum sjálfum gaf að
líta útskorna blóðpolla og gult glæpavettvangslímband þvers og kruss,
með áletruninni glæpa far aldur í Eymundsson.
Viggó Örn Jónsson, einn eigenda auglýsingastofunnar Jónsson og
Le’ macks, segir að hugmyndin að glæpafaraldrinum hafi komið út úr
strate gíuvinnu, eins og allir virkilega góðir hlutir. „Hugmyndin var sú
að kenna fólki að lesa bækur á öðrum tíma en í kringum jólin. Íslensku
glæpa sagnaverðlaunin eru afhent um þetta leyti og haustið því ákjósan-
legur tími til þess að auglýsa morð. Formið var stutt og knappt og hugs-
unin þessi, að allt logaði í afbrotum í fantasíulandi í Reykjavík. Einnig
vildum við koma því til skila að hægt væri að nálgast bækur án þess að
vera þurr pumpulegur og með nefið upp í loftið og miðla því hvernig
fólk, sem hefur gaman af því að lesa, upplifir bækur. Síðast en ekki síst
vildum við undirstrika virðingu fyrir öllum bókum, líka krimmanum,“
segir hann.
Illmenni í heimsendingu
Svipaður póll var tekinn í hæðina í auglýsingu fyrir bókaklúbba Eymund s-
son, sem fór í loftið í kjölfarið og var tilnefnd til verðlauna, þar sem
verslunin sendi alla bestu morðingjana, vafasömustu flagarana og mestu
skaðræðiskvendin heim til lesandans. Sögusviðið í þeim auglýsingum
er anddyri hjá ónefndri fjölskyldu þar sem ýmsir vafasamir karakterar
hringja útidyrabjöllunni. „Mamma! Morðinginn er kominn.“
Jónsson og Le’macks fékk lúður fyrir bestu útvarpsauglýsingu ársins
2007 sem gerð var fyrir Hive, en í henni er spunnið út frá hinni um deildu
auglýs ingu um síðustu kvöldmáltíðina og grín gert að Símanum.
Hún hljóðaði þannig: „Að rukka Jesú fyrir að hringja í Júdas – það er
Síminn. Að tala endalaust við frelsarann – það er Hive.“
Bestu tímaritaauglýsingar ársins 2007 voru Ævintýralönd frá Jónsson
og Le’macks, en þar var um að ræða sumarherferð sem gekk út á það
að fá fólk til þess að gera Eymundsson að fyrsta áfangastað fyrir sumarfrí
og kaupa sér bækur til lestrar í fríinu. Yfirskriftin var „Mundu eftir
bókinni í ferðalagið“ og vegvísum með framandi áfanga stöðum stillt
upp í íslensku landslagi; Múmíndal, Narníu og Fjarskan istan, Dubai,
Jóhannesarborg og Buenos Aires. Segir Viggó að auglýsinga herferðirnar
fyrir Eymundsson hafi verið þaulskipulagðar eftir árstíma og fjármunir
nýttir til hins ítrasta.
Auglýsingar um eitt og annað sem maður þarf að gera fyrir fertugt,
svo sem flytja að heiman, berjast fyrir vafasömum málstað og búa til
krassandi lygasögu um sjálfan sig, hafa fangað athyglina í vetur og
fékk Jónsson og Le’macks verðlaun fyrir markpóst um sjálfstætt fólk
sem tengdur er þessari herferð fyrir Lífís, þar sem fólk undir fertugu
er hvatt til þess að tryggja sig. „Mér þótti vænt um þessa tilnefningu
og eins vefbannerinn fyrir Glitni þar sem hægt var að prófa veður-
fjarstýringu sem kemur á markað árið 2025. Í þeirri auglýsingu sam-
einuðum við vefgrafík og forritun og prófuðum okkur áfram með
það sem hægt er að gera á netinu,“ segir Viggó Örn að lokum.
„Múm­ín­dal, Narn­íu og Fjarskan­ istan­, Dubai,
Jóhan­n­esarborg og Buen­os Aires. S­egir Viggó að­
auglý­sin­ga herferð­irn­ar fyrir Eym­un­dsson­ hafi
verið­ þaulskip­ulagð­ar eftir árstím­a og fjárm­un­ir
n­ý­ttir til hin­s ítrasta“
Viggó Örn Jónsson, einn eigenda
auglýsingastofunnar Jónsson og Le’macks.