Frjáls verslun - 01.08.2005, Qupperneq 174

174 F R J Á L S V E R S L U N • 8 . T B L . 2 0 0 5
ÚR EINU Í ANNAÐ
TEXTI: SVAVA JÓNSDÓTTIR
MYNDIR: GEIR ÓLAFSSON o.fl.
Æskumyndin:
Æskumyndin er af Alexander Edvardssyni,
yfirmanni hjá KPMG.
Alexander skorar á Grím Sæmundsen,
framkvæmdastjóra Bláa lónsins hf., að láta
birta af sér næstu æskumynd.
Þeir Grímur hafa þekkst lengi. Bláa
lónið hefur verið í viðskiptum við KPMG frá
stofnun. Þá hafa þeir veitt saman nokkrum
sinnum á ári í nokkur ár. Alexander
Edvardsson
hjá KPMG.
Hvítir, nýstárlegir sófar voru í
bláa, íslenska skálanum á heims-
sýningunni í Hannover árið 2000.
Þórdís Zoëga, húsgagna- og
innanhússarkitekt FHI, fékk það
verkefni að hanna sófa í skálann.
„Ég lagði áherslu á mýkt
sem mótsögn við skálann sem
var eins og kassi í laginu. Hvað
varðar nafnið þá hafði ég í huga
mosaþembu sem gott væri að
sitja á.“
Sófinn er úr MDF-plötum og
klæddur með svampi. Áklæðið er
segldúkur.
Þórdís hefur hannað fjöldann
allan af húsgögnum. Í því sam-
bandi má nefna stólana Ugga og
Mími.
Hátt bak einkennir Ugga.
Þórdís vildi vinna með íslensk
efni. Steinbítsroð skreytir setuna.
Við hönnun Mímis lagði Þórdís
áherslu á einfaldan stól sem væri
þægilegt að sitja í.
Stólarnir tveir fást hjá Sóló-
húsgögnum.
„Ég legg alltaf áherslu á að
útlit, form og notagildi vinni vel
saman. Ég hugsa oft um að hlut-
urinn hafi ekkert meira en hann
þarf að hafa. Hver stóll hefur svo
sína sérstöðu.“
Hönnun Þórdísar fæst núna í
heimsborginni London. Í septem-
ber var opnuð verslunin Design
Center Knightsbrigde (http://
www.designck.co.uk/) þar sem
fæst íslensk hönnunarvara.
Uggi og Mímir eru lagstir í
víking.
Hönnun:
HVÍT MOSAÞEMBA
„Ég legg alltaf áherslu á að
útlit, form og notagildi vinni
vel saman“ segir Þórdís
Zoëga, húsgagna- og innan-
hússarkitekt FHI.
Sófinn í íslenska skálanum á
heimssýningunni í Hannover
árið 2000.
Ljósmynd:
Magnús Hjörleifsson
Mímir.
Uggi.