Víkurfréttir - 21.06.2012, Side 6

Leiðari Víkurfrétta
Tekið er á móti auglýsingum á póstfangið gunnar@vf.is.
Auglýsingar berist fyrir kl. 17 á þriðjudegi fyrir útgáfudag sem
er almennt á fimmtudögum. Móttaka smáauglýsinga fer fram
á vef Víkurfrétta, vf.is. Smáauglýsingar berist fyrir kl. 15 á
þriðjudögum. Sé fimmtudagur frídagur þá kemur blaðið út á
miðvikudögum og þá færist skilafrestur auglýsinga fram um
einn sólarhring.
Efni til Víkurfrétta skal sendast á póstfangið vf@vf.is.
Aðsendar greinar birtast á vef Víkurfrétta, vf.is. Það er mat
ritstjórnar hvaða aðsendu greinar birtast í prentaðri útgáfu
blaðsins. Ekki er greitt fyrir aðsent efni, texta eða myndir,
hvort sem það birtist í blaðinu eða á vefsíðum Víkurfrétta.
Víkurfréttir ehf., kt. 710183-0319
Krossmóa 4, 4. hæð, 260 Reykjanesbæ, sími 421 0000
Páll Ketilsson, sími 421 0007, pket@vf.is
Hilmar Bragi Bárðarson, sími 421 0002, hilmar@vf.is
Eyþór Sæmundsson, eythor@vf.is
Gunnar Einarsson, sími 421 0001, gunnar@vf.is
Víkurfréttir ehf.
Þórgunnur Sigurjónsdóttir, sími 421 0011, thorgunnur@vf.is
Þorsteinn Kristinsson, steini@vf.is, sími 421 0011
Rut Ragnarsdóttir, sími 421 0009, rut@vf.is
og Aldís Jónsdóttir, sími 421 0010, aldis@vf.is
Landsprent
9000 eintök.
Íslandspóstur
www.vf.is, m.vf.is og kylfingur.is
Útgefandi:
Afgreiðsla og ritstjórn:
Ritstjóri og ábm.:
Fréttastjóri:
Blaðamaður:
Auglýsingadeild:
Umbrot og hönnun:
Auglýsingagerð:
Afgreiðsla:
Prentvinnsla:
Upplag:
Dreifing:
Dagleg stafræn útgáfa:
Páll Ketilsson, ritstjóri
vf.is
Ekki er vika án Víkurfrétta - sem koma næst út fimmtudaginn 28. júní 2012. Bókið auglýsingar í síma 421 0001 eða gunnar@vf.is
Horfum fram á veginn
Nú þegar sumarið er að ná
hátindi sínum og allir hlakka
til að njóta birtu, blíðu og
yndislegrar náttúru hamast
margir Suðurnesjamenn á
samfélagsmiðlum og einnig í
spjalli manna á milli og tala
um hvað endalok Sparisjóðsins
voru okkur leiðinleg og dýr. Hika ekki við
að höggva mann og annan, tengdum Spkef
á einn eða annan hátt eða jafnvel ekki
tengdir honum. Það er deginum ljósara
að það voru gerð mistök, bæði fyrir og
eftir hrun í Sparisjóðnum. Rannsókn á
starfsemi Spkef er í vinnslu sem Alþingi
stofnaði til og er von á niðurstöðum úr
henni síðla sumars eða á haustmánuðum.
Víkurfréttir hafa fengið gagnrýni og
spurningar á samfélagsmiðlinum
Facebook um að hafa ekki fjallað nægilega
um málið. Því er til að svara að fjallað
hefur verið um málefni Spkef fyrir og
eftir hrun í prentútgáfu og vefútgáfu VF
á þann hátt sem miðillinn hefur reynt
að gera um hin ýmsu mál í þrjá áratugi.
Þar er þess m.a. gætt að bæjarblöð eru
miðill sem eru nær fólki á þeim svæðum
sem þau koma út á og þeirra óskrifaða
regla hefur verið sú að vera með nærgætni
í umfjöllunum en beina kröftum
sínum meira að jákvæðum þáttum í
samfélaginu en því sem miður fer.
Í síðustu viku, þegar niðurstaða varð ljós
hvað ríkið þarf að greiða ríkisbankanum
Landsbankanum fyrir yfirtökuna á okkar
aldagamla Spkef, kom í framhaldinu
hrina frétta í ríkismiðlinum sem flestar
voru gamlar, um Spkef. Í kjölfar frétta
um milljarðana sem ríkið og þar með
almenningur þarf að greiða tóku
Víkurfréttir viðtal við fjármálaráðherra
Íslands, Oddnýju Harðardóttur. Hún
er þingkona Suðurnesjamanna, búsett
í Garðinum þar sem Sparisjóðurinn
var stofnaður. VF birti auk þess frétt
frá aðalfundi Samtaka stofnfjáreigenda
Spkef og þá var önnur frétt þar sem
vitnað var í frétt RÚV og loks skrifaður
leiðari um þetta sorglegasta mál okkar
Suðurnesjamanna í langan tíma. Á
sama tíma spurðu sumir hvers vegna
VF gerði ekki neitt og jafnvel ýjað að því
að það væri einhver tenging við Spkef,
sem engin var utan eðlilegra viðskipta
nema að VF leigði húsnæði af Spkef í
fimmtán ár og greiddi af mánaðarlega.
Engin kúlulán og engar afskriftir,
hvorki hjá VF eða eiganda þess.
Margir virðast þó hafa áhuga á að
fjallað sé um Spkef á þann hátt sem
RÚV gerði í nokkra daga í síðustu viku
en þar vitnaði fréttastofan í skýrslu
sem endurskoðunarfyrirtæki gerði um
Spkef síðustu árin fyrir hrun. RÚV
eitt hefur þá skýrslu undir höndum af
ókunnum ástæðum og því gera aðrir
fjölmiðlar lítið annað en að vitna í RÚV,
kjósi þeir svo. Engar nýjar upplýsingar
liggja fyrir. Ekki er vitað með vissu
hvernig rannsóknarvinnan gengur
en eins og með rannsóknarskýrslu
Alþingis verður hún birt almenningi.
Þá verður hún opin fjölmiðlum.
Þangað til ættum við Suðurnesjamenn
að einbeita okkur að öðrum málum
sem tengjast framtíð svæðisins. Forseti
Íslands kom með góða ábendingu í
sjónvarpsþætti í vikunni þegar hann var
ítrekað spurður út í það sem hann hafði
sagt um áramótin um framtíð sína í
embættinu, hvort hann yrði jafnvel ekki
út síðasta tímabilið, gæfi hann kost á
sér áfram. Forsetinn sagðist hafa svarað
þeirri spurningu í sjónvarpsþætti á sömu
stöð nokkrum dögum áður en einnig
oft í spjalli við fólk um allt land síðustu
vikurnar. Hann sagðist frekar vilja tala
um framtíðina og þá miklu möguleika
sem landið hefði og gagnrýndi spyrlana
fyrir að spyrja alltaf um gömul mál sem
hann væri búinn að svara. Með öðrum
orðum, ekki alltaf að vera að líta á það
sem liðið er heldur horfa fram á veginn.
Er ekki málið að gera það?
(Forsetinn kom einnig inn á þetta
í viðtali sem sjá má á VF.is.)
Er ekki miklu mikilvægara að
Suðurnesjamenn standi saman nú þegar
mest ríður á í miklu ölduróti atvinnuleysis
og óvissu. Látum dómstólana um þeirra
hlutverk. Þeir munu án efa fá málefni
Spkef inn á borð til sín. Við skulum heldur
ekki gleyma því að hér varð bankahrun
og það misstu margir fótanna í ótrúlegu
og fölsku góðæri sem langflestir tóku
þátt í á einn eða annan hátt, svo vitnað
sé í orðatiltæki forsetans, sem var óbeinn
þátttakandi í því þegar hann hampaði
útrásarvíkingunum á margvíslegan hátt.
Það er erfitt að skamma hann fyrir það
núna þó margir geri það. Hann vissi
ekki betur þá. Ekki við heldur. Það er
auðvelt að setjast í dómarasætið eftir á.
Aðalatriðið er að læra af mistökunum.
Lestur er undirstaða allrar virkni og
þátttöku í samfélaginu. Það hefur
lengi verið vitað og mikið rætt,
ekki síst á undanförnum árum,
þar sem framboð afþreyingar
hefur aukist. Menningar- og
v í s i n d a s t o f nu n S a m e i nu ð u
þjóðanna (UNESCO) nefnir
örvun og styrkingu lestrarvenja
barna frá unga aldri sem fyrsta
lykilmarkmið í kjarnaþjónustu
almenningsbókasafna.
Hlutverk almenningsbókasafna
er skýrt út frá lög um um almenn-
ingsbókasöfn (1997 nr. 36 16.
maí), sem kveða m.a. á um að
þau skuli: - veita fólki, börnum
og fullorðnum, greiðan aðgang að
fjölbreyttum bókakosti og öðrum
miðlunargögnum.
- efla frjálsan og óheftan aðgang
almennings að upplýsingum og
þekkingarmiðlum.
- efla íslenska tungu, stuðla að
símenntun og örva lestraráhuga.
Með þetta að leiðarljósi vill starfsfólk
Bókasafns Reykjanesbæjar stuðla
að því að lestur verði lífsstíll allra
íbúa bæjarfélagsins.
„Þeir sem lesa mikið á barnsaldri
hafa fjölbreyttari áhugamál en
fólk sem les lítið í æsku.“ -Úr
rannsókn Ágústu Pálsdóttur
bókasafnsfræðings á lestr i í
íslenskum fjölskyldum.
Sumarlestur
Sumarlestur fyrir grunnskólabörn
hófst 1. júní s.l. og stendur til 31.
ágúst. Sumarlesturinn er unninn
í samstarfi við grunnskólanna
enda leggja skólarnir áherslu á að
lestrareflingu og yndislestur, líkt
og Bókasafnið. Í sumar eru læs
börn á leið í grunnskóla sérstaklega
boðin velkomin. Leikskólarnir
vinna með læsi, stærðfræðihugtök
o g t a l n a s k i l n i ng í l e i k o g
starfi samkvæmt framtíðarsýn
Reykjanesbæjar í skólamálum og
mörg elstu barnanna orðin læs.
Sögustundir
Þessi sömu leikskólabörn koma
í heimsóknir á Bókasafnið yfir
veturinn og fá þannig góð kynni
af sínu almenningsbókasafni. Lesið
er fyrir börnin í sögustundum
og rabbað um bækurnar, þau fá
kynningu á safninu og fróðleik um
meðferð bóka.
Listsýningar leikskólabarna
Á safninu fá þessir ungu gestir
okkar gagnkvæma virðingu sem
birtist m.a. í því að leikskóla-
börnum er boðið að sýna afrakstur
vetrarstarfsins í mynd- og hand-
mennt innan veggja safnsins. Allir
leikskólarnir 10 sýna í sumar,
2 vikur í senn, frá 7. maí til 21.
september.
Bókakoffort í leikskólum
Útibú frá Bókasafninu er staðsett í 9
leikskólum í Reykjanesbæ. Koffort
fullt af bókum fer á milli deilda í
hverjum skólanna 9 og auðvelda
börnum og foreldrum aðgengi að
fjölbreyttum bókakosti. Rúmlega
100 bókatitlar eru í hverju kofforti
til útláns og þeim fjölgar í haust.
Þá er fjölmenningarverkefni einnig
starfandi í 9 leikskólunum en það
inniheldur bækur með upplestri til
að hluta á samhliða skoðun bóka,
en það auðveldar tvítyngdum
börnum að læra íslensku.
Sögupokar
Sögupokaverkefni Bókasafnsins
hefur vakið mikla athygli víða um
land, en sögupoki er taupoki með
bók og hlutum/dóti sem tengjast
sögunni. Verkefnið miðar að því
að auka lesskilning barna og víkka
út lestrarupplifun þeirra í gegnum
lestur og leik með foreldrum eða
forráðamönnum. Sögupokar eru í
hnokkadeild alla opnunardaga.
Fjölbreyttur bókakostur fyrir alla
Eftir að Bóksafnið tók þátt í
samstar fsverkefni nokkurra
almenningsbókasafna, „Bækur
og móðurmál“ sem hafði það
að markmiði að efla bókakost
fyrir almenning sem átti annað
móðurmál en íslensku, á safnið gott
úrval af bókum á ensku og pólsku.
Kynningar á safninu
Starfsfólk bókasafnsins notar
ýmsar leiðir til þess að kynna
fjölbreytta þjónustu safnsins
og safnkost. Skólabörn koma í
heimsóknir, almenningur fær
leiðsögn um safnið og starfsfólk
nýtir samfélagsmiðilinn Facebook
og veraldarvefinn í þessu efni.
Vefslóð safnsins er reykjanesbaer.
is/bokasafn og safnið er skráð
sem Bókasafn Reykjanesbæjar á
Facebook.
Notendafræðsla
Lánþegum stendur til boða að
fá kennslu í upplýsingalæsi og
heimildaleit í gagnagrunnum á
Bókasafninu yfir vetrarmánuðina.
Þjónustan, sem er gjaldfrjáls, hefur
það að markmiði að bæta notendur
í upplýsingalæsi og heimildaleit.
Upplýsingaþjónusta
Sérhæft starfsfólk Bókasafnsins
starfar við upplýsingaþjónustu
safnsins. Lánþegar sem þurfa
á sérhæfðu efni að halda fá
a ð s t o ð f r á b ó k a s a f n s - o g
u p p l ý s i n g a f r æ ð i n g u m v i ð
efnisöflun og heimildarleit.
Tölvur og þráðlaust net
Almenningi gefst kostur á að nota
tölvukost safnsins sem staðsettur
er í almenningsrými. Þar er bæði
hægt að komast á veraldarvefinn
og vinna í Office forritum. Þá er
þráðlaust net á safninu fyrir fólk
með eigin tölvur. Allir sem eiga
gild bókasafnskort á Bókasafni
Reykjanesbæjar fá þjónustuna
endurgjaldslaust, annars þarf að
greiða fyrir hana.
Heimsendingar, eldri
borgarar og sjúkir
Þeir lánþegar sem ekki eiga að
heima gegnt geta fengið safn-
gögn send heim. Þá þjónustar
starf sfólk einnig eldri borgara á
Nesvöllum og Hlévangi og sjúka á
Heilbrigðisstofnun Suðurnesja.
Spjall, grúsk og bókmenntaarfur
Yfir vetrarmánuðina er starf-
and i b ók aspj a l l á s a f n i nu .
Þar er rabbað um bækur sem
þátttakendur Bókaspjalls hafa
verið að lesa. Einnig er boðið upp á
bókmenntanámskeið undir liðnum
„Kynning á bókmenntaarfinum.“ Í
haust ætlar Þorvaldur Sigurðsson,
bókmennta- og íslenskukennari
að fjalla um Njálu. Að lokum má
geta þess að aðstaða á safninu hefur
verið nýtt fyrir fleiri áhugahópa,
t.d. ættfræðigrúskara sem hittast
þar reglulega við sína iðju.
Hu l d a Björ k Þ or kel s d ót t ir
forstöðumaður
Svanhildur Eiríksdóttir
deildastjóri
Viljum gera lestur að lífsstíl íbúa Reykjanesbæjar
6 FIMMTUDAGURINN 21. júNí 2012 • VÍKURFRÉTTIR