Frjáls verslun - 01.08.2005, Qupperneq 150

150 F R J Á L S V E R S L U N • 8 . T B L . 2 0 0 5
300STÆRSTU
BALDUR GUÐNASON,
FORSTJÓRI EIMSKIPS
Hvað hefur komið þér mest á óvart í viðskiptalífinu á
árinu? Það er erfitt að líta fram hjá þeim mikla krafti sem hefur
einkennt útrás fjölmargra íslenskra fyrirtækja.
Mun afkoma fyrirtækis þíns verða betri í ár en í fyrra?
Við sjáum fram á betri afkomu á þessu ári en því síðasta.
Hvað hefur einkennt rekstur fyrirtækis þíns á þessu ári
og mun það ná settum markmiðum? Miklar umbreytingar
og hraði. Við höfum í vaxandi mæli lagt áherslu á þjónustu og
starfsmannamál og samþættingu markmiða þar að lútandi við
fjárhagsleg markmið. Fyrirtækið mun í heildina ná markmiðum
settum fyrir árið.
Telur þú að aðstæður í efnahagslífinu batni eða versni á
árinu 2006? Miðað við þau verkefni sem við blasa mun næsta
ár fela í sér áframhaldandi uppgang í efnahagslífi þjóðarinnar.
Það er óljóst hve lengi hann varir. Allt eins víst er að viðsnún-
ingur geti orðið á árinu 2007.
Telur þú að verð á íslenskum hlutabréfamarkaði haldi
áfram að hækka? Ef spár og væntingar um gang mála árið
2006 ganga eftir, tel ég að verðið eigi eftir að hækka til
skamms tíma.
„Næsta ár mun fela í sér áframhaldandi upp-
gang í efnahagslífi landsins.“
- Baldur Guðnason, forstjóri Eimskips.
Velta: 24,1 milljarðar
Hagn. f. skatta: 1,3 milljarðar
Hvernig verður árið 2006?
SETIÐ FYRIR
SVÖRUM TEXTI: SIGURÐUR BOGI SÆVARSSON