Frjáls verslun - 01.08.2005, Side 124

KYNNING124 F R J Á L S V E R S L U N • 8 . T B L . 2 0 0 5
S
parisjóður Mýrasýslu var stofnaður 1913 og hefur allar
götur síðan þjónað Mýrasýslu, Borgarfjarðarsýslu og
sunnanverðu Snæfellsnesi. Á síðustu árum hafa orðið
breytingar á starfseminni og útþensla orðið með þeim
hætti að Sparisjóður Mýrasýslu hefur keypt Sparisjóð Ólafs-
fjarðar og Sparisjóð Siglufjarðar, sem þó eru reknir sem sjálf-
stæðar einingar. Þann 24. júní s.l. flutti sparisjóðurinn höfuð-
stöðvar sínar í nýtt og glæsilegt húsnæði að Digranesgötu 2 í
Borgarnesi og lokaði frá og með þeim tíma útibúi sínu á Hyrnu-
torgi. Einnig hefur sparisjóðurinn opnað skrifstofu í Reykjavík
að Síðumúla 27, sem ætlað er að sinna viðskiptavinum á höfuð-
borgarsvæðinu.
Gísli Kjartansson, sem hefur verið sparisjóðsstjóri frá árinu
1999, segir það lengi hafa verið álit hans og stjórnar sparisjóðsins
að sparisjóðirnir ættu að sameinast í sterkari einingar: „Við erum
að hefja þá ferð. Sparisjóður Mýrasýslu keypti Sparisjóð Siglu-
fjarðar fyrir þremur árum og á þessu ári keyptum við Sparisjóð
Ólafsfjarðar. Það er ekkert launungarmál að við höfum hug á að
fá fleiri sparisjóði undir okkar merki og þannig styrkja okkur um
leið og við styrkjum þá sparisjóði sem við kaupum.“
Starfsstöð í Reykjavík Sparisjóður Mýrasýslu hefur ekki aðeins
aukið umsvif sín með kaupum á tveimur sparisjóðum heldur
hefur verið opnuð starfsstöð í Reykjavík: „Þar er ekki um venju-
legt útibú að ræða. Fyrst og fremst erum við með afgreiðslu sem
sinnir margs konar þjónustu við viðskiptavini þessara þriggja
sparisjóða á höfuðborgarsvæðinu. Þar er einnig unnið markvisst
að öflun nýrra viðskipta, einkum á meðal fyrirtækja og er þetta
liður í að auka áhættudreifingu eignasafns samsteypunnar. Ráð-
gjöf vegna kaupa/sölu á fyrirtækjum, verkefnafjármögnun og
hefðbundin fjármögnun fyrirtækja eru á meðal þess sem í boði
er. Einnig færist í vöxt hérlendis að sérstaklega stór fyrirtæki sjái
sér hag í að vera í viðskiptum hjá fleiri en einni fjármálastofnun.
Við finnum til dæmis fyrir auknum áhuga þessara fyrirtækja á að
fá verkefnafjármögnun, skammtímainnlán og útlán, og annars
konar fjármálaþjónustu hjá okkur þó þau séu í daglegum banka-
viðskiptum annars staðar. Sparisjóður Mýrasýslu leggur áherslu
á stuttar boðleiðir og skjótar ákvarðanatökur og reynir þannig að
afgreiða mál á stuttum tíma og er töluverð eftirspurn eftir slíkri
þjónustu.“
Fyrirtækjaþjónusta Sparisjóður Mýrasýslu hefur sýnt umtals-
verða tekjuaukningu á síðustu misserum: „Umsvif okkar aukast
ekki aðeins með kaupum á öðrum sparisjóðum heldur höfum við
aukið fyrirtækjaþjónustu okkar og stefnum þar að öflugri ráðgjöf
sem þegar er farin að skila sér. Má nefna að nýverið sáum við um
ráðgjöf og fjármögnun vegna kaupa á Reykjafelli hf.“
Sparisjóðurinn mun áfram að sögn Gísla leitast við að upp-
fylla þarfir fyrirtækja fyrir fjármögnun, þar sem mjög mikilvægt
er fyrir fyrirtæki að hafa gott aðgengi að fjármagni til að við-
halda vexti og framþróun. „Fyrirtækjasvið Sparisjóðsins veitir
fjölþætta þjónustu við fjármögnun og tekur mið af mismunandi
þörfum viðskiptavina sinna, þar sem fulltrúar Sparisjóðsins veita
faglega ráðgjöf byggða á sérfræðiþekkingu í fjármálum.“
SPARISJÓÐUR MÝRASÝSLU
Styrkjum okkur
með kaupum á öðrum
sparisjóðum
Sparisjóður Mýrasýslu er með starfsstöð að Síðumúla 27 í Reykjavík.
Þar starfa þau Jón G. Wilhelmsson og Berglind Guðjónsdóttir.