Frjáls verslun - 01.08.2005, Side 151

F R J Á L S V E R S L U N • 8 . T B L . 2 0 0 5 151
SETIÐ FYRIR SVÖRUM
SETIÐ FYRIR
SVÖRUM „Vöxtur og stækkun hefur einkennt reksturinn.“
- Finnur Ingólfsson, forstjóri Vátryggingafélags Íslands.
26
Velta: 12,4 milljarðar
Hagn. f. skatta: 3,1 milljarðar
Eigið fé: 7,9 milljarðar
STÆRSTA
FINNUR INGÓLFSSON,
FORSTJÓRI VÍS
Hvað hefur komið þér mest á óvart í viðskiptalífinu á árinu?
Sá mikli vöxtur og kraftur sem verið hefur í atvinnulífinu og birtist
ekki hvað síst í háu gengi hlutabréfa. Eins hefur vakið athygli mína
að sjávarútvegsfyrirtækin skila góðri afkomu þrátt fyrir hið háa gengi
krónunnar sem undirstrikar þá miklu hagræðingu sem orðið hefur í
þeirri atvinnugrein.
Mun afkoma fyrirtækis þíns verða betri í ár en í fyrra?
Flest bendir til að afkoma ársins 2005 verði betri en ársins 2004
sem þó var sú besta í sögu félagsins.
Hvað hefur einkennt rekstur fyrirtækis þíns á þessu ári og mun
það ná settum markmiðum? Vöxtur og stækkun hefur einkennt
reksturinn og við munum ná þeim markmiðum sem við settum okkur
í upphafi árs 2005.
Telur þú að aðstæður í efnahagslífinu batni eða versni á árinu
2006? Ef tekst að halda aftur af verðbólgunni og sveiflum á gengi
íslensku krónunnar tel ég að aðstæður í efnahagslífinu á árinu 2006
verði ekki síðri en í ár.
Telur þú að verð á íslenskum hlutabréfamarkaði haldi áfram að
hækka? Því er ómögulegt að svara. Það mun fyrst og fremst ráðast
af aðstæðum í efnahagslífinu og þeirri umgjörð sem fyrirtækjunum er
sköpuð til áframhaldandi vaxtar og hagræðingar.
BRYNJÓLFUR BJARNASON,
FORSTJÓRI SÍMANS
Hvað hefur komið þér mest á óvart í viðskiptalífinu á árinu?
Að hin stöðuga sókn íslenskra fyrirtækja og sá mikli kraftur sem
leystur hefur verið úr læðingi með auknu frelsi virðist ekki eiga sér
nein takmörk.
Mun afkoma fyrirtækis þíns verða betri í ár en í fyrra?
Afkoman mun verða svipuð af reglulegri starfsemi.
Hvað hefur einkennt rekstur fyrirtækis þíns á þessu ári og
mun það ná settum markmiðum? Síminn lagði mesta áherslu
á sjónvarpsverkefni sitt um ADSL-kerfin og fór áhugi á þjónustunni
langt fram úr björtustu vonum. Stærsta einkavæðing Íslandssög-
unnar var einnig fyrirferðarmikil og stjórnendur kynntu fyrirtækið fyrir
fjölda fjárfesta.
Telur þú að aðstæður í efnahagslífinu batni eða versni á árinu
2005? Ég tel að áframhaldandi kraftur verði í efnahagslífinu en það
er viðbúið að spenna - og þar með verðlag - verði erfið viðureignar.
Telur þú að verð á íslenskum hlutabréfamarkaði haldi áfram
að hækka? Í sumum tilfellum gæti það verið. Hins vegar mun mark-
aðurinn í heild sinni upplifa meiri stöðugleika.
15
Velta: 19,8 milljarðar
Hagn. f. skatta: 3,9 milljarðar
Eigið fé: 17 milljarðar
STÆRSTA
„Kraftur sem leystur hefur verið úr læðingi
með auknu frelsi á sér engin takmörk.“
- Brynjólfur Bjarnason, forstjóri Símans.