Frjáls verslun - 01.08.2005, Qupperneq 126

126 F R J Á L S V E R S L U N • 8 . T B L . 2 0 0 5
300STÆRSTU
Á
síðasta ári fórum við í umfangs-
mikla stefnumótunarvinnu þar sem
skýrt kom fram að vaxtarmögu-
leikar okkar í smásölu lyfja hér
innanlands væru takmarkaðir. Því
var nauðsynlegt að endurskilgreina starf-
semina. Nú teljum við okkur alþjóðlegt fyrir-
tæki á heilbrigðissviði. Í því felast heilmiklir
möguleikar hvað varðar tekjugrunn, vaxt-
armöguleika og tækifæri til hagræðingar
og samlegðar við núverandi rekstur,“ segir
Hrund Rudolfsdóttir, framkvæmdastjóri
L&H eignarhaldsfélags.
Lyfjamarkaðurinn eykst lítið Í fyrra annað-
ist eignarhaldsfélagið einvörðungu rekstur
apóteka Lyfja og heilsu hér innanlands, en
nú eru dótturfélögin orðin átta og eru með
starfsemi bæði hér heima og erlendis. Áætla
má að heildarvelta dótturfélaga á næsta ári
verði tólf milljarðar króna, borið saman við
rúma fjóra milljarða í fyrra.
„Þessi nýju félög höfum við ýmist reist frá
grunni eða keypt að hluta eða að fullu. Nú
erum við að yfirfæra þekkingu á milli félaga,
ná fram samlegðaráhrifum ef þau er að finna
og almennt að vinna í rekstrarmálum. Við
erum þó engan veginn hætt í fjárfestingum.“
Sem jafnan fyrr er lyfsala þungamiðjan
í starfsemi hvers apóteks. „Hins vegar hafa
kröfurnar breyst og álagning á lyf, sem hið
opinbera stýrir, er orðin það lág að nýta þarf
betur þá fjárfestingu sem er fógin í staðsetn-
ingu, húsnæði og starfsmönnum. Því hafa
þjónusta og vöruúrval apóteka verið aukin.
Þannig starfrækir eignarhaldsfélag L&H í dag
gleraugnaverslanir og stoðtækjaþjónustu
sem í sumum tilvikum er
staðsett í verslunum Lyfja
og heilsu. Þetta er vöru-
þróun sem sífellt þarf að
vera í gangi. Með því að
bjóða upp á víðtæka heilsu-
tengda þjónustu mætum
við þörfum markaðarins,“
segir Hrund.
Hvað lyfjamarkaðinn í
dag áhrærir segir Hrund
að hvað varðar magn sé hann nokkuð
ónæmur fyrir almennum sveiflum. Engin
noti lyf að nauðsynjalausu. „Það er frekar að
markaðurinn sveiflist eftir stemmningunni í
heilbrigðis- og tryggingaráðuneytinu hverju
sinni. Heild- og smásöluverð lyfja er opinber
ákvörðun og verðið hefur verið sett niður
með handafli seinustu tvö árin, sem þýðir
nær engan vöxt á milli ára.“
Verslunin njóti viðurkenningar Hrund Rud-
olfsdóttir var fyrr árinu kjörin formaður Sam-
taka verslunar og þjónustu og segir að sem
fyrr séu mörg mál þar í deigunni.
„Það verkefni sem nú ber hæst og telja
má til nýmæla er að afla viðurkenningar á
sífellt vaxandi hlutverki verslunar og þjón-
ustu í samfélaginu. Frumvinnslan hefur
mikla þýðingu fyrir þjóðarbúskapinn en
þjónustugreinar eins og verslun og ferða-
þjónusta skapa nýju störfin í framtíðinni
og afla mestra þjóðar-
tekna. Frumkvöðlastarf,
rannsóknir og þróun ráða
miklu um samkeppnis-
stöðu Íslands. Í dag starfa
alls um 33 þúsund manns
við verslun og þjónustu.
Sú stað reynd hef ur
kannski gleymst í stjórn-
sýslunni og hún ekki veitt
greininni þá þjónustu
sem þarf,“ segir Hrund, sem segir breytingar
á virðisaukaskattskerfinu og lækkun þess
skatts annað stórt baráttumál SVÞ.
„Við viljum einnig sjá stimpilgjöldin
afnumin í áföngum og tekjuskatt lækk-
aðan í 15% þegar hagkerfið þolir. Mín
persónulega skoðun er einnig sú að ef við
viljum skila góðærinu á sem bestan hátt
til þeirra sem minnst mega sín í þjóðfé-
laginu eigi að fella niður virðisaukaskatt
af lyfseðilsskyldum lyfjum. Það er ekki
forsvaranlegt að hið opinbera sé að hafa
um þriggja milljarða króna tekjur af smá-
sölu lyfja, þegar vitað er að stærstu hópar
þeirra sem kaupa lyf eru öryrkjar og ellilíf-
eyrisþegar.“
LYF OG HEILSA • HRUND RUDOLFSDÓTTIR
„Nú teljum við okkur
alþjóðlegt fyrirtæki á heil-
brigðissviði. Í því felast
heilmiklir möguleikar
hvað varðar tekjugrunn,
vaxtarmöguleika og tæki-
færi til hagræðingar.“
TEXTI: SIGURÐUR BOGI SÆVARSSON
MYND: GEIR ÓLAFSSON
L&H færir út kvíarnar. Landvinningar og aukin velta.
Mikilvægt að afnema virðisaukaskatt á lyf.
ALÞJÓÐLEG
Á HEILBRIGÐISSVIÐI